Osia 10:8 - Ŋ̀âla Kɔlɔ Maa Waai

⁸ Eezuɛ-ŋai dí lɛ́ɛ ɣala-fɛli kwaa-ŋai ma ƃɛ́i da sɔnyɔ̂ŋ kɛ̀ naai su a pâi karâi. Kala a pâi tɛ̂i díɣâla teƃele-ŋai dîa. Da pâi môi ǹyée kpaya-kpayai dîa, “Ka kúloo,” dîyɛɛ bɛlɛ-pɛlɛɛi dîa, “Ka tòo kûa.”

Osia 10:8 ပူးပေါင်းရင်းမြစ်များ

Zɛnɛse 3:8

È nâa kɛ̀ tí, dí Yâwɛɛ Ɣâla wóo mɛni gɛ́ sîa zûai su a ɣele-wulii. Nya ƃe nalôŋ da ŋɔnɛnîi dí dílòo Yâwɛɛ Ɣâla ma ŋ̀úru-ŋai sáma zûai su.

Kâloŋ Maa-ŋuŋ 13:2

È wɔ̀lɔ a ŋ̀óo tɛ́ɛ ɣelêi a nyɔ́mɔɔ é pîlaŋ ŋ̀âla-teƃelei ma a Yâwɛɛ wóo ǹyɛɛi, “Óo Ɣâla-teƃele, Ɣâla-teƃele! M̀ɛnii ká ŋí Yâwɛɛ a m̀ôi: Da pâi lóŋ-surɔŋ maa sɔlɔ ƃôi Deeƃé ŋɔpɛ́rɛi mu dí ǹáa sée a Zosaya. A pâi sâla kulâi íŋa a zâla láa soŋ-ƃelai nyii-ŋai dí káa nâa sáma-sãa tɛɛ̂i ƃɛ́i, ǹyaŋ a pâi núu káo-ŋa kêrenii í ŋá.”

Kâloŋ Maa-ŋuŋ 13:34

Zɔnyɔ̂ŋ ŋí ƃé gɛ̀ Zɛroboaŋ ŋɔkâloŋ-laai é wólo é gɛ́ ŋɔnúu-suui kélee dí sáa.

Kâloŋ Maa-ŋuŋ 14:16

Ǹyaŋ a pâi ǹyée kulâi Eezuɛ mu zɔnyɔ̂ŋ-ŋai mɛni ma Zɛroboaŋ è gɛ̀ nyíi Eezuɛ-ŋai dí pìlaŋ gɔ́ɔ pɔɔi dí kɛ́ díkɛ̂i.”

Kâloŋ Veerɛi 23:15

Nyíti-ŋai kélee pôlu ma, Zosaya fé niî kɛ̀ kpɛɛ ní. È ŋâla-pɔkɔɔŋ fɛli kwaai ma su kàra-kara da ŋ̀âla-teƃelei kɛ̀ Bɛtɛ nyii Neba ǹóŋ Gâloŋ Zɛroboaŋ è wɔ́lɔ dɔ̀ɔ a kɔni-ŋa Eezuɛ-ŋai dí kɛ́ wɔ́lɔ pìlaŋ gɔ́ɔ-pɔɔi díkɛ sɔnyɔ̂ŋ kɛi. Zosaya è ŋ̀âla-pɔkɔɔŋ fɛli kwaai tí ma kèreŋ. È nɛnî ɣâla-pɔkɔɔŋ Asira kèreŋ é pɛ́lɛ ŋ̀úru kôyaai ma nyii kɛ̀ ǹáai mɛni mai.

Kɔlɔnikɔ Veerɛi 31:1

Nyiŋi kélee pôlu ma, Eezuɛ-ƃelai nyii-ŋai kɛ nâai dí lí kpɔ́ Zuda taa-lee-ŋai kélee su dí ŋ̀âla da kpɛ́ni ŋai fɛlii wolo. Dí ŋâla-nɛnî Asira ɣâla-ŋɛi-kɛ maa wuruii têe. Dí ŋâla-pɔkɔɔŋ-ŋai fɛlii kara. Dí díɣâla teƃele-ŋai wólo nyíi kɛ Zuda, Bɛŋsima, Ifiraŋ da Manasɛ lɔii gwaa kélee sui. Eezuɛ-ŋai kɛ́ɛ da kpɛɛ a zãai ŋí woloɔ̂ɔi, dí lene pôlu dípɔ̂ taai díkɔ̃liŋ-ŋai mɛi.

Azaya 2:19

Yâwɛɛ à pà a gɛɛ é ǹɔii su-ƃela maa yao, núu-kpune a pâi kɛ̂i ǹoôi kɔni-wôlo-ŋa su ǹyée-ŋai tôŋ su da ǹóa-ŋai ǹɔii mai a gɛɛ dí díloo Yâwɛɛ ŋɔlii-ŋwânai da ŋɔfólo-laa kɛ́tɛi perêi.

Azaya 2:21

Yâwɛɛ a pà a gɛɛ é ǹɔii su-ƃelai maa-yao, ǹûai da pâi pûi dí díloo kɔni wôlo-ŋa su ǹyée-ŋai tôŋ su. Da pâi gɛ̂i tí a gɛɛ dí díloo Yâwɛɛ ŋɔfólo-laai da ŋɔwála-wala-laai perei.

Azaya 32:13

Kala nyɔ́mɔɔ-ŋa da kpɛtɛ naa, ǹaa kélee a kɛ́ a ɣalêŋ kpɔlɔ-ŋa. Ka wɔ́lɔ ká taa-lêei mɛ̂ni ma nyii ká kɛ̀ naa kákɛ lii-nɛ̃̂ɛ kulai.

Azaya 34:13

Kala nyɔ́mɔɔ-ŋa da ɣalêŋ kpɔlɔ da pâi kpɛtɛ̂i naa, dí daa-lêe maa tínaŋɔɔ-ŋai kélee mɛi pɛ́lɛ da gâloŋ-pɛrɛ-ŋai. Ǹaa a pâi kɛ̂i a lɔɔ-ɣîla-ŋa da mûu-ŋa kɛ̂i.

Osia 10:2

Dílii su nyɔ́mɔɔ̂i Ɣâla mɛni ma. Da pâi dísɔnyɔ̂ŋ vela-fei sɔlɔ ƃôi. Yâwɛɛ a pâi díɣâla fɛli-teƃele-ŋai wôloi, é díɣâla-pɛrɛ-ŋai wólo.

Osia 10:5

Sameria-ƃelai kpáaŋɔ̂ɔi díkɛ kpɛ̃liŋ díɣâla niŋa-loŋ pɔkɔɔŋ mɛ̂ni ma Bɛtɛ taa-leei su. Ŋɔnûai da pâi wɔ̂lɔi mɛ̀ni ma. Ŋɔɣâlai ŋɔsâla láa-soŋ-ƃelai da pâi gbêɣe toôi mɛ̀ni ma, kpɛ́ni fêi, ƃaa kɛ́-maa fé ŋɔ́nɔ mà.

Osia 10:9

Yâwɛɛ è mò ǹyɛɛi, “Óo Eezuɛ-ŋa, ká sɔnyɔ̂ŋ kɛ̀ tãi ká kɛ̀ la Giƃia taa-leei sui. Kákaa nɔ́ niî gɛ̂i. M̀ɛni ma, da pâi kɔ́ pɛlɛ̂i kâa Giƃia.

Osia 2:6

“M̀ɛni ma ŋa pâi berêi kpáanîi a ŋalêŋ kpɔlɔ, ŋá kónaŋ tɔ́ɔ é tínaŋ ma, a gɛɛ vé pere kâa é kúla.

Osia 4:13

Da sâla kùla ǹyée kpaya-kpayai tôŋ su, díkɛ sâla-sãa pù ǹyée pɛlɛɛ-ŋai dîa, ŋ̀úru-ŋai mu, kpɛ́ni fêi, díninîŋ lɛ̂lɛɛi. “Mɛni ma kálônii-nɛyãai díkaa wulu-wulu kɛ̂i, ǹyaŋ kálônii sinaai dínɛyâai díkɛ wulu-wulu kɛ̀.

Osia 4:15

“Óo Eezuɛ-ƃela, berei máŋ kákaa la a wulu-wulu kɛ́-ƃelai, Zuda-ƃelai dífe kápɔɔ kɔɔŋ. Káfe lì Geega, kpaa máŋ Bɛɛ-avɛŋ Ɣâla fɛlîi, káfe kákono tèe Yâwɛɛ láai su.

Osia 5:8

Dúrui fɛ́ɛ Giƃia taa-leei su. Dúrui fɛ́ɛ Lama taa-leei su. Dúrui wóo kúla Bɛɛ-avɛŋ taa-leei su. Óo Bɛŋsima ŋɔnûai, ka lí kɔ́ ma.

Osia 8:5

Óo Sameria taa-leei, fé wɛ̂lii a kániŋa-loŋ pɔkɔɔŋ fɛli-mɛnii. Níi ŋwanâai dí mɛni ma. Tãi nênɛ ƃé ka pâi teêi la dífɛliɛɛ mai?

Osia 9:6

A nɛ̃ɛ ma ká pú ká kúla Asiria ŋɔmɛni kpɔ̂lui yêei, Ize-ƃelai da pâi ká sonîi dí ká ŋáa tɛ́ ma. Da pâi ká saa loôi Mɛŋfee taa leei su. Gáne-ŋai da pâi kɛ̂i a kala pɔ́ɔ, ŋalêŋ kpɔlɔ é tɛ́ dípɛrɛ-ŋai dîa.

Emɔ 1:5

Ŋa pâi Dɛmɛika ŋɔsiɣãŋ gbôŋ wôloi, ŋá Bɛtɛdaŋ-ƃelai zu kara, ŋá ǹúui su kara, nyii gáloŋ-wuruii káa ǹyéei Bɛ-idɛŋ. Kúnuu-namui è mò, ǹyɛɛ, Siria-ƃelai da pâi liî luɛ-laa su Kîɛ.”

Emɔ 3:14

Ŋelei ŋa pâi tɔ̂ŋ kpɛ̂i la Eezuɛ-ŋai dîa dísɔnyɔ̂ŋ-ŋai mɛni mai, maa-ɣelei tí ŋa pâi tɔ̂ŋ kpɛ̂i Bɛtɛ ɣala-teƃele-ŋai dîa. Ǹyaŋ Ŋ̀âla-teƃele-ŋai mĩla a pâi têei dîa é tóo ǹɔii ma.”

Emɔ 7:9

Aise ŋɔsâla-kula kwaa-ŋai ma su a pâi karâi, Eezuɛ ŋɔɣâla-pɛrɛ kpaya-kpayai su é kara, ǹyaŋ ŋa pâi tɔɔ̂i Zɛroboaŋ ŋɔpɛ́rɛi ma a ƃóa-sɔ̂kpɔ.”

Emɔ 8:14

Diai da dífòo Asima ma nyii gáa Sameria, díkɛ m̀ó, dîyɛɛi, ‘Óo Daŋ, íɣâlai káa ɣele ma,’ Dîyɛɛ, ‘Óo Bɛɛsiba, ímɛi-kaa-ɣalai káa ɣele mai,’ da pâi toôi, dífe pâi ŋɔ́nɔ dímu siɣêi pôlu.”

Maka 1:13

Káai a Lakee-ƃelai, ká kásoo-ŋai kpulɔ̂ŋ dísia keleŋ-ŋai dîa ká pú. Káa ƃé gɛ̀ Zerusâlɛŋ-ƃelai dí sɔnyɔ̂ŋ kɛ́, kpɛ́ni fêi, ká káyee pù Eezuɛ-ŋai dísɔnyɔ̂ŋ su.

Maka 1:5

M̀ɛni-ŋai ŋí kélee a pâi kɛ̂i Eezuɛ ŋɔtɔ̂ŋ-karaai da Eezuɛ-ŋai dísɔnyɔ̂ŋ mɛni ma. Lé ƃé Eezuɛ kɛ̀ gɛ́ dɔ̂ŋ karaai? Lé ƃé Zuda kɛ̀ gɛ́ sɔnyɔ̂ŋ kɛ̂i? Vé a ŋ̀ala-pɔkɔɔŋ-ŋai díkaa Zerusâlɛŋ?

Neeuŋ 3:11

Yá máŋ ya pâi kɛ̂i yɛ̂ɛ lɔɔ kpele-nuu. Pɔ̂ri fé pâi kɛ̂i yɛ̂. Ƃa pâi kpɔ̂ŋ mâa wɛ̂lii íkpɔara-ƃelai yêei.

Lûu 23:30

Maa-tãi ti da pâi pɛlɛɛ̂i m̀óɔ ma ǹyée kpaya-kpayai dîa, dîyɛɛi, ‘Ka too kûa’; da ǹyée pɛlɛɛ-ŋai dîa, dîyɛɛi, ‘Ka kúmɛi pɛ́lɛ.’

Dutɛrɔnome 9:21

Ŋá káɣâla-pɔkɔɔŋ tí kùla káyêei ŋá géreŋ. Ŋá gélee kìɣiŋ dí kɛ́ ƃò yɛ̂ɛ muluŋ ŋá dípili ǹyá-ɣɛli su nyii a yèŋ a ǹyéei.

M̀ɛni-lɛɛi 6:16

Díkɛ ǹyée-ŋai tòli da gɔni-ŋai, díyɛɛi, “Ka too kûa ká kúloo kú siɣe ǹúui ŋɛ́i gáa seêni gâloŋ-see-sɛŋ ŋái, da M̀ála-loŋ ŋɔlii-ŋwanai.

M̀ɛni-lɛɛi 9:6

Maa-ɣele-ŋai tí, núu-kpune a pâi saa kɔ̂rii, kɛ́lɛ, vé pâi gaâi. Da pâi ŋ̀wɛ̂lii dí saa, kɛ́lɛ, saa kɛ́ pû dîa.