Osia 2:1 - Ŋ̀âla Kɔlɔ Maa Waai

¹ M̀ɛni ma íƃarâa Eezuɛ-ŋai tóli a “Ɣâla ŋɔnûai nyii a dímalôŋ kaai.”

Osia 2:1 ပူးပေါင်းရင်းမြစ်များ

Zɛnɛse 22:17

ŋa pâi lûwa lâai yâ a zu kɛ́tɛ, ŋá ísuui táma yɛ̂ɛ Bɛmɛlɛŋ-kao-ŋai díkaa ŋ̀elei sui da Yúo ma ŋãyai. Ísuui a pâi ŋɔkpɔara-ƃelai yée mɛi ɣâlei.

Zɛlemaya 31:33

Bere ƃé gbanaŋ-woo ninai a pâi kɛ̂i la: Ŋa pâi ŋá tɔ̂ŋ pûi díkili ŋá, ŋá bɔ̃yɛ dí líi su. Ŋa pâi kɛ̂i a Díɣâlai, dí kɛ́ ƃò a ŋánûa.

Zɛlemaya 32:38

À kɛ̀ tí, ŋa pâi kɛ̂i a Díɣâla, dia máŋ dí kɛ́ ƃò a ŋánûa.

Zɛlemaya 51:5

Ǹyãai ŋ́gaa a Ŋ̀wála-wâla-kélee Yâwɛɛi, ḿve niî ḿbôlu tɔ̀ɔ ní Eezuɛ da Zuda-ƃelai dîa, berei máŋ dí sɔnyɔ̂ŋ kɛ̀ là a ńyãa dí lɔii gwaa kéleei. Ŋ́gaa a Eezuɛ Ŋɔɣâla Maa Waai.

Izikiɛ 11:20

À kɛ̀ tí, da pâi ŋa tɔ̂ŋ-ŋai mɛi kaai a ténîŋ ƃó pere. Gɛ̀ ní, da pâi kɛ̂i a ŋánûa, ńyaŋ ŋ́gɛ ƃo a Díɣâla.

Izikiɛ 36:11

Ŋa pâi gɛ̂i ǹûai da daa-tulɛ-ŋai dítama. Ka pâi tâmai é tɛ́ɛ bɔlɔi ma. Ka pâi nîa-pɛlɛɛ támaa sɔlɔ ƃôi. Ŋa pâi ǹɛɛ̂i naa ká kɛ́ ǹɔii ma yɛ̂ɛ berei ká kɛ̀ la naa a bɔlɔi. Ŋa pâi tûai a káa a ǹɛ́lɛɛ é tɛɛ bɔlɔi ma. À kɛ̀ tí, gɛ̀ ní ká pâi gɔlɔnii a gɛɛ Ńyãa ƃa Yâwɛɛ.

Izikiɛ 36:28

Ka pâi seêi ǹɔii su nyii ŋá dɛ̀ɛ kánâŋ-ni pɔi. Ǹyaŋ, à kɛ̀ tí, gɛ̀ ní ka pâi kɛ̂i a ŋánûa, ńyaŋ ŋ́gɛ ƃò a Káɣâla.

Izikiɛ 37:27

Ŋa pâi kɛ̂i dísama. Ŋa pâi kɛ̂i a Díɣâla dia máŋ díkɛ ƃò a ŋánûa.

Osia 2:2

Yâwɛɛ è mò ǹyɛɛi, “Ka mó kálee ma a gɛɛ é kpéra ŋɔmɛni nyɔ́mɔɔi ma. Vé ŋɔ́nɔ a ŋánɛnî ńyaŋ ḿve ŋɔ́nɔ a ŋɔsurɔ̂ŋ. Ka mó ma a gɛɛ é ǹyée kúla wulu-wulu kɛ́ɛ su, é tée mɛni piliɛɛ zu ma.

Osia 2:23

Ŋa pâi ŋánûai seêi kɛ̂i ma ǹɔii su dí ƃûu ƃó naa. Ŋa pâi Loluama malôŋ kâai, ŋá m̀ó Loaŋmi ma, ká káa a ŋánûa, gɛ̀ ní da pâi m̀ôi dîyɛɛ íkaa a Kúɣâla.”

Zɛkɛrâya 13:9

Ŋa pâi ǹɛɛ-pôlu-ƃelai ŋí waâi yɛ̂ɛ berei núu a káne wàa la a ŋɔŋ, ŋá dímaa kpɛ́ɛ yɛ̂ɛ berei núu a gôo maa kpɛ̂ɛ la a ŋɔŋ. Da pâi ńdôlii, ǹyaŋ ŋa pâi díwoo su toôi. Ŋa pâi môi a gɛɛ díkaa a ŋánûa. Ǹyaŋ da pâi môi dîyɛɛ, ‘Yâwɛɛ ƃa Kúɣâlai.’ ”

Kɔleŋtiɛŋ Veerɛi 4:1

Mɛni ma tãi nɔ́ díi ŋí káa la kúyêei Ɣâla ŋɔmaloŋ-kaai sui, kúfii fé kpɛ̀ɛ.

Temete Maa-ŋuŋ 1:13

Berei máŋ ŋá wɔ́lɔ tɛ-ŋa-woo ƃò la é pîlaŋ mà ŋá gbɔara ŋá ŋ̀ɛ́i falai, kɛ́lɛ, ŋá maloŋ-kaa sɔlɔ ƃô ǹyêei, kpɛ́ni fêi, mɛni-ŋai ŋá kɛ̀ gɛ̂i, fé kɛ́ ni a gɔ́lɔŋɔɔ. Laa-la fé kɛ́ ni ńyêei.

Pitɛ Maa-ŋuŋ 2:10

Tãi da káfe kɛ́ ní a nûa, kɛ́lɛ, ká nâa kɛ́ a Ɣâla ŋɔnûa. Tãi da káfe niî kɛ̀ maloŋ-kaa sɔlɔ ƃo ni. Kɛ́lɛ, ká nâa maloŋ-kaa sɔlɔ ƃó.