Osia 2:16 - Ŋ̀âla Kɔlɔ Maa Waai

¹⁶ Maa ɣêlei tí ya pâi ńdôlii a ísurɔ̂ŋ. Ífe pâi ŋɔ́nɔ ńdôlii a íbêei nyii gáa a íɣâlai.

Osia 2:16 ပူးပေါင်းရင်းမြစ်များ

Zɛnɛse 34:3

Dina maa mɛni è lɔ̀ ǹíi su a dámaa. È kɛ̀ a ŋ̀wɛ́liɛɛ kpɔ́ a ŋánaa. Nya ƃe è lòno bɔ́ a ǹɛ́lɛɛ.

Azaya 40:2

Ka Zerusâlɛŋ-ƃelai kíli kúla. Ka m̀ó dîa a gɛ́ɛ da mɔ̃́lɛ a zu kôyaa. Ŋa dísu-mɛni lɛɛ dísɔnyɔ̂ŋ-ŋai mɛ̂ni ma. Ŋá díkula maa kɛ̂ é seri gɔyaŋ ma zɔnyɔ̂ŋ-ŋai dí gɛ̀i mɛ̂ni ma.”

Azaya 54:5

Íkpɛtɛ-nuui a pâi kɛ̂i yɛ̂ɛ ípɔ̂ŋ. Íkpɛtɛ-nuui kpîŋ láa ƃa Ŋ̀wála-wâla kélee Yâwɛɛ. Eezuɛ Ŋɔɣâla Maa Waai ƃa íŋuŋ ma ƃó nuui. Ǹyaa ƃa ŋ̀éniɛi kélee kpɛtɛ Ɣâlai.

Zɛlemaya 3:14

Yâwɛɛ è mò ǹyɛɛi, “Ka tínaŋ ká pá ḿbɔ naa. Kákaa a ḿbɔɔ. Ŋ́gaa a kánuu-namu. Ŋa pâi ká kulâi daa-ŋai su tɛi-tɛi, ŋ́gɛ ká kùla ǹɔii-ŋai su feerɛ-feerɛ. Ŋa pâi pâi a káa Zãiyɔŋ Yeei ma.

Izikiɛ 20:35

Ŋa pâi liî a káa ǹɔii ŋai dílɔii-pûŋ ŋai su, ŋa kámɛnii ŋá-tee naa ká ŋɛ́i téniŋ ma.

Osia 2:7

A pâi kîrɛ siɣêi ŋɔwɛ́li-ŋai pôlu, kɛ́lɛ vé pâi dísonîi. A pâi díkɔ̂rii, kɛ́lɛ vé pâi díkâai. A pâi m̀ôi ǹyɛɛ, ‘Ŋa pâi liî pôlu ŋásurɔ̂ŋ maa-ŋuŋ pɔ́, kpɛ́ni fêi, ŋá kɛ̀ mɛni lɛ́lɛɛ sɔlɔ ƃôi é tɛ́ɛ tãi ŋí ma.’

Zɔ̂ŋ 3:29

Ǹúui nyii nɛnî káa ǹyêei, ǹyaa ƃe gáa a nɛnî-kula-nuui. Ǹɛnî-kula-nuui ǹaoi nyii a tɔɔ̂ni, gɛ ŋ̀óo mɛni, nɛnî-kula-nuui wóo a ǹíi nɛ̀ɛ a dámaa. À kɛ̀ ti, gɛ̀ ní, ŋálii-nɛɛi ŋi lá a nâa fɛɛ.

Kɔleŋtiɛŋ Veerɛi 11:2

Ɣâla-tolo káa ńii su kámɛni ma, kpɛ́ni fêi, ŋá kátɛ̀ɛ Kôrai pɔ́ a gɛ́ɛ ŋá ká lɛ́ yɛ̂ɛ núu à kɛ̀ nɛnî maa-waa tɛɛ̂i ŋɔsurɔ̂ŋ pɔ́ nyíi gɔli-kao lai.

M̀ɛni-lɛɛi 19:7

Kwaa lii-nɛ̃ɛ kùla kú kúkpîŋ maa tɛ́ kú fólo-laa tɛ̀ɛ bɔ̀, kpɛ́ni fêi, M̀ála-loŋ ŋɔnɛnî-kula-tãi a pá. Ǹyaŋ Ŋɔnɛnîi a gbîŋ kpɛtɛ.

M̀ɛni-sâa Ƃó-ƃelai 19:3

Nya ƃe ŋɔsurɔ̂ŋ è ǹyée mu nuui dɔnɔ sìɣe da wɛlɛ soo feerɛ dí láaŋ ma. È làaŋ ma a gɛ́ɛ da ǹyaa dí díloai kpɛtɛ dí lí pôlu. Ǹɛnîi kɛ́ɛ a gáai, è lì la ǹâŋ ŋɔpɛ́rɛi lá. Ǹâŋ líi è nɛ̃ɛ é ǹyée sée mu.

Lûfi 2:13

Nya ƃe Lûfi è ŋ̀óo su tòo ǹyɛɛ m̀ai, “Ílii lâai ḿaa mɛni ma, ŋánuu-namui, kpɛni fêi, ƃa ŋ́aa ǹɛnɛ a ílono woo. Yâ íyee sée ḿû, berei máŋ fé la a íyee mu-nɛyãai dai.”