Osia 11:3 - Ŋ̀âla Kɔlɔ Maa Waai

³ Ńyãa ƃé sia-pere lɛ̀ Eezuɛ-ŋai dîa ŋá dísee ńyee tɔ̃ɔi. Kɛ́lɛ dífe díyee see ní ḿû a gɛɛ ńyãa ƃé dí kùla zu.

Osia 11:3 ပူးပေါင်းရင်းမြစ်များ

Wule-woo-ŋa 107:20

È díƃàlo a ŋ̀óo, é díkula molôŋ-ŋai su.

Ɛsedɔ 15:26

Ǹyɛɛ diai, “À kɛ̀ kà ŋ̀óo mɛ̀ni kpɔ́ a ǹɛ́lɛɛ ńyãa Yâwɛɛ Káɣâlai, ka mɛni-ŋai kɛ́ ŋá ŋ̀wɛ̂lii ká gɛ́i ká ŋátɔ̂ŋ-ŋai kélee mɛi káa, gɛ̀ ní fé pâi tɔ̂ŋ kpɛ̂i kâa a gɔlɔ-fela sîi ŋai ŋá dɛ̀ɛ Ize-ŋai mɛni mai. Ńyãa ƃa Yâwɛɛ nyii káƃaloi.”

Ɛsedɔ 19:4

Ká mɛni-ŋai kâa ŋá gɛ̀ a Ize-ŋai, da berei ŋá gɛ̀ la ká pá ḿbɔ yɛ̂ɛ kuɛ a ǹônii sɛ̀lɛŋ goôŋ ma é koôŋ a diai.

Ɛsedɔ 23:25

Ka ḿvɛli ǹyãai a Yâwɛɛ Káɣâlai. Ŋa pâi lûwa lâai kâa mii-sɛŋ mɛni ma da yá, ŋa kɔlɔ-fela sii kélee kúla kásama.

Azaya 1:2

È mò ǹûai dîa a gɛɛ Ɣâla Yâwɛɛ ǹyɛɛi, “Ŋ̀elei da ǹɔii su-ƃelai kélee, ka káwoli tɔ́ɔ m̀ɛnii ma ŋa pâi m̀ôi. Ǹîa-pɛlɛɛi ŋá díkùla zui, da tɔ́ɔ ḿâ.

Azaya 30:26

É kúla nyíŋi pôlu, ŋ̀áloŋ a pâi kɛ̂i fôloi yɛ̂ɛ vóloi, vóloi kɛ́ fòlo kpɔ́ a ŋ̀ánaa yɛ̂ɛ fólo lɔ́ɔlu mɛi-feerɛ folo a tòo a fólo tɔnɔ. Nyíŋi a pâi kɛ̂i a ŋ̀elei Yâwɛɛ a pâi kɛ̂i ŋɔnûai ŋuŋ ma ƃôi la gɛ́ díkùla dímɔ̃lɛ-laai sui.

Azaya 46:3

“Káai a Eezuɛ-ƃelai ka pú ká kúla gɔ-sôŋ-laai sui, ka káwoli tɔ́ɔ ḿâ. Ńyãa ƃé kákpɛ̀tɛ. Ŋ́gbaaŋɔɔ̂i kámɛni ma é síɣe kámaa sɔlɔ ƃó tãi ma.

Azaya 63:9

é díkula dímɔ̃lɛ-laai su. Ɣâla-taa kêla fé m̀ɛnii ŋí kɛ́ ní. Kɛ́lɛ Yâwɛɛ ǹyaa kpîŋ ƃé díŋuŋ mâ ƃò. È díŋuŋ mâ ƃò ŋɔmaloŋ kâai da ŋɔwɛli kɛ́-maai sârai. A wɔ́lɔ dímɛi kâa nɔ́ a bɔlɔ.

Zɛlemaya 30:17

Kákpɔara-ƃelai dí mò dîyɛɛ, ‘Káfe sɛŋ su, núu da fé kpáaŋ ní ká maa mɛ̂ni ma.’ Kɛ́lɛ ńyãa Yâwɛɛ ŋa môi a gɛɛ. Ŋa pâi kákɔlɔ̂i ponôi, ŋá kápalai sále. Ńyãa Yâwɛɛ ƃó tí.”

Zɛlemaya 8:22

Sále fé ŋɔ́nɔ Gilia? Sále-tíi kɛ́-muu fé naa? Lé ƃé kɛ́ ŋánûai dífe ƃâloi?

Osia 14:4

Yâwɛɛ è mò ǹyɛɛ, “Ŋa pâi pâi a ŋánûai pôlu ḿbɔ naa. Ŋa pâi díwɛ̂lii a ńii kélee. Fé pâi ŋɔ́nɔ wɔ́lɔ ńii ŋwânai dîa.

Osia 2:8

“Vé kɛ́ ní a gɔ́lɔŋɔɔ a gɛɛ ńyãa ƃé mii-sɛŋ tɛ̀ɛ bɔ́, ŋwã̂ai, káne da gôo tɛ̀ɛ bɔ̀ nyii-ŋai è tíi kɛ̀ la Bêe Ɣalai fɛli-pɛrɛi mui.

Osia 7:1

“Ŋá kɛ̀ ŋ̀wɛ̂lii ŋá Eezuɛ ƃálo, ŋá gɛ́ é ƃûu ƃó, kɛ́lɛ gáa nɔ́ nîi ŋɔsɔnyɔ̂ŋ kɛ̂i. Sameria káa nɔ́ ŋwana lɔ̂ɔ kɛ̂i da lɛ́ɛ, ŋ̀uma-ƃelai dí kɛ́ ŋúma kɛ̀, mɛni-nyɔmɔɔ kɛ́-ƃelai dí kɛ́ mɛni nyɔ́mɔɔ kɛ̀.

Osia 7:15

Berei máŋ ŋá sɛŋ lɛ̀ la dîa, ŋá wála-wala-laa tɛɛ dípɔi, da mɛni nyɔ́mɔɔ kpɛtɛ̂i nɔ́ ḿɛni ma.

Zia-ƃelai Kɛ́-mɛni-ŋai 13:18

È dímɛi kàa a kóraŋ buu náaŋ vɛ̃ɛ-kpâlaŋ su.

Dutɛrɔnome 1:31

da vɛ̃ɛ-kpâlaŋ sui. Ǹyaŋ ka gáa berei Yâwɛɛ è kámaa mɛ̂ni gbîri sìɣe la yɛ̂ɛ berei núu a mɛni-sôli kàa la ǹóŋ mɛni mai é lɛ́ɛ la zu ká seri ƃɛ́i.’

Dutɛrɔnome 33:27

Ŋ̀wɔlɔ-wɔlɔ Ɣalai ƃa káŋuŋ ma ƃó-nuui. A pâi kápûi ǹyée tɔ̃ɔi. È kákpɔara-ƃelai tuãŋ a tãi kákɛ pâi lai, é mò kaa a gɛɛ ká dísu kara.

Dutɛrɔnome 8:2

Berei Káɣâlai Yâwɛɛ è káteniŋ tɔ̀ɔ la vɛ̃ɛ-kpâlaŋ su a góraŋ buu náaŋ maa mɛni kíli é lɛ́ɛ káŋa. È gɛ̀ ká kɛ́ a maa yeŋ-ƃela é su-kɔɔŋ tɛɛ kápɔ a gɛɛ é kálii su kɔ́lɔŋ à kɛ̀ ka pâi ŋɔtɔ̂ŋ-ŋai mɛi kâai.