Osia 3:4 - Ŋ̀âla Kɔlɔ Maa Waai

⁴ Bere sîi tɔnɔi ŋí nɔ́ ƃé a pâi kɛ̂i la a Eezuɛ-ŋai. Dí fé pâi ŋɔ́nɔ kɛ̂i kâloŋ da mu kpaa máŋ díkɛ núu-laa-tuɛ nûu da mu a tãi su kôyaa. Dífe pâi sâla kulâi sɛŋ da kpɛ́ni ma, kpaa máŋ kɔni. Sâla láa soŋ nûu fé pâi tela kɛ̂i díyêei.”

Osia 3:4 ပူးပေါင်းရင်းမြစ်များ

Zɛnɛse 31:19

Tãi Laƃaŋ è lì la ŋɔƃála-ŋai léɣa teêi, ǹóŋ Leesɛ è ŋɔɣâla pɔkɔɔŋ-ŋai ŋûma.

Zɛnɛse 31:34

Ǹyaŋ Leesɛ è ŋ̀âla-pɔkɔɔŋ-ŋai pù zoo-faleŋ mɛi kpêliŋ mu é sée mɛi. Laƃaŋ è zua kɔlɔ seɣe pɛrɛi mu gwaa kélee kɔ̀ri vé díkaa ní.

Zɛnɛse 49:10

Zudasi ŋɔkâloŋ-wuruii fé pâi kulâi ǹyêei. Ŋɔsuui su ƃelai da pâi wɔ́lɔ kɛ̂i nɔ́ a kâloŋ ŋa. Lɔii-ŋuŋ ŋai da pâi kɛ̂i nɔ́ ŋuŋ-fela-fei tɛɛ̂i bɔ́.

Samia Veerɛi 6:14

Deeƃé è m̀ãla Yâwɛɛ ŋɛ́i-tuɛ a ŋɔwála-walai kélee. È kɛ̀ a m̀aa ɣiriɛ́ɛ a ɛfɔ.

Kâloŋ Veerɛi 23:24

Zosaya è ǹúui kélee su kàra zɔŋ è kɛ̀ mɛnii tí su da zɛŋ nyii kélee dí tíi kɛ̀ la naa Zuda da Zerusâlɛŋ é pɛ́lɛ diai dîa da kâa lòno zaa-ƃelai pɔ́i, tuɛ-mɛni ƃó-ƃela da ŋâla-pɔkɔɔŋ-ŋai. È kɔ̀ kpɔ́ a gbanaŋɔɔ bere sîi kélee su a gɛɛ é dɔ̂ŋ kélee mɛi káa nyii kɛ̀ a bɔ̃yɛɛ gɔlɔi su nyii Zâla-laa soŋ-nuui Ɛɛkea è gàa Yâwɛɛ ŋɔpɛ́rɛ kɛ́tɛi mui.

Kɔlɔnikɔ Veerɛi 15:2

Nya ƃe Azaria è lì é mó Asa da Zuda-ƃelai é pɛ́lɛ Bɛŋsima ŋɔsuui su-ƃelai kélee dîa ǹyɛɛi, “Ka ŋ́oo mɛ́ni. Yâwɛɛ káa kápôlu à kɛ̀ kà kɛ̀ bôlu. À kɛ̀ ka vɛli, ka pâi gâai. Kɛ́lɛ à kɛ̀ ka káyee kùla mu, a pâi ǹyée kulâi ká mu.

Ɛsedɔ 28:4

Zeɣe-ŋai ká ŋí da pâi gbɛtɛ̂i, Seɣe kpua yîƃa kɛ́ɛ mà geŋe lá mɛni ma, ɛfɔ, yokpo, yɛkɛ pɔ̃yɛ, ŋua ƃɔrɔ da bɛ̂ti. Fɛ̂ɛ dí seɣe maa waa-ŋa kpɛtɛ ílîa Eelɔŋ mɛni ma da ǹônii a gɛɛ dí tíi kɛ́ mî a ŋásâla láa-soŋ-ƃela.

Ɛsedɔ 28:6

“Fɛ̂ɛ dí ɛfɔi kpɛtɛ a gôo, yee buluŋ kɛ́ɛ, yee-kpɔ̂lu m̀u tɛiɣɛɛ da ƃála-leɣa kpɔ̂lu, dí bɔ̃yɛ a ǹɛ́lɛɛ.

Zerusâlɛŋ Karáa Maa Wɔ̂lɔ-wooi 2:9

Ziɣãŋ lá kpɔŋ da zɔ́ɔŋ-too-sãai kélee wólo-woloi búɔɔ naa. Ŋɔkâloŋ da ŋɔtíi kɛ́-ƃelai da kɛ́ a luɛ-ŋa lɔii da kpɛ́ni-ŋa su. Dífe ŋɔ́nɔ dɔ̂ŋ lɛ̂i dímɛi káa mɛni ma. Zĩ̂a fa ŋɔ́nɔ tɛ̀ɛ a Yâwɛɛ ŋɔlóno kɛ́-ƃelai a gɛɛ dí ǹá-woo ƃó ǹûai dîa.

Izikiɛ 19:14

Ŋɔŋ a tée m̀a, a ŋ̀ówo da m̀â kereŋ, m̀ɛni ma, ŋ̀owo fé ŋɔ́nɔ pâi kɛ̂i a zu kpanaŋɔɔ, kâloŋ wuru fé ŋɔ́nɔ pâi kɛ̂i naa. Maloŋ tòo maa wule ká ŋí. Ǹyaŋ a pâi kɛ̂i a maloŋ tòo maa wule woo.

Izikiɛ 20:32

Ka gbɛ̀tɛ kákili ŋa a gɛɛ ka ŋ̀wɛ̂li ká kɛ yɛ̂ɛ ǹɔii ŋuŋ ŋai díkaa ká kɔlɛ mai, ká kɛ yɛ̂ɛ ǹûai díkaa ká kɔlɛ ǹɔii ŋai sui a gɛɛ ká kɛ ŋ̀úru-ŋai da gɔni-ŋai fɛli. Kɛ́lɛ, vé pâi kɛ̂i a dɔnɔ kpîŋ.

Izikiɛ 21:21

Kpɛ́ni fêi Babelɔŋ kaloŋ káa tɔɔ̂i bere-taɣãŋ la ƃɛi bere feerɛi è pìlaŋ náa gîe mai, gɛ berei nyii kɔ̂ri a pɔ̂ri lɛɛ̂i m̀ai. È ŋɔ sɔlai tôo a gɛɛ é berei kɔlɔŋ a pɔri lɛ̂ɛi mai. È zala-sɔlai líî-pere maa kpɛ̂ɛ a gɛɛ é berei kɔlɔŋ a pɔ̂ri lɛ̂ɛi m̀ai.

Izikiɛ 21:31

Ŋa pâi ńii ŋwânai kâa. Ŋa pâi ńii ŋwânai kâa nyii pâi kɛ̂i yɛɛ ŋɔŋ-sôŋ. À kɛ̀ tí, ŋa pâi ká tɛɛ̂i ŋwana-lɔ̂ɔ-ƃela pɔ́ nyii-ŋai dítii ƃa núu su karáa.

Danîa 11:31

Ŋɔkɔ kɔ́-ƃelai da pâi mɛni nyɔ́mɔɔ-ŋa kɛ̂i Ŋ̀âla-pɛrɛ Kɛ́tɛi mu. Da pâi ǹûai díɣele kélee sala kula mɛ̂ni-ŋai kperâi. Da pâi zɛŋ nyɔ́mɔɔ kɛ́tɛi seêi Ŋ̀âla-pɛrɛ Kɛ́tɛi mu.

Danîa 12:11

“É kúla ŋ̀ele kélee sala kula mɛ̂ni-ŋai kpera tãi ma da tãi a pâi zɛŋ nyɔ́mɔɔ kɛ́tɛi seêi la Ŋ̀âla-pɛrɛ Kɛ́tɛi mui, ɣele kûu wála tɔnɔ pôlu ŋuŋ feerɛ pôlu buu lɔ́ɔlu mɛi náaŋ (1,290) a pâi tɛɛ̂i.

Danîa 9:27

A pâi gɛ̂i da núu támaa dí díwoo kɛ́ zu tɔnɔ góraŋ lɔ́ɔlu mɛi feerɛi ŋí yée mu. Góraŋ lɔ́ɔlu mɛi feerɛi ŋí a ƃèla nɔ́ zâmai é dísâla kula mɛni-ŋai kpéra. Gɛ̀ ní a pâi zɛŋ nyɔ́mɔɔ kɛ́tɛi seêi Ŋ̀âla-pɛrɛ Kɛ́tɛi tôŋ su. A pâi lɛɛ̂i naa é lɛ́ɛ la zu Ɣâla é ǹúui zɛŋ nyɔ́mɔɔi ŋí sèe naai su kara.”

Osia 13:10

Kákâloŋ kɔɔ é káƃalo, kákâloŋ túɛ-ƃelai kɔɔ dí ká-mɛi wôo ƃó, diai ká dí-mare-kɛ̂ɛ kɛ̀ ḿâ kâa, ‘Káloŋ tɛɛ kúpɔ é pɛ́lɛ núu túɛ-ƃela diai?’

Osia 13:11

Ŋá kâloŋ-ŋa tɛ̀ɛ kápɔ lii-ŋwâna-pere su. Ŋá díkula káyêei lii-ŋwâna-pere su.

Osia 2:11

Ŋa pâi ŋɔlii nɛ̃ɛ̂i, ŋɔkúu kɛ́ɛi, ŋɔɣáloŋ nina kuu kɛɛi, ŋɔfii-tɔɔ ɣele-ŋai da ŋɔtɔɔ kuu ɣele-ŋai kélee kperâi.

Levetekɔ 8:7

È yɛkɛ tòo Eelɔŋ ma é nyokpoi too mɛi é mɛi ɣíri a bɛ̂ti, é ɛfɔi too ma é mɛi ɣíri a seɣe ƃela bɛ̂ti palaa lɛ́lɛɛ.

Zɛkɛrâya 10:2

Tɛli kpɛ́-ƃela da ƃoo lôno kɛ̀, ǹyaŋ mɛni ƃóɔɔ nàa-tuɛ-ƃelai díkɛ lɛ́ɛ kɛ̀. Zee-wôo ƃó-ƃelai díkɛ lɛ́ɛ see-woo ƃò, díkɛ núu ŋánɛnɛ-woo ƃò kpɛ́ni-kpɛni. M̀ɛni ma ǹûai da pù lɔ̂ɔi yɛ̂ɛ ƃála-ŋa dímaa tée-têɛɛ, kpɛ́ni fêi, dímɛi-káa-nuu fé ma.

Zɛkɛrâya 13:2

Maa ɣêlei tí ŋa pâi zɛŋ da kpɛ́ni-ŋai láa kulâi ǹɔii ma nyii ǹûai da zìɣe a díɣâlai, a gɛɛ núu fé pâi ŋɔ́nɔ gíli ŋá siâi é pîlaŋ dîa. Ŋa pâi ŋɔ́nɔ Ɣâla-ŋɔlóno-kɛ-ƃelai nyii-ŋai kulâi ǹɔii ma da diai nyînaŋ nyɔ́mɔɔ káa díkponôi.

Lûu 21:24

da pâi lɛɛ̂i m̀óa-sɔkpɔ-ŋai yée mu, dí li a dia a kɔ-soŋ ŋa lɔii-ŋuŋ ŋa su. À kɛ̀ tí, Zɛ̃tai-ŋai da pâi Zerusâlɛŋ tánîi díkɔɔ mu é lɛ́ɛ zu Zɛ̃tai-ŋai dítãi ŋa-see é kɛ́.

Zɔ̂ŋ 19:15

Dí làɣi, dîyɛɛi, “Ka lí la, ka lí la, ka gbamo saa-wuru ma!” Pâle è mò dîa, ǹyɛɛi, “Ŋá kákâloŋ kpamo saa-wuru ma?” Zâla láa soŋ-ƃela kpaya-kpayai dîyɛɛ ma, “Kâloŋ da kpɛni fé kúyêei fɛ̂ɛ Gâloŋ Siizɛ.”

Ibulu 10:26

Kpɛ́ni fêi, à kɛ̀ kwa gìri kwa sɔnyɔ̂ŋ kɛ̀ dɔ̃yâi maa-tarei sɔlɔ ƃoɔɔ kûɛ pôlu ma, gɛ̀ ní sâla kúlaa fé ŋɔ́nɔ naa kúsɔnyɔ̂ŋ mɛni mà.

M̀ɛni-sâa Ƃó-ƃelai 17:5

Maka è gbɔ́ɔi kwaa ma kpɛ̀tɛ é zãâ pɔkɔɔŋ-ŋai pú naa gɛ́ dífɛli. È sâla láa soŋ nuu maa seɣe kpɛ̂tɛ é bú naa. È ǹônii sinaai dɔnɔ kɛ̀ a sâla láa soŋ-nuu naa mɛni ma.

M̀ɛni-sâa Ƃó-ƃelai 18:14

Gɛ́ɛ tíi, zinâa lɔ́ɔlui dí dítɛ̀ɛ a gɛ́ɛ dí Laisi lɔii su maa kpɛ́ɛi, dí mò díƃarâi dîa dîyɛɛi, “Núu da káa daai ŋí su sãa pɔkɔɔŋ-ŋa káa ǹyêei ŋɔpɛ́rɛi mu. A kɛ̀ dífɛlîi. Sâla láa soŋ nuu maa yôkpo káa ǹyêei máŋ. Lé ƃé kálâai la kwa pɔ̂ri gɛ̂i lai?”

M̀ɛni-sâa Ƃó-ƃelai 8:27

Gidiɔŋ è gôo woli-sãai ŋí sîɣe é ɣâla pɔkɔɔŋ kpɛtɛ la é dɔɔ bɔ́-taai Ofura, gɛ́ vɛ̀li. Eezuɛ-ŋai kélee dí dípôlu tɔ̀ɔ Ɣâla ma díkɛ ŋ̀âla-pɔkɔɔŋ ŋí fɛ̂li. M̀ɛnii ŋí è kɛ̀ a ƃáre nyíi Gidiɔŋ è dɛ̀ gbîŋ mɛni ma da ŋɔsuui su-ƃelai.

Samia Maa-ŋuŋ 14:3

Aiza ƃé kɛ̀ a zâla-laa soŋ-nuui. Ŋɔtíi-ŋai dɔnɔ ƃé kɛ̀ gɛ́ Yâwɛɛ wóo su-kula Sɔ̂ɔ ma. Aiza è kɛ̀ a Ikabɔ ǹîa nyíi kɛ̀ a Aitu ǹóŋ. Aitu ǹâŋ láa ƃé kɛ̀ a Fineɣa. Fineɣa ǹyaŋ è kɛ̀ a Ilai ǹóŋ. Ilai ƃé kɛ̀ a Yâwɛɛ ŋɔsâla-laa soŋ-nuui Silo. Ǹûai dífe kɛ́ ní a gɔ́lɔŋɔɔ a gɛ́ɛ Zonetaŋ da ŋɔkɔ́ kɔ́-sãa siɣe-nuui da díloo da lí.

Samia Maa-ŋuŋ 15:23

Í máŋ tɔɔ Ɣâla ma kpaa máŋ í ŋ̀óo píli, kpɛ́ni fêi, íkpîŋ kɛ́tɛi íŋɛi, gáa nɔ́ a ǹyɔ́mɔɔ yɛ̂ɛ núu a kɛ̀ ɣâla-pɔkɔɔŋ fɛlii, kpaa máŋ gɛ́ m̀arê kɛ̀ a gɛ́ɛ é ǹîa woo ƃó. Í íyee kùla m̀ɛnii mu Ɣâla è mò yâ a gɛ́ɛ í gɛi. Mɛni ma, aâ gbɛtɛ gíli ŋá a gɛ́ɛ ífa ŋɔ́nɔ pɔri kɛ̂i a kâloŋ.”

Samia Maa-ŋuŋ 2:18

Samia è kɛ̀ tíi kɛ̂i Yâwɛɛ ŋɔpɛ́rɛi mu seɣe-ƃela kpíniŋɔɔ ǹeŋei.

Samia Maa-ŋuŋ 21:9

Zâla láa-soŋ-nuui è ŋ̀óo su tòo ǹyɛɛi, “M̀óa-sɔkpɔi nɔ́ gáa ƃɛ́i ƃa nyíi kɛ̀ Felesia-nuui Golaya yêei nyíi í bàa kɛ̀ Ila kpotoloi sui. Mɛni ma ya pɔri ziɣêi a kɛ̀ ya ŋ̀wɛ̂lii. Seɣe kpíniŋɔɔ̂i la gɛ́ ƃò tɔɔni bɔkɔɔŋ pôlu.” Deeƃé ǹyɛɛ m̀ai, “Gáa a ƃóa-sɔ̂kpɔ lɛ́lɛɛ. Ŋa pâi ziɣêi!”

Samia Maa-ŋuŋ 22:18

Nya ƃe Sɔ̂ɔ è tìnaŋ Idɔŋ-nuui Doɛɛ pɔ́-naa ǹyɛɛ m̀ai, “Zâla láa soŋ-ƃelai ŋí páa!” Maa ɣelei tí Doɛɛ è Sâla láa soŋ-ƃela buu lɔ́ɔlu mɛi saaƃa káo lɔ́ɔlu pàa.

Samia Maa-ŋuŋ 23:6

Gɛ́ɛ tíi, Sɔ̂ɔ è mɛni a gɛ́ɛ Deeƃé káa Keila. Sɔ̂ɔ è mò ǹyɛɛi, “Ɣâla aâ fáa ma a gɛ́ɛ ŋá Deeƃé sóŋ. Deeƃé káa nâa daai su nyíi maa tinaŋɔɔ̂i a siɣãŋ. Núu a pɔri ǹáa tɛ̂i é zɔ́ɔŋ tóo.”

Samia Maa-ŋuŋ 23:9

Deeƃé è mɛ̀ni a gɛ́ɛ Sɔ̂ɔ a gbɛ̀tɛ a gɛ́ɛ é zóŋ. È mò zâla-laa soŋ-nuui Abiata ma ǹyɛɛi, “Kú Ɣâla marê kɛ́ lé ƃé kwa pɔri gɛ̂i.”

Samia Maa-ŋuŋ 30:7

Deeƃé è mò zâla-laa soŋ-nuui Abiata nyíi kɛ̀ a Aimelɛ ǹóŋ ma ǹyɛɛi, “Pá mî a Ɛfɔi” Abiata è pà la bɔ́.