Osia 10:5 - Ŋ̀âla Kɔlɔ Maa Waai

⁵ Sameria-ƃelai kpáaŋɔ̂ɔi díkɛ kpɛ̃liŋ díɣâla niŋa-loŋ pɔkɔɔŋ mɛ̂ni ma Bɛtɛ taa-leei su. Ŋɔnûai da pâi wɔ̂lɔi mɛ̀ni ma. Ŋɔɣâlai ŋɔsâla láa-soŋ-ƃelai da pâi gbêɣe toôi mɛ̀ni ma, kpɛ́ni fêi, ƃaa kɛ́-maa fé ŋɔ́nɔ mà.

Osia 10:5 ပူးပေါင်းရင်းမြစ်များ

Kâloŋ Veerɛi 10:29

Kɛ́lɛ Zewu fé ǹûai kpera ní gôo niŋa-loŋ-ŋai fɛliɛɛ ma nyii-ŋai Gâloŋ Zɛroboaŋ è gbɛ̀tɛ a gɛɛ ǹûai díkɛ vɛli Bɛtɛ da Daŋ.

Kâloŋ Veerɛi 17:16

Eezuɛ-ƃelai dífe díwoli tɔ̀ɔ ní dɔ̂ŋ-ŋai dîa nyii Yâwɛɛ Díɣâlai è dɛ̀ɛ dípɔi. Dí niŋa-loŋ pɔkɔɔŋ feerɛ kpɛ̀tɛ díkpîŋ mɛni ma a kɔli a gɛɛ díkɛ vɛ̀li. Dí wúru kôyaa tɔ̀ɔ ŋ̀âla-pɔkɔɔŋ Asira fɛli mɛni ma. Dí kɛ̀ máŋ Bɛmɛlɛŋ-kao-ŋai fɛlîi da Bêe ɣala-pɔkɔɔŋ.

Kâloŋ Veerɛi 23:5

Zosaya è ŋ̀âla-pɔkɔɔŋ-ŋai dísâla-laa soŋ-ƃelai pàa máŋ nyii-ŋai kɛ̀ Zuda da Zerusâlɛŋ kɔlɛ ma kpiniŋ-ŋai sui. Kpakolo-ŋa dí kɛ̀ naa nyii-ŋai Zuda kaloŋ-ŋai dí dílɛ̀ a gɛɛ díkɛ sâla-ŋa kulâi Bêe ma da vóloi, ŋáloŋ é pɛ́lɛ bɛmɛlɛŋ-kao-ŋai dîa.

Kɔlɔnikɔ Veerɛi 11:15

Zɛroboaŋ è gbɔ́ɔi sala láa-soŋ-ƃela tɔ̀ɔ díkɛ tíi kɛ̀ ŋâla-pɔkɔɔŋ-ŋai fɛli kwaa-ŋai ma. È ƃoli da niŋa-loŋ pɔkɔɔŋ-ŋa kpɛ̀tɛ a Ŋɔɣâlai.

Kɔlɔnikɔ Veerɛi 13:8

Ǹyaŋ yaâ gbɛ̀tɛ íkili ŋá a gɛ́ɛ í tɔ́ɔ gâloŋ-laai ma nyíi Yâwɛɛ è wɔ́lɔ dɛ̀ɛ Deeƃé da ŋɔsuui dípɔi. Tɔ̃yâ ma kákaa a kɔkuluƃa kpulu kɛ́tɛ, gôo niŋa-lonii-ŋai Zɛroboaŋ è gbɛ̀tɛ gɛ́ ƃò káyêei a káɣâla-ŋai.

Azaya 46:2

Dífa pɔ̂ri díkpîŋ ŋuŋ ma ƃôi. Dí dísòŋ, dí lí a dia luɛ-lâa su. Babelɔŋ ɣala-ŋai kpɛɛ ŋá ká ŋí.

Osia 13:2

Ǹyaŋ díkaa nɔ́ niî sɔnyɔ̂ŋ kɛ̂i, dí kɛ́ díkpîŋ díkpɛtɛ sãai fɛ̂li, nyii dí gbɛ̀tɛ a kánei díkɛ mò dîyɛɛi, “Sâla kùla dîa,” ǹûai díkɛ díla-gbɔ sèe dîa.

Osia 4:15

“Óo Eezuɛ-ƃela, berei máŋ kákaa la a wulu-wulu kɛ́-ƃelai, Zuda-ƃelai dífe kápɔɔ kɔɔŋ. Káfe lì Geega, kpaa máŋ Bɛɛ-avɛŋ Ɣâla fɛlîi, káfe kákono tèe Yâwɛɛ láai su.

Osia 5:8

Dúrui fɛ́ɛ Giƃia taa-leei su. Dúrui fɛ́ɛ Lama taa-leei su. Dúrui wóo kúla Bɛɛ-avɛŋ taa-leei su. Óo Bɛŋsima ŋɔnûai, ka lí kɔ́ ma.

Osia 9:1

Eezuɛ-ƃela, káfe lii-nɛ̃ɛ kùla. Káfe lii-nɛ̃ɛ kùla yɛ̂ɛ lɔii da kpɛ́ni su-ƃela. Kpɛ́ni fêi, káfe a tɔ̃yâ-ƃela Káɣâlai mɛni ma. Ka pîlaŋ ŋ̀ulu-wulu kɛ́-nɛyaai pôlu zãâ-taŋ kwaa-ŋai ma.

Osia 9:11

Eezuɛ-ŋai díkɛtɛ-laai a pâi koônii yɛ̂ɛ ŋɔni-ŋa. Núu-kpune maa sɔlɔ ƃó-mɛni fé pâi kɛ̂i naa, koo-mɛni fé pâi kɛ̂i naa, koo-nɛni fé pâi kɛ̂i naa ŋɔ́nɔ. Nɛyâai dífe ŋɔ́nɔ pâi koo siɣêi.

Emɔ 3:14

Ŋelei ŋa pâi tɔ̂ŋ kpɛ̂i la Eezuɛ-ŋai dîa dísɔnyɔ̂ŋ-ŋai mɛni mai, maa-ɣelei tí ŋa pâi tɔ̂ŋ kpɛ̂i Bɛtɛ ɣala-teƃele-ŋai dîa. Ǹyaŋ Ŋ̀âla-teƃele-ŋai mĩla a pâi têei dîa é tóo ǹɔii ma.”

Zɛfɛnâya 1:4

“Ŋa pâi ńyee pɛlɛ̂i Zuda ma da diai kélee díkaa Zerusâlɛŋ. Ŋa pâi ǹúu-kpɛtɛ ɣâlai Bêe su karâi da ŋɔsâla láa-soŋ-ƃelai é pɛ́lɛ díkɔ̃liŋ kélee ma. Ŋa pâi dísu karâi kpɔ́ núu da fa gɔ̀lɔŋ a gɛɛ díkɛ ƃɛ́ a tãi tɔnɔ ta.

Zia-ƃelai Kɛ́-mɛni-ŋai 19:27

M̀ɛni ma kúyɛrɛ tii ŋí tɔnɔ nɔ́ fé gáa mɛni kpɔ̂lu su a gɛ́ɛ zu é kara. Kɛ́lɛ máŋ, ǹɛnî-ɣala kɛ́tɛi da kɛ̂ ma Atemi ŋɔpɛ́rɛi mɛni a pâi kɛ̂i kpɛ́ni-kpɛni. Ŋɔkɛ́tɛ-laai a pâi kpɛɛ̂i, nyíi Eesia da ŋ̀éniɛi su-ƃelai kélee da vɛlii.”

Zasua 7:2

Zasua è kpakolo-ŋa kùla Zɛleko é dí tɛ́ɛ Eea. Eea káa Bɛɛ-avɛŋ taa-leei su kɔlɛ Bɛtɛ vóloi kulâi-pere È m̀o dîa ǹyɛɛ, “Ka lí ǹyéei ma ká ǹɔii ma kpɛ́ɛ.” Nya ƃe ǹûai dí lì, dí gɛ́ tí.

M̀ɛni-sâa Ƃó-ƃelai 18:24

Maka ǹyɛɛ dîai, “Ka ḿarê kɛ̂i kâa lé ƃé kɛ̂? Lé tua ƃé ŋí ká gɛ̀ a ńyãai? Ká ŋásãa pɔkɔɔŋ-ŋai sìɣe da ŋásâla láa soŋ-nuui, kákɛ lì a dia? Lé ƃé ká ǹɛɛ ńyêei?”