Osia 14:3 - Ŋ̀âla Kɔlɔ Maa Waai

³ Asiria lɔii fa pɔ̂ri wɔ́lɔ kúkulâi mɛnîi, ǹyaŋ kú kɔ́kɔ-soo-ŋai dí fé pâi kú maa kɔ̃ɔi. Kúfe pâi ŋɔ́nɔ kúkpɛtɛ-sãai tôlii a kúɣâla. Tee-loŋ a maloŋ kâa sɔlɔ ƃô ísarâi.”

Osia 14:3 ပူးပေါင်းရင်းမြစ်များ

Kɔlɔnikɔ Veerɛi 16:7

Nyíŋi pôlu ma, Ɣâla ŋɔlóno kɛ́-nuui Anani è pà Zuda kaloŋ Asa pɔ́naa ǹyɛɛ mai, “Kpɛ́ni fêi í íkili tɔɔ Siria kaloŋ mâ ítee Yâwɛɛ íɣâlai mai, Siria kaloŋ ŋɔkɔ-kuluƃa-ŋai da nâa kula íyêei.

Wule-woo-ŋa 10:14

Kɛ́lɛ, ya mɔ̃lɛ-laa da mɛni kpɔ̂lu kàa, íkpîŋ kpɛtɛ a gɛɛ íkpɔŋ maa tɛɛ. Ǹyaŋ diai pɔ̂ri maa fé dîɛi, da díkpîŋ tɛ̀ɛ ípɔ. Ya kpɔŋ mâa tɛ̀ɛ dee-lôŋ-ŋai pɔ́.

Wule-woo-ŋa 146:3

Ífe íkili tɔ̀ɔ ǹúu láa túɛ-ƃelai dîa, núu-kpune da fa pɔ̂ri íƃâloi.

Wule-woo-ŋa 146:9

A ŋɔ̃ya-ŋai díkaa kúlɔii sui maa kɔ̃̂ɔ. Gɛ́ kpɔŋ mâa tɛ̀ɛ dee-loŋ-ŋai da bɔɔ-nɛyãai pɔ, kɛ́lɛ, a ŋ̀wana-lɔ̂ɔ-ƃelai dímɛni kpɛtɛɛi su kàra.

Wule-woo-ŋa 33:17

Kɔ́ kɔ́-soo-ŋa dífe a sɛŋ núu é gíli tɔ́ɔ dîa kɔ́ su. Dia tɔ̂nɔ díwala-walai fa pɔ̂ri gɛ̂i núu é m̀arâai yée mɛi ɣále kɔ́ su.

Wule-woo-ŋa 68:5

Ɣâla káa Ŋɔkwaa maa waai ma. Gbáaŋɔɔ̂i dee-loŋ-ŋai mɛni ma, gɛ́ bɔɔ-nɛyãai maa kɔ̃ɔ.

Azaya 1:29

Ŋumɛ a pâi ká paâi, kpɛ́ni fêi, ka ôo wuru-ŋa sì ká díkɛ a káɣâla-ŋa kákɛ dífɛli. Kákɛ̀ gâai yɛ̂ɛ ka kwaa ma kpɛ̀tɛ ká nàa tɛɛ zí-sɛŋ lɛ́lɛ ɣâlai pɔ́, gɛ̀ ní a pâi lûwa lâai kási-sãai dîa, kɛ́lɛ ŋumɛ a pâi kákɛ̂i gwaa-ŋai ŋí ma mɛni ma.

Azaya 2:20

Maa ɣêlei tí a sèri, ǹûai kélee da pâi pûi. Gáne-ŋai da gôo-ŋai dí díkpɛ̀tɛ a díɣâla-pɔkɔɔŋ-ŋai dí gélee lɛ́ɛ a ŋina-ŋai da ǹɔfu-ŋai pɔ́ɔ.

Azaya 27:9

Eezuɛ-ŋai da díyee kùla ɣâla-ŋai dí díkpɛtɛi mɛni su, dí m̀aa teƃele-ŋai wólo dí vũa-fũa, dí díyee kúla géreŋ sãa kúŋ nɛ̃ɛ-ŋai kéreŋ mɛni su, ŋ̀úrui da lì mu díkpɛtɛ ŋ̀âlai Asira fɛli mɛni mai, dí bɔ̀ŋ, dí géreŋ, Yâwɛɛ a pâi dísu-mɛni lɛɛ̂i zɔnyɔ̂ŋ-ŋai da gɛ́i mɛ̂ni ma.

Azaya 30:16

Ka mò kâa kwa pâi tɛ̂i soo-ŋa mɛi kú pú kú kúla kúkpɔara-ƃelai perêi. Ka púɔɔ fé nyɔ́ŋ ní. Gáa kákili ŋá a gɛ́ɛ kásoo-ŋai kɔ́ɔ ma félaai é tɛ́ɛ kákpɔara-ƃelai díwɔ̂ɔ-ŋai dîa. Kɛ́lɛ vé tí!

Azaya 30:2

Da lî Ize dímaa kɔ̃ɔ mɛ̂ni ma nyíi ŋ́gɔlɔŋ fé zui. Dífa ḿarê kɛ̀ dília-wôo ƃó mɛ̂ni ma. Dílâai a Ize kaloŋ a gɛ́ɛ a pɔ̂ri díŋuŋ ma ƃôi.

Azaya 31:1

Kpalo-ƃelaâi diai dîa da lì Ize kpɔŋ mâa mɛni mai. Díkili tɔɔ̂i Ize ŋɔkɔ́ kɔ́-soo-ŋai dîa, gɔ́ kɔ́-keleŋ-ŋai da díkɔ kɔ́-ƃelai. Dífe láa ní a Yâwɛɛ, Eezuɛ Ŋɔɣâla Maa Waai. Dífa fúlɔi máŋ m̀arê kɛ̀ kpɔŋ mâa mɛni ma.

Azaya 31:3

Ize-ƃelai dífe a Ɣâla. Díkaa a núu-kpune. Díkɔ kɔ́ soo-ŋai díkaa a fɛnɛ-sãa. Mɔ̂leŋ fé díkponôi. Yâwɛɛ a ǹíi ŋwàna, lɔii-ŋuŋ da ŋɔkpɔŋ mâa-nuu dífa tɔ̂ɔ berêi. M̀aa fãa a gɛ̀ dífeerɛŋɔɔ dí tóo.

Azaya 36:8

Ŋánuu-namui Asiria kaloŋ a Ɛsekaya maa fôoi. A pâi soo wála feerɛ (2,000) tɛɛ̂i bɔ́ à kɛ̀ kɔ́-kɔ-ƃela díkaa ǹyêei dí dísia a tɛ̀ɛ-ŋa.

Zɛlemaya 49:11

Ka kátee loŋ-ŋai lɛ́ɛ ńyêei, ŋa pâi dímɛi kâai. Ká pɔɔ-nɛyãai da pɔ̂ri díkili tɔɔ̂i ḿâ.

Izikiɛ 36:25

Ŋa pâi yá lɛ́lɛɛ kpɛ́mɛnîi kâa. À kɛ̀ tí, gɛ̀ ní ka pâi kɛ̂i a ká maa-waa. Gɛ̀ ní, ŋa pâi ńyee seêi ká mu. Ŋa pâi ká maa waâi ŋa ká kúla m̀ɛni nyɔ́mɔɔ-ŋai su nyii-ŋai gɛ̀ ká maa fé waa nii. Ŋa pâi ká maa waâi ŋa ká kúla ŋ̀âla da kpɛ́ni-ŋai fɛli mɛ̂ni-ŋai su.

Izikiɛ 37:23

Dífe ŋɔ́nɔ pâi dí maa tĩa karâi a ɣâla da kpɛ́ni fɛliɛɛ nyii m̀ɛlɛ fé ŋ́goi da sɔnyɔ̂ŋ da kpɛ́ni-ŋa kɛ́ɛ. Kɛ́lɛ, ŋa pâi díƃalôi ŋa díkula dífii kpɛɛ̂i su nyii gɛ̀ díkɛ pìli sɔnyɔ̂ŋ sui. Ŋa pâi dímaa wáai. À kɛ̀ tí, da pâi kɛ̂i a ŋánûa, ńyaŋ ŋ́gɛ ƃò a Díɣâla.

Osia 12:1

Eezuɛ a vãai kpɛ̂i a ɣele láa-ƃoɔɔ su kôyaa. M̀ɛnii kélee da gɛ̀i gáa nɔ́ kpɛ́ni-kpɛni. Da lɛ́ɛ-mɛni támaa kpɛ̀tɛ, díkɛ ŋwana-lɔ̂ɔ kɛ̀, díkɛ laoi-laa kɛ̀ da Asiria lɔii, díkɛ ŋɔ́nɔ lì a wúlɔ Ize-lɔii su a sama-sɛŋ.

Osia 13:2

Ǹyaŋ díkaa nɔ́ niî sɔnyɔ̂ŋ kɛ̂i, dí kɛ́ díkpîŋ díkpɛtɛ sãai fɛ̂li, nyii dí gbɛ̀tɛ a kánei díkɛ mò dîyɛɛi, “Sâla kùla dîa,” ǹûai díkɛ díla-gbɔ sèe dîa.

Osia 14:8

Óo Eezuɛ, ka ká pôlu tɔɔ Ɣâla da kpɛ́ni-ŋa dîa. Ńyãa ƃé ŋa káwoo mɛni ŋ́gɛ kámɛi kâa. Ŋ́gaa yɛ̂ɛ wúru kɛ́tɛ lɛ́lɛɛ. Káƃɛlɛ-seei kélee a kulâi ńyêei.”

Osia 2:17

Ŋa pâi Bêe laa-ŋai kulâi ǹá, ǹyaŋ núu da fé pâi ŋɔ́nɔ wɔ́lɔ ǹáa-ŋai ŋí kɔ́lɔnîi.

Osia 4:12

Ŋánûai díkaa wúru-gbua marê kɛ̂i nyii da gbɛ̀tɛ a díɣâlai sɛŋ da mɛni ma, díkɛ ŋɔ́nɔ dímarê kɛ̀ a gɛɛ dí m̀ɛnii lɛ́ dîa nyii pâi kɛ̂i nàa tuɛi. Wulu-wulu kɛ́ɛ a díkula berei ma, da ńɛɛ díkɛ Ɣâla da kpɛ́ni fɛ̀li.

Osia 5:13

“Tãi Eezuɛ è ŋɔkɔlɔ-felai kàa lai, Zuda é ŋɔkpálai-laai káai, è kɛ̀ tí, Eezuɛ è lì Asiria lɔii su, é gâloŋ kɛ́tɛi worɛ̂ tɛ̀ɛ. Kɛ́lɛ vé kɛ̀ pɔri ní díƃalôi.

Osia 7:11

Eezuɛ-ƃelai ƃoɔ̂i yɛ̂ɛ tòloŋ. Táre fé díŋuŋ su. Dí lì Ize kpɔŋ-maa mɛni ma. Naa pôlu ma dí lí Asiria kpɔŋ-maa mɛni ma.

Osia 8:6

Káne ɣale-nuu ƃé gbɛ̀tɛ ǹyaŋ vé a Ɣâla. Niŋa-loŋ pɔkɔɔŋ gáa Sameriai da pâi doôi dí ŋ̀ólo.

Osia 8:9

Eezuɛ-ŋai da lí Asiria lɔii su yɛ̂ɛ wɛlɛ-sôo-ŋa ƃé dí sáa kɔ̂rii a gɛɛ dí tɛ́ dí kɛ́ tɛ̀ɛ-tɛɛ nɔ́ díŋuŋ ma díkɛ díkpɔŋ maa-ƃela kɔ̀ri. Da nâa díwɛli kɛ́ maa-ƃela káa.

Zôna 2:10

Nya ƃe Yâwɛɛ è lòno ǹyɛ̃ɛi pɔ́, é mài a Zôna zîŋ ma.

Zɛkɛrâya 13:2

Maa ɣêlei tí ŋa pâi zɛŋ da kpɛ́ni-ŋai láa kulâi ǹɔii ma nyii ǹûai da zìɣe a díɣâlai, a gɛɛ núu fé pâi ŋɔ́nɔ gíli ŋá siâi é pîlaŋ dîa. Ŋa pâi ŋɔ́nɔ Ɣâla-ŋɔlóno-kɛ-ƃelai nyii-ŋai kulâi ǹɔii ma da diai nyînaŋ nyɔ́mɔɔ káa díkponôi.

Zɔ̂ŋ 14:18

“Fe pâi kálɛɛ̂i nɔ ti a tee-noŋ-ŋa; ŋa pâi pâi kápɔ.

Dutɛrɔnome 17:16

Vé zoo-ŋai dámaa sìɣe gbîŋ mɛni ma kpaa máŋ é gɛ́ ǹûai dí lí pôlu Ize lɔii su dámaa mɛni ma, kpɛ́ni fêi, Yâwɛɛ è mò a gɛɛ káfe lì naa pôlu.