Osia 11:9 - Ŋ̀âla Kɔlɔ Maa Waai

⁹ Fé pâi íkula-maa kɛ̂i yɛ̂ɛ berei ŋálii-ŋwânai káa lai. Fé pâi Eezuɛ su karâi ŋɔ́nɔ, kpɛ́ni fêi, ŋ́gaa a Ɣâla, fé a núu-kpune. Ńyãai a Ǹúu-maa Waai ŋ́gaa kásama. M̀ɛni ma fé pâi pâi ŋá ǹaa kara.

Osia 11:9 ပူးပေါင်းရင်းမြစ်များ

Samia Veerɛi 20:10

Kɛ́lɛ Amasa fé m̀óa-sɔkpɔi káa ní kɛ̀ Zoa kɔɔ-yee ŋái. Zoa è M̀óa-sɔkpɔi ɣàla é zɔ̀ɔ la buru é kúla é pú, é sáa. Zoa da ǹeɣê Abisai dí tɛ̀ɛ naa dí láaŋ Siƃa ma.

Wule-woo-ŋa 46:5

Ɣâla káa daa-lee kɛ́tɛi tí su. Núu da fé pâi wɔ́lɔ naa su-karai. A pâi pâi a ɣele ƃɔ̂i kpini é kpɔŋ mâa tɛɛ bɔ́.

Wule-woo-ŋa 78:38

Kɛ́lɛ Ɣâla káa a maloŋ kâa Ɣala. È dísu mɛni lɛ̀ɛ zɔnyɔ̂ŋ-ŋai dí gɛ̀i m̀ɛni ma. Vé dísu kara ní. È ǹíi ŋwàna dîa a tãi támaa, kɛ́lɛ ǹíi ŋwânai fé tɛ̀ɛ ní ǹíi pôlu.

Wule-woo-ŋa 85:4

Óo Ɣâla, pá a kûa pôlu. Yá ƃa kúŋuŋ ma ƃó-nuui. Ílii fé tòo pôlu kúmɛni ma!

Azaya 12:6

Tɔɔ diai kélee Zãiyɔŋ Yeei mai dí láɣi ɣelêi pere a wule-wôo. Eezuɛ Ŋɔɣâla tɔnɔ maa waai kɛ̂tɛi. Gɛ̂i nɔ́ ƃa ŋɔnûai sáma.”

Azaya 31:1

Kpalo-ƃelaâi diai dîa da lì Ize kpɔŋ mâa mɛni mai. Díkili tɔɔ̂i Ize ŋɔkɔ́ kɔ́-soo-ŋai dîa, gɔ́ kɔ́-keleŋ-ŋai da díkɔ kɔ́-ƃelai. Dífe láa ní a Yâwɛɛ, Eezuɛ Ŋɔɣâla Maa Waai. Dífa fúlɔi máŋ m̀arê kɛ̀ kpɔŋ mâa mɛni ma.

Azaya 41:14

Yâwɛɛ a m̀ôi ǹyɛɛi, “Eezuɛ-ƃela, berei máŋ ka kuro-téɛɛ̂i lai káfe yào. Ŋa pâi kpɔŋ mâa tɛɛ̂i kápɔ. Ńyãa ƃa Eezuɛ Ŋɔɣâla Maa Waai. Ńyãa ƃé káŋuŋ mâ ƃò.

Azaya 41:16

Ka pâi dífɛ̂ɛi, vãai é lí a dia, dítaa-taa. À kɛ̀ tí, ka pâi lii-nɛ̃ɛ kulâi, kpɛ́ni fêi, ńyãa ƃa Káɣâlai. Gɛ̀ ní, ńyãai a Eezuɛ Ŋɔɣâla Maa Waai ka pâi ńaa ma tɛ̂i.

Azaya 48:9

“Ŋà pâi ńii maa sonîi ńaai maa mɛni ma. Fé pâi kásu karâi. Ŋa pâi gɛ̂i tí a gɛ́ɛ ká ńaa maa tɛ́.

Azaya 5:24

M̀ɛni ma, berei kpɔ́ ŋɔŋ a ŋuŋƃe kpâla da kala kpâla kèreŋ lai, bere ƃé Ɣâla a pâi gɛ̂i la a dia. Díkɔɔ a pâi lûlai dímu, díyee é kpála-kpàla dîa. A pâi kɛ̂i tí, kpɛ́ni fêi, da díyee kúla Ŋ̀wála-wâla kélee Yâwɛɛi nyii gáa a Eezuɛ Ŋɔɣâla Maa Waai ŋɔtɔ̂ŋ-ŋai mu.

Zɛlemaya 26:3

Tãi da, da pâi díwoli tɔɔ̂i, díkpera dítûa-pere nyɔ̂ŋ ma. Da gɛ̀ tí, gɛ̀ ní ŋa pâi ńii maa fálenîi é pîlaŋ m̀ɛni kpɔ̂lui ŋa ŋ̀wɛ̂lii ŋá ǹáa dîai dímɛni nyɔ́mɔɔi mɛni ma.”

Zɛlemaya 30:11

Ŋa pâi pâi ŋá ka ŋuŋ-maa ƃó. Ŋa pâi ǹɔii-ŋuŋ-ŋai kélee kpɔ́ su karaâi ƃɛ́i ŋá kátaa-taa naai, kɛ́lɛ, ḿve pâi kákelee ká su karâi. Ḿve pâi ǹɛɛ̂i naa ká lí kpɛ́ni-kpɛni. Kɛ́lɛ ŋa pâi kákula ma kɛ̂i a pere sîi sã́a. Ńyãa Yâwɛɛ ƃé mò tí.”

Osia 12:1

Eezuɛ a vãai kpɛ̂i a ɣele láa-ƃoɔɔ su kôyaa. M̀ɛnii kélee da gɛ̀i gáa nɔ́ kpɛ́ni-kpɛni. Da lɛ́ɛ-mɛni támaa kpɛ̀tɛ, díkɛ ŋwana-lɔ̂ɔ kɛ̀, díkɛ laoi-laa kɛ̀ da Asiria lɔii, díkɛ ŋɔ́nɔ lì a wúlɔ Ize-lɔii su a sama-sɛŋ.

Osia 14:4

Yâwɛɛ è mò ǹyɛɛ, “Ŋa pâi pâi a ŋánûai pôlu ḿbɔ naa. Ŋa pâi díwɛ̂lii a ńii kélee. Fé pâi ŋɔ́nɔ wɔ́lɔ ńii ŋwânai dîa.

Malakai 3:6

“Ńyãa ƃa Yâwɛɛ, fá ḿaa fâleŋ. M̀ɛni ma káai a Zeeka Ŋɔkáayɔɔ-ŋai, káŋuŋ la fé niî kpɛɛ ní a pilíɛɛ.

Nɔŋba 23:19

Ɣâla fa lɛ́ɛ kɛ̀ yɛ̂ɛ berei núu kpune a gɛ̀ lai. Va ǹíi maa fâleŋ yɛ̂ɛ berei núu-kpune a gɛ̀ lai. A ŋɔkono-tee-wooi ŋ̀á-see kɛ̀. Mɛnii a mòi, a ŋ̀á-see kɛ̀.

Dutɛrɔnome 13:17

Káfe daai kpîŋ su-sãai da sìɣe kákpîŋ mɛni ma. À kɛ̀ ka wàla da siɣe, Yâwɛɛ ŋɔlii-ŋwânai ŋáa a pâi yenîi é ka malôŋ káa é kásu-mɛni lɛɛ, é ká kɛ́ a ǹɔii-ŋûŋ su kɛ́tɛ yɛ̂ɛ berei è góno tèe la kánâŋ-ni yêei,

Samia Maa-ŋuŋ 26:8

Abisai ǹyɛɛ Deeƃé mai, “Ɣâla aâ nâa ŋuŋ ma ƃo tɛɛ ípɔ a gɛ́ɛ í íyee pɛ́lɛ íkpɔara-nuui ma! Ŋa pâi gbamôi ǹɔii ma a gbɔ́ɔi kpâlai a ḿvîŋ tɔnɔ.”