Osia 13:2 - Ŋ̀âla Kɔlɔ Maa Waai

² Ǹyaŋ díkaa nɔ́ niî sɔnyɔ̂ŋ kɛ̂i, dí kɛ́ díkpîŋ díkpɛtɛ sãai fɛ̂li, nyii dí gbɛ̀tɛ a kánei díkɛ mò dîyɛɛi, “Sâla kùla dîa,” ǹûai díkɛ díla-gbɔ sèe dîa.

Osia 13:2 ပူးပေါင်းရင်းမြစ်များ

Kâloŋ Maa-ŋuŋ 19:18

É máŋ kɛ́ tí, ŋa pâi núu wála lɔ́ɔlu mɛi feerɛ lɛɛ̂i a dífulu Eezuɛ diai nyíi dífe pîlaŋ ní díŋume ŋá tɛi-tɛi Bêe ŋɛ́i-tuɛi da diai kélee dífe díla-gbɔ-ŋai see ní mai.”

Kɔlɔnikɔ Veerɛi 28:13

“Káfe pà a gɔ-sôŋ-ŋai tí ƃɛ. A kɛ́ tí, kwa kɛ́ mɛni nyɔmɔɔ kɛ̂i a Yâwɛɛ. Ká ŋ̀wɛ́li ŋɔ́nɔ kúsɔnyɔ̂ŋ da é pú m̀a? Kpɛni fêi kúmɛni nyɔmɔɔ̂i kɛ́tɛi. Ǹyaŋ Yâwɛɛ ŋɔlii-ŋwanai kɛ́tɛi káa nâa Eezuɛ ma.”

Kɔlɔnikɔ Veerɛi 33:23

Kɛ́lɛ Amɔŋ fé wɔ́lɔ gbîŋ maa-yeŋ ni Yâwɛɛ ŋɛ́i yɛ̂ɛ berei ǹâŋ Manasɛ è wɔ́lɔ gɛ̀ lai. Mɛni ma, ŋɔsɔnyɔ̂ŋ su e kɛ́ kpɔ́ a gɛtɛ a ŋ̀ánaa.

Wule-woo-ŋa 2:12

ká tóo gɔ́ɔ mu ká gɔ́ɔ sóŋ. A wàla kɛ́ tí, a pâi ǹíi ŋwânai kâa é káŋuŋ lá píli, kpɛ́ni fêi, mɛni lôŋ nɔ́ ƃa ŋɔlii ŋwânai su kɛ̀tɛ. Lûwa káa diai kélee dîa díkili tɔɔ̂i mà dí mɛi káa mɛni mai.

Azaya 1:5

Óo ŋánûa, zɔnyɔ̂ŋ kula maa kɛ́ɛ ka zɔlɔ ƃôi, vé gula kɛ̂ɛ ƃó ní kámɛni ma? Lé mɛni ƃé ka tɔɔ̂i la m̀ai? Ka ŋ̀wɛ̂lii é ká kula maa kɛ́ a ŋ̀ánaa é tɛ́ɛ nyíti ma? Kɔlɔ a kpɛɛ kâa ka fôa.

Azaya 30:1

Yâwɛɛ è m̀o ǹyɛɛi, “Kpalo-ƃêlai Zuda lɔii láa túɛ-ƃelai dîa, kpɛ́ni fêi, dí tɔɔ̂i ḿâ. Da mɛni kpɛtɛ́ɛ-ŋa kɛ̀ dífa díŋuŋ ma pìlaŋ a ńyãa. Da lɔii-ŋuŋ da kpɛ́ni-ŋa da mɛni kpɛ̂tɛ díkîe-ni loai dífa mò ḿâ. Díkaa nɔ́ niî dísɔnyɔ̂ŋ pûi gîe mɛi.

Azaya 44:11

Diai da zãâi ŋí fɛ̀lii, Ɣâla a pâi díkula maa kɛ̂i, dí ŋumɛ. Nûa ƃa zãâi ŋí kpɛ̀tɛ. Da dífɛli-ƃelai da pâi tɔɔ̂i mɛni ŋá téɛɛ su, díkɛ yào. Ɣâla a pâi díkula maa kɛ̂i a ŋ̀ánaa, dí ŋumɛ.

Azaya 45:20

Yâwɛɛ è mò ǹyɛɛi, “Káai kélee ŋuŋ ma ƃô sɔlɔ ƃò ǹɔii ŋuŋ kɛ́tɛi toɔ́ɔ pôlu mai, ka lɛɣɛ a kákîe ni. Káai kélee pù ká kúla ǹɔii ŋuŋ-ŋai yêei, ka káŋa lɛ́ɣɛ gîe ma m̀ɛni-sâa ŋá tée ɣenei ŋá! Diai da ɣâla pɔkɔɔŋ-ŋa fɛli nyíi-ŋai díkpɛtɛɛ̂i a wúru-ŋai, táre fé díŋuŋ su. Da kɛ̂ nɔ́ ɣâla da kpɛ́ni-ŋa fɛlîi ǹyaŋ dífa ŋuŋ ma ƃô sɔlɔ ƃô da yêei.

Azaya 46:6

Nûa da díyee lɔ̀ díkolâ-ŋai su dí gôo da káne-ŋa kùla naa, dí díwuyɛ kɔ̂ɔŋ, dí kɔli ɣale-ƃela féla fé la a gɛ́ɛ dí ɣâla pɔkɔɔŋ-ŋa kpɛtɛ la dîɛ dí díkɛ a díɣâla-ŋa. À kɛ̀ tí, da pɛ̂lɛ m̀aa ɣâla pɔkɔɔŋ-ŋai ŋí kɔ́ɔ mu díkɛ dífɛli.

Azaya 46:8

“Sɔnyɔ̂ŋ-ƃela, ka kákili ŋá sía é pîlaŋ m̀ɛni-ŋai dîa ŋa wɔ́lɔ gɛ́i. Káfe ǹia dîa.

Zɛlemaya 10:4

Dí m̀aa ɣíri a káne da gôo. Dí gbamo gîe ma a kpɔ́-kpɔ da nêre-ŋa a gɛɛ vé kula dɔɔ̂i.

Zɛlemaya 10:8

Da tûa a ƃoo-pere, dífa mɛni ŋá kàa. Dísɛŋ lɛ́-nuui ƃa ŋ̀âlai nyíi dí gbɛ̀tɛ a wúru nyíi kɛ̂i fé mai.

Zɛlemaya 8:5

Lé ƃé ŋaŋ kɛ̀ ǹûai ŋí da dípôlu tɔɔ ḿâ dífa lène pôlui? Da kánaŋ nɔ́ núu pɛlɛ́ɛ ma dífa kpêra ma.

Osia 10:1

Eezuɛ è kɛ̀ yɛ̂ɛ ƃá kpɔmɔ-kpalaŋ nyii a ƃâ a dámaai. Berei nɔ́ a ƃâ lai, bere nɔ́ ƃé a ŋɔɣâla-teƃelei dámaa tɔ̀ɔ la. Berei nɔ́ ŋɔlɔii ƃûu a ƃô lai, bere nɔ́ ƃé a ŋɔɣâla-fɛli kwaai ma kpɛ̀tɛ la a ǹɛ́lɛɛ.

Osia 10:5

Sameria-ƃelai kpáaŋɔ̂ɔi díkɛ kpɛ̃liŋ díɣâla niŋa-loŋ pɔkɔɔŋ mɛ̂ni ma Bɛtɛ taa-leei su. Ŋɔnûai da pâi wɔ̂lɔi mɛ̀ni ma. Ŋɔɣâlai ŋɔsâla láa-soŋ-ƃelai da pâi gbêɣe toôi mɛ̀ni ma, kpɛ́ni fêi, ƃaa kɛ́-maa fé ŋɔ́nɔ mà.

Osia 11:2

Berei nɔ́ ŋá kɛ̀ dítôlii lai, bere nɔ́ ƃé dí kɛ̀ dípôlu fêi la ḿî. Dí kɛ̀ nɔ́ sâla kulâi díɣâlai Bêe m̀â, dí kɛ́ sɛŋ kúŋ-nɛ̃ɛ kèreŋ dí Ɣâla pɔkɔɔŋ-ŋai dîa.

Osia 11:6

Ƃóa-sɔkpɔ a pâi dítaa-lêe-ŋa maa tínaŋɔɔ a siɣãŋ su karâi, é ŋánûai páa dítua-pere nyɔ̂ŋ-ŋai mɛni ma.

Osia 14:3

Asiria lɔii fa pɔ̂ri wɔ́lɔ kúkulâi mɛnîi, ǹyaŋ kú kɔ́kɔ-soo-ŋai dí fé pâi kú maa kɔ̃ɔi. Kúfe pâi ŋɔ́nɔ kúkpɛtɛ-sãai tôlii a kúɣâla. Tee-loŋ a maloŋ kâa sɔlɔ ƃô ísarâi.”

Osia 2:8

“Vé kɛ́ ní a gɔ́lɔŋɔɔ a gɛɛ ńyãa ƃé mii-sɛŋ tɛ̀ɛ bɔ́, ŋwã̂ai, káne da gôo tɛ̀ɛ bɔ̀ nyii-ŋai è tíi kɛ̀ la Bêe Ɣalai fɛli-pɛrɛi mui.

Osia 4:17

Eezuɛ-ƃelai díkaa a sɛŋ da kpɛ́ni-ŋa fɛli-ƃela. Tɔɔ dí sía a díkpɔɔi pere.

Osia 8:4

“Da kâloŋ-ŋa see díkpɔɔi-yee ma ŋ́gɔlɔŋ fé zu. Da ǹûa láa-tuɛ-ƃelai see, kɛ́lɛ ŋ́gɔlɔŋ fé zu. Da káne da gôo kpɛtɛ a díɣâla-ŋa díkpîŋ su-kara mɛni ma.

Osia 8:5

Óo Sameria taa-leei, fé wɛ̂lii a kániŋa-loŋ pɔkɔɔŋ fɛli-mɛnii. Níi ŋwanâai dí mɛni ma. Tãi nênɛ ƃé ka pâi teêi la dífɛliɛɛ mai?

Osia 8:6

Káne ɣale-nuu ƃé gbɛ̀tɛ ǹyaŋ vé a Ɣâla. Niŋa-loŋ pɔkɔɔŋ gáa Sameriai da pâi doôi dí ŋ̀ólo.

Nɔŋba 32:14

Káai a goi nyɔŋ-ƃela nina-ŋai ká kánâŋ-ni tua-perei sìɣe a gɛɛ Yâwɛɛ ŋɔlii-ŋwanai su é kɛ́tɛ Eezuɛ-ŋai dîa.

Lomaŋ 11:4

Kɛ́lɛ, Ɣâla e ŋ̀óo su tòo leŋ? “Núu wála lɔ́ɔlu mɛi feerɛ káa niî ǹyêei, nyíi-ŋai dífe niî pɛlɛ ni Bêe kɔɔ mu.”

Lomaŋ 2:5

Kɛ́lɛ, íwolii kpɔlɔ̂i, ífa ílii pene. M̀ɛni ƃé pâi gɛ̂i ímɛni kula-maai su é kɛ́tɛ a Ɣâla ŋɔtɔ̃yâ mɛni ŋá-tee ɣelei.

Temete Veerɛi 3:13

Ŋwana-lɔ̂ɔ-ƃela da wôya-ƃela da pâi kɛ̂i nɔ́ a núu nyɔ́mɔɔ-ŋa a tãi kélee, núu-pɛlɛ-ƃela díyaŋ, núu kɛ́ dípɛlɛ.

Samia Maa-ŋuŋ 10:1

Gɛ́ɛ díi kɛ́-nuui a líi, Samia è ɔle wulɔ sane loŋ sìɣe é ŋ̀úlɔ pú Sɔ̂ɔ ŋûa é ǹá-gbɔ see ma ǹyɛɛ m̀ai, “Yâwɛɛ a ísiɣe zu a ŋɔnûai láa túɛ-nuu da dímɛi nuu.