Osia 2:18 - Ŋ̀âla Kɔlɔ Maa Waai

¹⁸ “M̀aa ɣêlei tí ŋa pâi ŋ́gono-têei ŋánûai yêei a gɛɛ ǹɔɔ fɛnɛ-sãai, ŋɔni-ŋai, da dɔara-sãai dífe mɛni ŋánaa kɛ̀ a dia. Ŋá pâi kerâŋ, ƃóa-sɔ̂kpɔ da kɔ́kɔ mɛni kperâi ǹɔii ma. Ŋa pâi gɛ̂i dí kɛ́ lii-sêe su.

Osia 2:18 ပူးပေါင်းရင်းမြစ်များ

Zôo 5:22

Ya pâi íŋɛi naɣîŋ-nii mɛni kpɔ̂lu da puru dímɛi. Ífe pâi yaôi lɔɔ fɛnɛ-sãa dîa.

Zôo 5:23

Kɔni fé pâi kɛ̂i íkpâlaŋ ŋa. Ǹɔɔ fɛnɛ-sãai dífe pâi pɛlɛ̂i yâ.

Wule-woo-ŋa 148:10

Fɛnɛ-sãa, taa-tulɛ-ŋa, ka ǹáa maa tɛ́. Tɔara sãa ka ŋ̀ɔni-ŋai da kôoŋ, ka ǹáa maa tɛ́.

Wule-woo-ŋa 23:2

A gɛ́ ŋa láa kala ŋûnu ŋá. A lí a ńyãa yá séɛɛ tɔ̀ŋ kɔlɛ.

Wule-woo-ŋa 46:9

A kɔ́ mɛni-ŋa kpera ŋ̀éniɛi gwaa kélee. A gerâŋ-ŋai su ɣále-ɣale, a gbála-ŋai su-kara, a gbála ŋá ɣále kɔli-ŋai kéreŋ.

Azaya 2:11

Ɣele a pâi tãi Yâwɛɛ a pâi núu-kpune ŋɔsu-mɛni kɛ̂tɛi da ŋɔyoŋka mɛni-ŋai kélee kperâi. Yâwɛɛ ǹyaa tɔ̂nɔ kpéŋ nɔ́ ƃé núu-kpune a pâi kɛ̂i ǹáa maa tɛ̂i, gɛ́ ƃaa kɛ́ maa tɛ̂ɛ bɔ́.

Azaya 2:17

A pâi núu-kpune ŋɔsu-mɛni kɛ̂tɛi da ŋɔyoŋka mɛni-ŋai kélee kperâi. Yâwɛɛ ǹyaa tɔ̂nɔ kpéŋ nɔ́ ƃé núu-kpune a pâi kɛ̂i ǹáa maa tɛ̂i, gɛ́ ƃaa kɛ́ maa tɛ̂ɛ bɔ́.

Azaya 2:4

Ǹuu-namui a pâi mɛni su kpɛtɛ̂i núu támaa loai. A pâi mɛni su kpɛtɛ̂i ǹɔii-ŋuŋ wála-wala-ŋai sáma. Da pâi díkɔ-kɔ ƃoa-sɔkpɔ-ŋai ɣalêi a kwaa sí kali. Da pâi díkpala-ŋai ɣalêi a mɔlɔŋ tée ƃoa-ŋa. Lɔii-ŋuŋ da fé ŋɔ́nɔ pâi kɔ́ pɛlɛ̂i m̀arâŋ lɔii-ŋuŋ ma. Dífe pâi ŋɔ́nɔ kɔ́-kɔ pere ma kɔ̂rii.

Azaya 26:1

Ɣele da a pâi pâi nûa da pâi kɛ̂i ŋ̀ulei ŋí toôi Zuda lɔii su: Kútaa-lêei wála-wâlai! Ɣâla ǹyaa kpîŋ ƃa ŋɔsiɣãŋ maa kɔ̃̂ɔ.

Azaya 32:18

Ɣâla ŋɔnûai dífe pâi ŋɔ́nɔ kɛ̂i lii-sɛ̂lɛŋ su. Díŋuŋ ma a pâi kɛ̂i a m̀óɔɔ díkɛ ƃò lii-sêe su.

Azaya 54:5

Íkpɛtɛ-nuui a pâi kɛ̂i yɛ̂ɛ ípɔ̂ŋ. Íkpɛtɛ-nuui kpîŋ láa ƃa Ŋ̀wála-wâla kélee Yâwɛɛ. Eezuɛ Ŋɔɣâla Maa Waai ƃa íŋuŋ ma ƃó nuui. Ǹyaa ƃa ŋ̀éniɛi kélee kpɛtɛ Ɣâlai.

Azaya 65:25

Lɔɔ-ɣîla-ŋa da ƃála-lônii-ŋa da pâi kɛ̂i dílaa miî gîe ma. Yala-sulu-ŋa da pâi kɛ̂i kala miî yɛ̂ɛ berei tí niŋa-ŋa da gɛ̀ lai. Kali-ŋa dífe ŋɔ́nɔ pâi kɛ̂i a sɛŋ nyɔ́mɔɔ. Sɛŋ-nyɔ́mɔɔ sîi da fé ŋɔ́nɔ pâi kɛ̂i ŋáyee-maa waai Zãiyɔŋ ma kpaa máŋ mɛni nyɔ́mɔɔ da.”

Zɛlemaya 23:6

Tãi a pâi kɛ̂i la a kâloŋ, Zuda-ƃela da pâi ŋuŋ-maa ƃô sɔlɔ ƃôi. Lii-see kɛ́ ƃò Eezuɛ-ƃela yêei. Da pâi dòli a, ‘Yâwɛɛ ƃa kúƃalo-laai.’ ”

Zɛlemaya 30:10

M̀ɛni ma, ŋánûa, káfe yào. Káai a Eezuɛ-ƃelai kálii fé kpɛ̃̀liŋ kákoi. Ŋa pâi káŋuŋ-maa ƃôi ká kúla ǹɔii kôyaai tí su, ǹɔii nyíi kákaa zu a kɔ-sôŋ-ŋai. Ka pâi lenêi pôlu kálɔii su kásee naa lii-see su. Ka pâi kɛ̂i a káŋuŋ maa ƃóɔɔ, núu da fé pâi ká maa yaôi.

Zɛlemaya 33:16

Ǹûai díkaa Zuda da Zerusâlɛŋ da pâi ŋuŋ ma ƃô sɔlɔ ƃôi. Núu da fé ŋɔ́nɔ pâi dímaa yaôi. À kɛ̀ tí, da pâi daa lêei tôlii a ‘Yâwɛɛ ƃa tɔ̃yâ-laa tɛ̀ɛ kú pɔ́.’

Izikiɛ 34:25

Ŋa pâi lii sêe kpanaŋ-woo kɛ̂i díyêei é dímɛi káa. Ŋa pâi díkulâi ǹɔɔ-fɛnɛ-sãa ŋwana-lɔ̂ɔ-ŋai yêei. Da pâi kɛ̂i ǹɔii su a lii-see. Da pâi kɛ̂i nyîi ǹɔɔi su sɛŋ da fa dí kɛ.

Izikiɛ 39:1

Nya ƃe Ŋ̀wála-wâla kélee Yâwɛɛ è mò ḿâ ǹyɛɛi, “Núu-kpune ǹóŋ, ye ɣâla-woo ƃó Gɔ̂ɔ ma. M̀ó mà yɛ̂ɛ Ńyãai a Ŋ̀wála-wâla kélee Yâwɛɛi ńyɛɛi, ‘Gɔ́lɔŋ a gɛɛ ńdɔɔ̂i ya Gɔ̂ɔ yái íkaa a Misɛ da Tuba díkâloŋ kɛ́tɛi.

Zɛkɛrâya 14:4

Maa ɣêlei tí, a pâi tɔɔ̂i Ŋ̀úlɔ-wuru Yeei tôŋ su nyii gáa Zerusâlɛŋ vóloi-kulâi-perei. Gɛ̀ ní Ŋ̀úlɔ-wuru Yeei su a pâi ƃêlai feerɛ é síɣe vóloi-kulâi-pere é lí ǹiî-pere. Nàa a pâi kɛ̂i a tiŋ-tiŋ su. M̀ɛni ma ǹyée-ƃela feerɛi ŋí dɔnɔ a pâi liî ǹɔii-ŋûa-pere, gbéli é li ǹɔii kwára-pere.

Zɛkɛrâya 14:9

Gɛ̀ ní Yâwɛɛ a pâi kɛ̂i a kâloŋ ǹɔii gwaa kélee. Maa ɣêlei tí Yâwɛɛ a pâi kɛ̂i nɔ́ tɔnɔ, ǹyaŋ ǹáa kɛ́ ƃò tɔnɔ.

Zɛkɛrâya 2:11

Maa tãi tí su lɔii-ŋûŋ támaa da pâi pâi Yâwɛɛ pɔ́ dí kɛ́ a ŋɔnûa. A pâi kɛ̂i kúsama, ǹyaŋ ka pâi gɔ́lɔnîi a gɛɛ ǹyaa ƃé ńdɛ̀ɛ ká pɔ́naa.

Zɛkɛrâya 3:10

Maa ɣelei tí à sèri, núu tɛi-tɛi a pâi gɔlɛ-ma-ƃelai tôlii a gɛɛ dí lii nɛ̃̂ɛ kula ŋɔkpɔmɔ-kpâlaŋ ŋá da ŋɔfîi-wuruii mu.”

Zɛkɛrâya 9:10

Yâwɛɛ ǹyɛɛi, “Ŋa pâi gɔ́-keleŋ-ŋai kulâi Ifiraŋ, ŋá gɔ́kɔ-sôo-ŋai kúla Zerusâlɛŋ-ƃelai yêei. Ŋa pâi gɔ́kɔ-keraŋ-ŋai su têei. Kákâloŋ a pâi a lii-sêe ǹɔii-ŋûŋ-ŋai pɔ́. Ŋɔlɔii su a pâi kɛ̂tɛi é síɣe yúo ma é tóo yúo ma. É síɣe ŋɔ́nɔ ǹyá-lêei ma é tóo ǹɔii kpɛɛ ŋá ma.”