Osia 10:4 - Ŋ̀âla Kɔlɔ Maa Waai

⁴ Da lôno nɔ́ kpɛ́ni-kpɛni dí kɛ́ kono-têe kɛ̀ a foo-wôo kpɛ́ni-kpɛni. M̀aa mɛ̂ni ma, mɛni ŋá-téɛɛ nyɔ́mɔɔ káa dísama yɛ̂ɛ kala nyɔ́mɔɔ a kùla kpâlaŋ ŋá.

Osia 10:4 ပူးပေါင်းရင်းမြစ်များ

Azaya 5:7

Gbɔmɔ kpâlaŋ ŋí káa a Ŋ̀wála-wâla kélee Yâwɛɛ pɔ́ɔ. Eezuɛ-ƃelai ƃa gbɔmɔ kpâlaŋ è zìi. Zuda-ƃelai ƃa ǹaa si-sãa lɛ́lɛɛ-ŋai. A ŋ̀wɛ̂li nûa díkɛ teniŋ-ƃô mɛni-ŋa kɛ̀, kɛ́lɛ díkaa nɔ́ núu paâi. A ŋ̀wɛ̂lii díkɛ tɔ̃yâ mɛni kɛ̀, kɛ́lɛ maloŋ too-maa wɔlɔ-woo nɔ́ ƃé a mɛni lá da díluâni.

Osia 4:2

Ǹûai da Ɣâla láa sìɣe kpɛ́ni-kpɛni, dí lɛ́ɛ kɛ́, dí núu páa, dí ŋúma kɛ́, dí kɛ́ wulu-wulu kɛ̀. Da m̀ɛni-ŋai ŋí kɛ̀ a tãi kélee. Da kɛ̂ nɔ́ mɛni nyɔ́mɔɔ kɛ̂i gîe mɛi a tãi kélee, dí kɛ́ núu pàa nɔ́ gîe mɛi kéleŋ.

Osia 6:7

“Kɛ́lɛ tãi nɔ́ dí sèri la Adaŋ taa-leei sui, dí Gbanaŋ-wooi kâra. Dífe kɛ́ ní a teniŋ ƃô-ƃela.

Emɔ 5:7

Óo káai ka teniŋ-mo pène a ŋwana-lɔ̂ɔ, ká tɔ̃yâ-laa too ǹɔii mai!

Emɔ 6:12

Soo a kîrɛ siɣe kɔni ŋá? Núu a yúo ŋá siŋ a niŋa? Kɛ́lɛ ka teniŋ ƃô pène a ŋ̀ale-maa, ka sã́a-laa ŋɔƃá pene a wúru ŋwánaa.

Zia-ƃelai Kɛ́-mɛni-ŋai 8:23

kpɛ́ni fêi, ŋa gáa a gɛ́ɛ ílii ŋwânai kpɔ́ yɛ̂ɛ gbɛ̃ɛ-kpɛ̃ɛ, íɣiriɛɛ a sɔnyɔ̂ŋ.”

Lomaŋ 1:31

díƃoɔɔ, díwôyaa, dílii kpeleɛ mɛni nyɔ́mɔɔ kɛ̂i, maloŋ-kaa fé díyêei.

Dutɛrɔnome 29:18

Káfe ǹɛɛ naa kákpakolo-ŋai, ǹɛyaai, kálɔii-kpîniŋ su nuu kpaa máŋ kásîi da é tɔ́ɔ Káɣâlai Yâwɛɛ ma é tínaŋ ǹɔii-ŋûŋ-ŋai su-ƃelai díɣâla-ŋai pɔ́ naa pere dí kɛ́ dífɛ̀li. Ka gɛ̀ tí, a pâi kɛ̂i yɛ̂ɛ wúru ƃa ŋwána kámɛni ma.

Dutɛrɔnome 31:16

È mò Mose mà ǹyɛɛi, “Yaâ pá liî ínûa pɔlɔ-ŋai pɔ́. Ǹûai ŋí da pâi tínanîi ɣâla da kpɛ́ni-ŋai pɔ́ naa pere. Dia ƃa ŋ̀âla-ŋai nyii-ŋai díkaa ǹɔii su da liî naai. Da pâi díyee kulâi ḿû da gbanaŋ-wooi ŋá gɛ̀ díyêei.

Dutɛrɔnome 31:17

Da gɛ̀ tí ŋa pâi ńii ŋwânai dîa ŋá ńyee kúla dímu, ŋá ŋ́ɛi sée dîa, ŋá mɛni-kpɔ̂lu ŋánaa láa dîa dí su é kàra. Da pâi díkîe-ni marê kɛ̂i dîyɛɛi, ‘Kúɣâlai fé kúkɔlɛ ƃé m̀ɛni-ŋai ŋí da kɛ̂i la a kúai?’

Temete Veerɛi 3:3

Da pâi kɛ̂i a ŋɛi-kpala-ƃela, ǹûai dífe lii-sêe wɛli níi díloai da díƃarâai, laa-kara-ƃela, ǹûai dífa díkpîŋ mɛi kâai, ŋwana-lɔ̂ɔ-ƃela, mɛni lɛ́lɛɛ kpɔara-ƃela.

Ibulu 12:15

Ka gáa a gɛɛ núu da kélee fé fɛ̀ɣɛ a Ɣâla ŋɔƃɛlɛ-sêei sɔlɔ ƃóɔɔ. Ka gáa a gɛɛ “wúru ŋwánaa” kélee da fé pɔmuŋ kásama nyíi a mɛni nyɔ́mɔɔ kùlai, ǹyaŋ maa-wurui tí a núu támaa kàra.