Osia 3:2 - Ŋ̀âla Kɔlɔ Maa Waai

² Nya ƃe ŋá m̀aa sɛ̂ŋ kɔ̀lɛ a káne kpua-kpua puu kao lɔ́ɔlu da felaƃa tiŋ puu.

Osia 3:2 ပူးပေါင်းရင်းမြစ်များ

Zɛnɛse 31:41

Ǹyaŋ bere nɔ́ ƃé ŋá góraŋ buu feerɛi tɛ̀ɛ la íyêei. Ŋá tíi kɛ̀ yɛ̂ a kóraŋ puu káo náaŋ ílônii-nɛyâa feerɛi mɛni ma. Ŋá kóraŋ lɔ́ɔlu mɛi da kɛ̀ ítaa-tulɛ-ŋai mɛi kâai. Ǹyaŋ í ŋáfela-fei maa fáleŋ-laa kɛ̀ gîei puu.

Zɛnɛse 34:12

Sɛŋ kélee ka ḿarê kɛ̀ m̀ɛni ma é pîlaŋ la nɛnî kula-mɛni mai, ŋa pâi dɛ̂ɛi kápɔ à kɛ̀ nɔ́ kà nɛnîi tɛ̀ɛ ḿbɔ a gɛɛ é kɛ́ a ŋánɛnî.”

Ɛsedɔ 22:17

Kɛ́lɛ à kɛ̀ nɛnîi ǹâŋ à wàla fáa a gɛɛ é dɛ̀ɛ zurɔ̂ŋ tí pɔ́, gɛ̀ ní fɛ̂ɛ zurɔ̂ŋ é sɛŋ-kao kɔlɛ ǹaŋ nuui mâ é seri nɛni-kpela kula sɛŋ-kao su.

Azaya 5:10

Dí máŋ kpɔmɔ ƃâ kpaa lɛ́lɛɛ sí éekà lɔ́ɔlu ma, ŋwã̂ai tìŋ tɔnɔ nɔ́ ƃé da pâi zɔlɔ ƃôi naa. Da kulûŋ puu kpalaŋ ŋá-tii kɛ̀, mɔlɔŋ-kulûŋ tɔnɔ nɔ́ ƃé da pâi dêei naa.”

Izikiɛ 45:11

“Ífai nyii ka zãa kpalai kɔ̂lɛ zu, da bai nyii ka yá kɔ̀ɔŋ zui, díkɛ a dípɔriɛɛ a gîe. Bai puu káa a omɛ tɔnɔ, ífa puu kɛ́ ƃò a omɛ tɔnɔ. M̀ɛni ma, omɛi é kɛ́ a zɛŋ-kɔ̂ɔŋ sɛŋ nyii ǹúui kélee díkɛ sɛŋ kɔ̂ɔni zu.

Osia 3:3

Nya ƃe ŋá mò ma ǹyɛɛi, “Fɛ̂ɛ í pá íkɛ ŋápɛrɛi mu a ɣele kûu támaa íkpera wulu-wulu kɛ́ɛ ma. Tãi tí yée mu kwa yá kúfe pâi nyîi gîe ma. Ǹyaŋ kpakolo da kpɛ́ni fé pâi ímaa mɛni kɔ́lɔnîi.

Levetekɔ 27:16

“Núu da a ŋɔlɔii gbua da tɛ̀ɛ Yâwɛɛ pɔ́ a sama-sɛŋ da ǹɔii kpîŋ ƃâa tèe nɔ́ yɛ̂ɛ sí-sãa kaoi da zì mai zɔ̃ɔ. A kɛ̀ gwaai ḿâ káa a ƃɛ́i da bale kpɔlɔ-kuu tɔnɔ si naai, zɔ̃ɔ a kɛ̀ nɔ́ a kane kpua-kpua puu.

Lûfi 4:10

Ŋa Môa nɛnii Lûfi yá máŋ nyíi gáa a Malɔŋ ŋɔpɔɔ-nɛnii, a gɛ́ɛ gɛ́ ƃò a ŋánɛnîi. Ŋá nyíŋi kɛ̀ a gɛ́ɛ zaa-nuui láa é lɛ́ɛ ŋɔpɔɔ-sɛŋ ma ŋɔnûai dífe nîa ǹáa ma. Kákaa a ŋásêre-ŋa sâa.”

Samia Maa-ŋuŋ 18:25

Sɔ̂ɔ è gbɛ̀tɛ gíli ŋá a gɛ́ɛ Felesia-ŋai dí Deeƃé páa. Nya ƃe è mò ǹyée mu-ƃelai dîa ǹyɛɛi, “Ka m̀ó Deeƃé ma kâai ‘Gâloŋ fé káne kpaa máŋ gôo da wɛ̂lii íyêei. A wɛ̂lii nɔ́ da ŋɔkpɔara-ƃelai dí pɔri. M̀ɛnii nɔ́ ya pɔri gɛ̂i ǹyaa ƃa í pá a sêre a gɛ́ɛ ya pâi Felesia-ŋai ŋuŋ tɔnɔ paâi.’ ”