Osia 10:2 - Ŋ̀âla Kɔlɔ Maa Waai

² Dílii su nyɔ́mɔɔ̂i Ɣâla mɛni ma. Da pâi dísɔnyɔ̂ŋ vela-fei sɔlɔ ƃôi. Yâwɛɛ a pâi díɣâla fɛli-teƃele-ŋai wôloi, é díɣâla-pɛrɛ-ŋai wólo.

Osia 10:2 ပူးပေါင်းရင်းမြစ်များ

Kâloŋ Maa-ŋuŋ 18:21

Ilaiza è lì ǹûai ŋɛ́i-tuɛ ǹyɛɛ dîai, “Tãi ɣɛɛlu ƃé ka pâi kɛ̂i la Ɣâla feerɛ loai? À kɛ̀ Yâwɛɛ káa a Ɣâla, ka vɛli. Kɛ́lɛ à kɛ̀ Bêe káa a Ɣâla, ka vɛli.” Kɛ́lɛ ǹûai dífe mɛni da mò ní.

Ɛsedɔ 23:24

Káfe pɛ̀lɛ díɣâla-ŋai kɔ́ɔ mu kpaa máŋ ka dífɛli kpaa máŋ ka tûa yɛ̂ɛ dîa. Kɛ́lɛ ka díɣâla-ŋai kélee su kara ká díkɔni-ŋai wólo nyii-ŋai da dísiɣe a maa waai.

Táre-woo-ŋa 11:18

Ŋwana-lɔ̂ɔ-nuu ŋɔfela-fei káa nɔ́ kpɛ́ni-kpɛni, kɛ́lɛ tɔ̃yâ-nuu ŋɔfela-fêi a lɛ̂ɛ ǹyêei.

Azaya 44:18

Táre da kili ŋa-sîa da fé ǹúu kɛ́ɛ-ŋai ŋí dîa. Díŋɛi puɔɔ̂i, dífa mɛni ŋá kàa.

Zɛlemaya 43:13

A pâi Ɛliopole ŋɔpɔkɔɔŋ maa-waai wôloi nyii gáa Ize, é ŋɔ́nɔ Ize-ƃelai díkpɛtɛ ɣâla-ŋai díɣâla-pɛrɛ kpaya-kpayai kélee kéreŋ.”

Izikiɛ 14:5

Ŋa pâi gɛi tí a gɛɛ ŋá Eezuɛ-ŋai nyii-ŋai ŋ̀âla-pɔkɔɔŋ ŋai da dílii penei kɛ́ dítinaŋ ḿbɔ naa pere.

Osia 12:11

Sɔnyɔ̂ŋ káa niî Gilia lɔii su. Ǹaa-ƃela kélee su a pâi karâi. Díkaa niî niŋa-sîrɛ-ŋa kulâi a sâla Geega taa-leei su, ǹyaŋ dísâla kula kwaa-ŋai ma ɣala teƃele-ŋai da pâi wôloi dí táa-tâa.”

Osia 13:16

Tɔŋ kpɛ́-maa a pâi pâi Sameria-ƃelai pɔ́, kpɛ́ni fêi da sɔnyɔ̂ŋ kɛ́ a ńyãa. Da pâi saâi kɔ́ su. Da pâi dínîa-pɛlɛɛi da díkoo-nɛyãai su tée-têei.”

Osia 3:4

Bere sîi tɔnɔi ŋí nɔ́ ƃé a pâi kɛ̂i la a Eezuɛ-ŋai. Dí fé pâi ŋɔ́nɔ kɛ̂i kâloŋ da mu kpaa máŋ díkɛ núu-laa-tuɛ nûu da mu a tãi su kôyaa. Dífe pâi sâla kulâi sɛŋ da kpɛ́ni ma, kpaa máŋ kɔni. Sâla láa soŋ nûu fé pâi tela kɛ̂i díyêei.”

Osia 7:8

Yâwɛɛ è mò ǹyɛɛi, “Eezuɛ a gbîŋ kánaŋ ǹɔii-ŋuŋ kpéli-ŋai dîa. Eezuɛ káa yɛ̂ɛ kpólo nyii dífe niî dínaŋ nii.

Levetekɔ 26:30

Ŋa pâi káɣâla pɔkɔɔŋ-ŋai fɛli kwaa-ŋai ḿâ su karâi, ŋá kákereŋ sãa kúŋ nɛ̃ɛ-ŋai kéreŋ teƃele-ŋai wólo, ŋá kápoma-ŋai pú káɣâla-pɔkɔɔŋ-ŋai mɛi a yao-maa pere.

Maka 5:13

Ŋa pâi dí kpɛtɛ ɣâla-ŋai su karâi da ƃɛ́i díkaa naai. À kɛ̀ tí, dífe pâi ŋɔ́nɔ wɔ́lɔ pɛlɛ̂i díkɔɔ mu.

Zɛfɛnâya 1:5

Ŋa pâi ǹûai kélee su karâi nyii-ŋai da pɛ̂lɛ díŋume ŋá dípɛrɛ-ŋai kɔŋ-ma díkɛ ŋ̀elei su sãai fɛ̂lii. Diai da pɛ̂lɛ díŋume ŋá díkɛ dífòo a ńaai, ǹyaŋ díkɛ ŋɔ́nɔ dífòo a ǹúu-kpɛtɛ ɣâlai Maakɔŋ laai.

Zɛkɛrâya 13:2

Maa ɣêlei tí ŋa pâi zɛŋ da kpɛ́ni-ŋai láa kulâi ǹɔii ma nyii ǹûai da zìɣe a díɣâlai, a gɛɛ núu fé pâi ŋɔ́nɔ gíli ŋá siâi é pîlaŋ dîa. Ŋa pâi ŋɔ́nɔ Ɣâla-ŋɔlóno-kɛ-ƃelai nyii-ŋai kulâi ǹɔii ma da diai nyînaŋ nyɔ́mɔɔ káa díkponôi.

Maafîu 6:24

“Núu tɔnɔ fa pɔ̂ri tíi kɛ̂i nuu-mɛi-ƃela feerɛ dîɛ, kpɛ́ni fêi, a pâi dɔnɔ kpɔarâi é gbélii wɛ́li, kpaa máŋ a pâi kánanîi dɔnɔ ma é ŋ̀ɛi pôlu fé gbélii mì. Káfa pɔ̂ri kɛ̂i Ɣâla yée mu da sɛŋ-kao.

Lûu 16:13

Yée-mu-nuu tɔnɔ fa pɔ̂ri tíi kɛ̂i namu feerɛ mi; kpɛ́ni fêi, a pâi dɔnɔ kpɔarâi, e m̀arâŋ wɛli, à wàla kɛ́ ti, a pâi tɔɔ̂i dɔnɔ pôlu, e m̀arâŋ-nuui kpɔara. Ífa pɔ̂ri tíi kɛ̂i Ɣâla mi da sɛŋ-kao.”

Zĩi 4:4

Núu sã́a fa káa! Káfe gɔlɔŋ a gɛɛ ǹúui a ŋ̀éniɛi kɛ̀ a ŋɔwɛli-kɛ-maa sɛŋ, gáa a Ɣâla kpɔara mɛni? Mɛni ma ǹúui kélee a ŋ̀wɛli a gɛɛ é kɛ́ a ŋ̀éniɛi ŋɔwɛli-kɛ-maa nuui, a gbîŋ kɛ̀ a Ɣâla kpɔara nuu.

Zɔ̂ŋ Maa-ŋuŋ 2:15

Káfe ŋ̀éniɛi wɛ̀li, kpaa máŋ zãâi díkaa ŋ̀éniɛi sui. À kɛ̀ núu da a ŋ̀éniɛi wɛ̀li, Nàŋ-nuui ŋɔwɛli-kɛ-maai fé gbonôi.

Samia Maa-ŋuŋ 5:4

Ɣelei ƃɔ́ɔi, dí dímu sìɣe dí ŋɔ́nɔ gáa toôni Gono-tee Gãlai ŋɛ́i túɛ pere bɛlɛ́ɛ ǹíi ma. Ǹyaŋ dí gàa a gɛ́ɛ díɣâlai ŋuŋ è kɛ̀ a ŋ̀óloɔɔ ǹyee veerɛ dí kɛ̀ a dí ɣale-ɣaleɛɛ díkɛ ƃò toôni gbôŋ lá. Kɛ́lɛ gbono è kɛ̀ a ŋ̀áa pɔriɛɛ gɛ́ ƃò lâani naa.