Osia 2:9 - Ŋ̀âla Kɔlɔ Maa Waai

⁹ M̀ɛni ma ŋa pâi ŋá sí-sɛŋ su karâi a gula tãi. Ŋa pâi ŋáŋwã̂ai su karâi a gbɛ̀tɛ tãi. Ŋa pâi ŋáseɣe pala-sãai siɣêi pôlu nyii-ŋai ŋá dɛ̀ɛ bɔ́ a gɛɛ é seɣe pála la é dóo m̀ai.

Osia 2:9 ပူးပေါင်းရင်းမြစ်များ

Izikiɛ 16:27

“M̀ɛni m̀â, ŋa nâa mu siɣe a gɛɛ ŋá í kula maa kɛ́. Ŋa pâi ŋá lûwai kulâi íyeêi, ŋa ítɛɛ Felesia-ŋai pɔ́ nyii í ƃɛlɛ kpɛɛ̂i díkoi íwulu-wulu kɛ́ mɛnii mai.

Izikiɛ 16:39

Ŋa pâi í tɛɛ̂i í wɛ̂li-ŋai pɔ́ dí íwulu-wulu kɛ́ kwaa ŋai m̀â da íɣâla-pɔkɔɔŋ fɛli kwaa-ŋai m̀â wólo. Da pâi ímaa ɣiri sãa-sɔ̃ɔ kpanaŋɔɔi kulâi yâ. Dí ímaa-ɣiri-kɔyɛŋ-ŋai siɣe dí í lɛɛ a íkaŋ.

Izikiɛ 23:26

Da pâi íseɣe-ŋai kulâi yâ dí íkɔyɛ̂ŋ lɛ́lɛɛ-ŋai kélee sóŋ íyêei.

Danîa 11:13

“Asiria kaloŋ a pâi kɔ́ kɔ́-ƃela kpulu da kpɛ́ni-ŋa siɣêi nyii zu-ƃela tâmaai é tɛ́ɛ maa-ŋuŋ ma é dípu ŋɔkɔ́ kɔ́-ƃelai dîa. Kóraŋ kpɛ́-kpɛɛ a tɛ̀ɛ, da pâi kɔ́ pɛlɛ̂i Ize ma.

Osia 2:3

À wàla kɛ́ tí, ŋa pâi maa kpôlonii é lɛ́ɛ a gáa kàŋ yɛ̂ɛ berei dí m̀aa sɔlɔ ƃô lai. Ŋa pâi gɛ̂i yɛ̂ɛ fɛ̃ɛ-kpâlaŋ su, gɛɛ yɛ̂ɛ lɔii-kpûa ƃɛ́i yá fé naai, ŋá báa a kpele wɛ̂li.

Osia 8:7

À kɛ̀ da vãai sî, da pâi m̀á kulâi a fãa. Sí-sɛŋ nyii mɛi teɛɛ̂i, va ƃà. À kɛ̀ máŋ a ƃà, ŋɔ̃ya-ŋa nɔ́ ƃé pâi m̀á miî.

Osia 9:2

Zãâi kélee ka zɔlɔ ƃô zãâ táŋ-kwaa-ŋai ma da ŋwã̂ai kpɛtɛ kwaa-ŋai mai, dífe pâi kɛ̂i a dámaa ká ŋáa kɔŋ mɛni ma.

Zooɛ 2:14

Gbɛ̂ɛ ƃé gɔ́lɔŋ, ɣele da Íɣâlai Yâwɛɛ a pɔ̂ri ǹíi penêi, é ímalôŋ káa, é lûwa-too yâ, ísi-sɛŋ támaa sɔlɔ ƃó. Gɛ̀ ní ƃa pɔ̂ri ísi-sɛŋ m̀á da tɛɛ̂i bɔ́ da ŋwã̂ai a sama-sɛ̂ŋ.

Zɛfɛnâya 1:13

Da pâi díkɔ̃liŋ kulâi díyêei a wála-wâla-laa, dípɛrɛ-ŋai dí lɛ́ɛ a gbolôŋ. Berei máŋ da pâi pɛ́rɛ-ŋa tɔɔ̂i la díkpîŋ mɛni mai, vé pâi kɛ̂i a dípɔɔ, berei máŋ da pâi kpɔmɔ-kpâlaŋ-ŋa lâai lai, dífe pâi maa-ŋwã̂ai da kpelêi.”

Malakai 1:4

À kɛ̀ Isɔɔ ŋɔnûai Idɔŋ-ŋai da mò dîyɛɛ, “Da kútaa-ŋai wólo kɛ́lɛ kwa pâi dɔɔ̂i ŋɔ́nɔ pôlu,” gɛ̀ ní Yâwɛɛ a pâi zu toôi ǹyɛɛ, “Tɔɔ dí dɔɔ pôlu, ŋa pâi díwôloi ŋɔ́nɔ. Nûa da pâi dílɔii tôlii a ŋwana-lɔ̂ɔ lɔii, maa lɔii tí su-ƃelai ƃé Yâwɛɛ líi ŋwanâai dîa wɔ́lɔ-wɔlɔ da wɔ́lɔ-wɔlɔ.”

Malakai 3:18

Ŋánûai da pâi ŋɔ́nɔ mɛni sîi feerɛ loai kɔ́lɔnîi, zɔnyɔ̂ŋ-ƃelai da zɔŋ lɛ̂lɛ-ƃelai, ǹúui va ŋ́oo mɛnii da ǹúui a ŋ́oo mɛnii.”