Osia 11:2 - Ŋ̀âla Kɔlɔ Maa Waai

² Berei nɔ́ ŋá kɛ̀ dítôlii lai, bere nɔ́ ƃé dí kɛ̀ dípôlu fêi la ḿî. Dí kɛ̀ nɔ́ sâla kulâi díɣâlai Bêe m̀â, dí kɛ́ sɛŋ kúŋ-nɛ̃ɛ kèreŋ dí Ɣâla pɔkɔɔŋ-ŋai dîa.

Osia 11:2 ပူးပေါင်းရင်းမြစ်များ

Kâloŋ Maa-ŋuŋ 12:33

Ŋ̀áloŋ ǹɔ́ɔlu mɛi saaƃai ŋɔfólo puu káo lɔ́ɔlui ma, ŋ̀áloŋ è zìɣe zu gbɔ́ɔi yee mai, è sâla kùla ŋ̀âla-teƃelei ma nyíi è dɔ̀ɔ Bɛtɛi. Nya ƃe è gúui ŋí sèe Eezuɛ-ŋai mɛni ma. È lì ŋ̀âla-teƃelei ma a gɛ́ɛ é sâla-ŋa kula.

Kâloŋ Maa-ŋuŋ 18:19

Ǹûai tóli dí kúla Eezuɛ gwaa kélee kwa dîa-ni kú koyâŋ Kamɛɛ Yeei ma. Pá a Bêe ŋɔlóno kɛ́-ƃela ŋuŋ náaŋ pôlu buu lɔ́ɔlui da Asira ŋɔlóno kɛ́-ƃela ŋuŋ náaŋ nyii-ŋai da dílaa mìi Zɛsebɛɛ ŋɔteƃelei mai.”

Niɛmaya 9:30

Í kɛ̀ nɔ́ a ílii kpéleɛɛ díyêei a kóraŋ kélee. Í mɔlêŋ è díteniŋ tɔ̀ɔ í lono kɛ́-ƃelai sârai. Kɛ́lɛ, dífe díwoli tɔɔ ní yâ a dɔnɔ kpîŋ. Nya ƃe gɛ̀ í dí tɛ́ɛ lɔii-ŋuŋ da kpɛ́ni-ŋa su-ƃela pɔ́ dí lí a dia luɛ-laa su.

Azaya 65:7

Ŋa pâi dífela fêi díkpîŋ sɔnyɔ̂ŋ da dínâŋ-pɔlɔ-ŋai díwɔ̂i mɛ̂ni ma. Da kéreŋ-sɛŋ kúŋ-nɛ̃ɛ kèreŋ ɣâla da kpɛ́ni-ŋa dîa díɣâla fɛli kwaa-ŋai ma ǹyée-ŋai ma, díkɛ lóno nyɔ́mɔɔ kɛ̀ é pîlaŋ ḿâ. M̀ɛni ma ŋa pâi díkula-maa kɛ̂i yɛ̂ɛ berei dísɔnyɔ̂ŋ pɔlɔ-ŋai kaa lai.”

Zɛlemaya 18:15

Kɛ́lɛ, ŋánûai da nia ḿâ. Da kéreŋ-sɛŋ kúŋ-nɛ̃ɛ kéreŋ ɣâla-pɔkɔɔŋ-ŋa dîa. Da kɛ̂ karênii dísia perei su. Dífe ŋɔ́nɔ siâi a berei dínâŋ pɔlɔ-ŋai da kâa sìa lai. Da kula berei lɛ́lɛɛi ma, da lɛɛ berei ma nyii dífe gɔ́lɔŋ.

Zɛlemaya 44:5

Kɛ́lɛ, káfe káwoli tɔɔ ní ḿâ, kpaa máŋ ká m̀ɛni-ŋai kɛ́ nyíi-ŋai maa-nɛ̃ɛi ká gɛ́i. Ká kɛ̀ nɔ́ ká ŋwana-lɔ̂ɔ tuai kɛ̂i ká kɛ́ sâla kùla ɣâla da kpɛ́ni-ŋa dîa.

Osia 11:7

Ŋánûai ŋuŋ su kpanaŋɔ̂ɔi. Díkaa nɔ́ liî díkpîŋ-kwaa-ŋa ma. Da pâi kɔŋ-ma-kpɔnɔ toôi díkɔŋ ma. Da pâi kɛ̂i wɔ̂lɔi kpɔŋ maa mɛni ma kɛ́lɛ núu da fé pâi kɛ̂i naa é gula díkɔŋ ma.

Osia 2:13

Ǹyaŋ ŋa pâi tɔ̂ŋ kpɛ̂i m̀a gúui mɛni ma a gɛ̀ Bêe m̀â dîa gɛ́ m̀aa-ɣiri a m̀aa ɣîri-sãa lɛ́lɛɛ-ŋa, gɛ́ lì ŋɔwɛ́li-ŋai pɔ́ naa, gɛ́ nìa ḿɛni mai.”

Osia 4:13

Da sâla kùla ǹyée kpaya-kpayai tôŋ su, díkɛ sâla-sãa pù ǹyée pɛlɛɛ-ŋai dîa, ŋ̀úru-ŋai mu, kpɛ́ni fêi, díninîŋ lɛ̂lɛɛi. “Mɛni ma kálônii-nɛyãai díkaa wulu-wulu kɛ̂i, ǹyaŋ kálônii sinaai dínɛyâai díkɛ wulu-wulu kɛ̀.

Osia 4:17

Eezuɛ-ƃelai díkaa a sɛŋ da kpɛ́ni-ŋa fɛli-ƃela. Tɔɔ dí sía a díkpɔɔi pere.

Zɛkɛrâya 1:4

Káfe kɛ̀ yɛ̂ɛ kánuu-pɔ̂lɔ-ŋai. Tãi su kôyaa tɛ̀ɛ pôlu ma, ŋálono kɛ́-ƃelai dí ŋáworɛ̂-wooi ƃò dîa a gɛɛ dífe mɛni nyɔ́mɔɔ kɛ̀. Kɛ́lɛ dífe díwoli tɔɔ ní ḿâ kpaa máŋ dí ŋ́oo síɣe.

Zɛkɛrâya 7:11

“Kɛ́lɛ dífe díwolii tɔɔ ní, dí díkoôŋ tɛ̀ a dia dí díwoli láa tɛ́ a gɛɛ dífe mɛni mɛ̂ni,

Lûu 13:34

Ee Zerusâlɛŋ, Zerusâlɛŋ, yái ƃa Ɣâla ŋɔlóno-kɛ-ƃelai pâa, íkɛ dísɔɔ a kɔni nyii-ŋai da dítɛɛ ípɔ naai! Tãi támaa ƃe ŋa kɛ̀ ŋ̀wɛ̂lii ŋa ínîa-pɛlɛɛi ŋá lɛ́ɣɛ a díkîe yɛ̂ɛ berei tɛ́ɛ-lee a ǹônii lɛ̀ɣɛ la goôŋ mu, kɛ́lɛ, ífe faa ni!

Zɔ̂ŋ 3:19

Mɛni-ŋa-teɛɛi ká ŋi, a gɛɛ gwaa-ponoɔi a pá ǹɔii su, núu-kpune ǹyaŋ dí kpini wɛ̀li é tɛ́ɛ kwaa-ponoɔ ma, kpɛ́ni fêi, dítûai e kɛ̀ a nyɔ́mɔɔ.

Zia-ƃelai Kɛ́-mɛni-ŋai 7:51

“Wolii-kpɔlɔ-ƃela, káai Ɣâla fé kálii su, kpaa máŋ káfa ŋ̀óo mɛnii, ka tɔɔ M̀ɔlêŋ Maa Waai ŋɔtíi tuɛ a tãi kélee. Berei kánâŋ-ni dí tùa lai, bere nɔ́ ƃé kákaa tuâi la.

M̀ɛni-sâa Ƃó-ƃelai 10:6

Naa kɛ́ɛ tíi, Eezuɛ-ŋai dí ŋɔ́nɔ sɔnyɔ̂ŋ kɛ̀ a Yâwɛɛ. Dí pɛ̀lɛ Bêe da Asitate ɣala-ŋai fɛlîi. Dí ŋɔ́nɔ kɛ̀ Araŋ, Sidɔŋ, Môa-ŋai, Amɔŋ da Felesia-ŋai díɣâla-ŋai fɛlîi, kpɛ́ni fêi, Eezuɛ-ŋai dí dípôlu tɔ̀ɔ Yâwɛɛ ma. Dífe kɛ́ ní ǹíi láa mɛni kɛ̂i,

M̀ɛni-sâa Ƃó-ƃelai 2:13

Dí dípôlu tɔ̀ɔ Yâwɛɛ ma dípɛlɛ Keena-ŋai díɣâla-ŋai Bêe da Asitate fɛlîi.

M̀ɛni-sâa Ƃó-ƃelai 3:7

Eezuɛ-ŋai dí nìa Yâwɛɛ, Díɣâlai ma díkɛ sɔnyɔ̂ŋ kɛ̀ la. Dí kɛ̀ Bêe da Asira ɣala-ŋai fɛlîi dí dísiɣe a díɣâla-ŋa.