Osia 11:8 - Ŋ̀âla Kɔlɔ Maa Waai

⁸ “Óo Eezuɛ, ŋa pâi ńyee kulâi léŋ ímu? Óo Eezuɛ ŋa pâi teêi yâ lé-mɛni ma? Ŋá pɔ̂ri tuâi a yá yɛ̂ɛ berei ŋá gɛ̀ la a Adama kpaa máŋ yɛ̂ɛ Zeboliŋ taa-lee-ŋai? Fa pɔ̂ri nyíŋi kɛ̂i. Ŋáwɛli kɛ́-maai káa nɔ́ kámɛni ma.

Osia 11:8 ပူးပေါင်းရင်းမြစ်များ

Zɛnɛse 14:8

Nya ƃe Sodɔŋ kaloŋ da Gomora kaloŋ, Adama kaloŋ da Zeƃoliŋ kaloŋ é pɛ́lɛ Bela (ǹyaa ƃa Zoa) kaloŋ ma, dí lì dí kɔ́ pɛ́lɛ

Samia Veerɛi 24:16

Ŋ̀âla-taa kelai kɛ́ɛ a ǹyée sã́a Zerusâlɛŋ mɛi-pere a gɛ́ɛ é naa su-karai, Yâwɛɛ è ǹíi pène ǹyɛɛ m̀ai, “É lɛ́ɛ nâa tí. Nyíŋi gula kɛ̂ɛ ƃoɔɔ̂i. Íyee síɣe pôlu.” Ŋâla-taa-kelai ŋí è kɛ̀ Zɛbusi naloŋ Arauna ŋɔsí-sãa táŋ kwaai ma.

Kâloŋ Maa-ŋuŋ 3:26

Nya ƃe nɛnîi nyíi ǹôloŋ fului è kɛ̀ a bɔ́ɔi è lòno gâloŋ pɔ́, kpɛ́ni fêi, ŋɔlôloŋ malôŋ è zòŋ, ǹíi láa é fɛ́ɛ a wɛli-kɛ m̀aa mɛni ma, ǹyɛɛi, “Óo gâloŋ, ŋánuu-namui, ǹôloŋ fului tɛ́ɛ bɔ́. Ífe bàa!” Kɛ́lɛ ǹɛnîi kpéli è mò ǹyɛɛi, “Ífe dɛ̀ɛ kúta kúpɔ. Zu tée zâmai, gɛ̀ ní vé pâi kɛ̂i a kúta kúpɔɔ.”

Kâloŋ Veerɛi 13:23

Kɛ́lɛ Yâwɛɛ ŋɔsɔŋ-lɛlɛ-laai é kɛ̀ nɔ́ naa Eezuɛ-ŋai mɛni ma. Ǹyaŋ è dí malôŋ kàa kpɛ́ni fêi, è Kpanaŋ-woo kɛ̀ dínâŋ pɔlɔ-ŋai yêei, Eberaɣɛ̃ɛ, Aise da Zeeka. É síɣe tãi tí ma é tóo sâa ma vé wɔ́lɔ ŋ̀wɛ̂lii é dísu kara kpaa máŋ é dí kpɛ́ ŋɛ́i-tuɛ.

Kɔlɔnikɔ Veerɛi 36:15

Yâwɛɛ nyíi gáa a dínâŋ ni Díɣâlai è wɔ́lɔ lono dípɔ ŋɔlóno-kɛ-ƃelai sarâi a tãi támaa. Kpɛni fêi, ŋɔnûai maloŋ è kɛ ma da ŋɔpɛ́rɛi.

Wule-woo-ŋa 106:45

Vé wɔ́lɔ nia ní gono têei ma è gɛ̀i, kpɛ́ni fêi, ŋɔwɛli kɛ́-maai su kɛ̂tɛi dímɛni ma.

Azaya 16:11

Ŋa nyîɣɛi Môa mɛni ma, ŋ́gɛ maloŋ too maa wɔ̂lɔ kɛ̀ Kîɛ-ɛrɛ mɛni ma.

Azaya 63:15

Yâwɛɛ, yái íkaa Ɣâla-taa íkwaa ma waai ma da ífolo-laai sui, lɛɛ naa í kú káa ǹɔii ma ƃɛ́. Kwa pɔ̂ri gɔ́lɔnîi léŋ a gɛɛ íkpaaŋɔ̂ɔi kú mɛni ma? Íwala-wâla laai káa mí? Íwɛ̂li-kɛ-maai da íŋɛi-maloŋ kâai káa mí? Ífe nia kûa.

Zɛlemaya 18:8

à kɛ̀ m̀aa lɔii-ŋuŋ tí a bôlu tɔ̀ɔ ŋɔmɛni nyɔ́mɔɔi ma, gɛ̀ ní ḿve pâi m̀ɛnii kɛ̂i la ŋá gbɛ̀tɛ é pîlaŋ mai.

Zɛlemaya 3:12

È mò ḿâ a gɛɛ ŋá m̀ó ŋ̀orɛ̂-wooi ŋí ƃó Eezuɛ ma ńyɛɛi, “Eezuɛ, yái ífe teniŋ ƃô níi, ye tínaŋ pôlu ḿbɔ naa pere. Ḿve pâi ǹíi ŋwânai yâ. Ŋà núu malôŋ kàa. Ḿve pâi ŋ́ɛi ɣirîi íperêi wɔ́lɔ-wɔlɔ da wɔ́lɔ-wɔlɔ.

Zɛlemaya 31:20

“Eezuɛ, íkaa a ŋáwɛli-kɛ-ma loŋ, ǹôloŋ nyíi ŋá ŋ̀wɛ̂li-ni kpɔ́ a ŋ̀ánaai. Tãi kélee ílaa kíli a tôo la ŋ́ai, ŋà ŋ́gili-ŋa sìa a wɛli-kɛ maa é pîlaŋ yâ. Í maa mɛ̂ni káa nɔ́ niî ńii su. Ŋa pâi íŋɛi malôŋ kâai.

Zɛlemaya 42:10

‘À kɛ̀ ka ŋ̀wɛ̂lii kálɛɛ ǹɔii ŋí ma kákaa naai, gɛ̀ ní ŋa pâi káseêi kulâi. Ḿve pâi ǹɛɛ̂i naa káa tóo. Ŋa pâi kásîi ƃɛ́, fa ká wèyeŋ. Berei sîi ŋá kákùla maa kɛ̀ lai, aâ gɛ́ malôŋ a too ḿâ a ŋ̀ánaa.

Zɛlemaya 9:6

Díkaa nɔ́ ŋwana lɔ̂ɔ ŋáa tɛ̂i gîe mɛi, dí kɛ̀ núu pɛ̀lɛ a tãi kélee. Da nia ḿâ. Yâwɛɛ ƃé mò tí.

Zɛlemaya 9:7

M̀ɛni ma Ŋ̀wála-wâla kélee Yâwɛɛ è mò ǹyɛɛi, “Ŋa pâi dímaa-waai, ŋá su kɔ̂ɔŋ tɛɛ dípɔ. Ḿva pɔ̂ri mɛni da kpɛ́ni kɛ̂i. Kpɛ́ni fêi díkaa a ŋánûa.

Zerusâlɛŋ Karáa Maa Wɔ̂lɔ-wooi 1:20

“Óo Yâwɛɛ, gáa berei ŋa mɔ̃lɛ̂i lai. Ŋa mɛni sôli kâai. Maloŋ too-maa támaa káa ńii su kpɛ́ni fêi, ŋa tɔɔ yâ. Da ŋánûai paâi daa lêei su da bɛ́rɛ-ŋai mu.

Zerusâlɛŋ Karáa Maa Wɔ̂lɔ-wooi 3:32

Berei máŋ a pâ la a lii-too pôlui, maloŋ kâa káa ǹyêei. Ŋɔwɛli kɛ́ maa kɛ́tɛi kóyaŋ fé ma.

Zerusâlɛŋ Karáa Maa Wɔ̂lɔ-wooi 3:33

Ǹíi-nɛ̃ɛ mɛni fa núu da kɛ́ m̀ɔ̃lɛ, kpaa maloŋ too-maa é kɛ́ núu da ma.

Izikiɛ 33:11

Mó Eezuɛ-ƃelai dîa Ńyãai a Ŋ̀wála-wâla kélee Yâwɛɛi ńyɛɛ m̀ɛnii ŋí ƃé ŋá mò kâa, ‘Tɔ̃yâ ma tãi nɔ́ ŋ́gaa la ɣele mai, ńii fa nɛ̃ɛ sɔnyɔ̂ŋ nuu ŋɔsɔnyɔ̂ŋ mɛ̂ni ma. M̀ɛnii a níi nɛ̃ɛi ƃa sɔnyɔ̂ŋ-nuu é ǹíi maa fáleŋ é lɛ́ɛ ɣele ma. Eezuɛ-ƃela, ka kpera sɔnyɔ̂ŋ kɛ̂i. Lé mɛni ƃé ka pâi saâi lai?’

Izikiɛ 6:9

Ǹyaŋ diai da pâi liî a dîa kɔ́-soŋ pere sui da pâi díkili-ŋa siai é pîlaŋ ḿâ ǹɔii-ti su ƃɛɛ̂i da pâi kɛ̂i naai. Da pâi gɔlɔni berei ŋá ǹíi ŋwana la dîa é pîlaŋ berei mâ dí dípôlu-tɔɔ la mai a dílii da díŋɛi nyii gɛ̀ ɣâla-pɔkɔɔŋ fɛli mɛ̂ni kɛ́ too díkoi. À kɛ̀ tí, díƃɛlɛ a pâi kpɛɛ̂i díkpîŋ koi ŋwana-lɔ̂ɔ dí gɛi mɛ̂ni ma.

Osia 6:4

Yâwɛɛ è mò ǹyɛɛi, “Óo Eezuɛ da Zuda, lé ƃé ŋa pɔ̂ri gɛ̂i a káa? Káwɛli-kɛ maai káa yɛ̂ɛ ɣele ƃɔ̂i kpini, yɛ̂ɛ lúu nyii a tɛ̂ɛ a maa félaai.

Osia 7:1

“Ŋá kɛ̀ ŋ̀wɛ̂lii ŋá Eezuɛ ƃálo, ŋá gɛ́ é ƃûu ƃó, kɛ́lɛ gáa nɔ́ nîi ŋɔsɔnyɔ̂ŋ kɛ̂i. Sameria káa nɔ́ ŋwana lɔ̂ɔ kɛ̂i da lɛ́ɛ, ŋ̀uma-ƃelai dí kɛ́ ŋúma kɛ̀, mɛni-nyɔmɔɔ kɛ́-ƃelai dí kɛ́ mɛni nyɔ́mɔɔ kɛ̀.

Emɔ 4:11

“Ŋá káseêi kùla yɛ̂ɛ berei ŋá Sodɔŋ da Gomora kùla lai, ǹyaŋ ká kɛ̀ yɛ̂ɛ da kɔi tuɛ-kpua kula ŋɔŋ ŋá. Berei máŋ e kɛ̀ ti lai, káfé pa ni ḿbɔ pôlu.”

Emɔ 7:3

Malôŋ è tòo Ɣâla Yâwɛɛ ma m̀ɛnii ŋí ma, ǹyɛɛi, “Vé pâi kɛ̂i.”

Emɔ 7:6

Malôŋ è tòo Ɣâla Yâwɛɛ ma m̀ɛnii ŋí ma máŋ, ǹyɛɛi, “Nyíŋi fé pâi kɛ̂i máŋ.”

Maka 5:3

Yâwɛɛ a pâi Eezuɛ-ŋai lɛɛ̂i luɛ-laa su é lɛ́ɛ la zu ǹɛnîi é ǹóŋ-surɔŋ maa sɔlɔ ƃó. Gɛ̀ ní ǹîa-ni nyii ŋai luɛ-laa sui, da pâi lenêi pôlu dí sée Eezuɛ lɔii su.

Zɛfɛnâya 2:9

Nya ƃe Ŋ̀wála-wâla kélee Ɣalai, Eezuɛ-ŋai Díɣâlai è vòo ǹyɛɛi, “Tɔ̃yâ kpîŋ ma, tãi nɔ́ ŋ́gaa la ɣele mai, Môa a pâi kɛ̂i yɛ̂ɛ Sodɔŋ, Amɔŋ-ŋai da pâi kɛ̂i yɛ̂ɛi Gomora, ŋalêŋ kpɔlɔ a pâi kɛ̂i naa da fɛ̃ɛ-kpâlaŋ tee-tee yɛ̂ɛ ƃɛ́i da mii-kpolo kula naai. Ŋánûai nyii-ŋai lɛ̂ɛ a dífului, da pâi ǹaa yée mɛi ɣâlei, dí dísãâi kúla díyêei, dí sée dílɔii ma.”

Maafîu 23:37

“Óo Zerusâlɛŋ, Zerusâlɛŋ, yái Ɣâla ŋɔlóno-kɛ-ƃelai pâa, í diai sɔ́ɔ a kɔni dí dítɛ̀ɛ ípɔ-naai! Ŋa ŋ̀wɛ̂lii ŋá ílônii ŋá tɛ́ díkîe ma a tãi támaa, yɛ̂ɛ berei tɛ́ɛ-lêe a ǹônii ŋá tɛ́ la díkîe ma goôŋ mui, kɛ́lɛ, ífa faa m̀a!

Dutɛrɔnome 29:22

“Kálônii díwɔ̂-lonii da ŋɔ̃ya-ŋai kásamai da pâi mɛni-kpɔ̂lui kâai Yâwɛɛ a pâi ǹáai ǹɔii ŋí mai da gɔlɔ-fêla nyɔ́mɔɔ-ŋai.

Dutɛrɔnome 29:23

A pâi ǹɔii su-karai a kpolo-lîyeŋ da sɔfɔ. Sí-sɛŋ da fé pâi wɔ́lɔ kpɛtɛi naa. Ǹaa a pâi kɛ̂i yɛ̂ɛ Sodɔŋ, Gomora, Adama da Zeboliŋ lɔii-ŋai nyii è naa kàra a lii-ŋwâna perei.

Dutɛrɔnome 32:36

Yâwɛɛ a pâi ŋɔnûai dímɛnii ŋá têei é dímalôŋ káa a gàa a gɛɛ pɔ̂ri mâa fé ŋɔ́nɔ díyêei. A pâi dímalôŋ kâai. Dí tɔnɔ kpîŋ da fé pâi lɛɛ̂i a nɛ̃ɛ ma dí kɛ́ a luɛ-ŋa kpaa máŋ díŋuŋ ma ƃoɔɔ.

Pitɛ Veerɛi 2:6

È Sodɔŋ-taai da Gomora-taai pène a luu é dímɛnii ŋá tée a gɛɛ dísu é kara a gɛɛ é kɛ́ a mɛni-kɔɔ̂ŋ-maa diai mɛni ma kɛ̀ pâi kɛ̂i a diai dífe Ɣâla-mɛni wɛ̂linii.

Zûu 1:7

Berei nɔ́ ƃe Sodɔŋ da Gomora da nàa kɔlɛ ma-taa-ŋai su-ƃelai dí tùa la máŋ a wulu-wulu kɛ́ pere dí díkpîŋ kɛ́ a tua-pere-nyɔŋ maa-sɛŋ wɛli ƃelai dai, ǹyaŋ díkaa a mɛni-kɔɔŋ-maa a tɔŋ-kpɛ́-maa sɔlɔ-ƃoɔɔ a wɔlɔ-wɔlɔ-ŋɔŋ.

M̀ɛni-lɛɛi 11:8

Dípoma a pâi kɛ̂i laa ni taa-lee kɛ́tɛi sú nyii da dòli pere sii da su a Sodɔŋ da Izei, zu pere lee kɛ́tɛi ma, ƃɛi dí Dínuu-namui kpàmo naa saa-wuru mai.

M̀ɛni-lɛɛi 18:18

Dí làɣi a díwoo su kɛ̂tɛ, tãi dí Babelɔŋ-lurui kâa la nyíi kɛ̀ kérenîi, díyɛɛi, “Lé taa-lee ƃe kɛ̀ a gɛ́tɛ yɛ̂ɛ daa-lee kɛ́tɛi ŋíi?”

M̀ɛni-sâa Ƃó-ƃelai 10:16

Maa ɣelei tí zãai dí dí kùla díkɔlɛ lɔii ŋuŋ-ŋai su díkɛ dí fɛlii, dí gélee pìli. Dí pɛ̀lɛ ŋɔ́nɔ Yâwɛɛ fɛlîi. Eezuɛ-ŋai malôŋ è tòo mà dímɔ̃lɛ laai mɛ̂ni ma.