Osia 1:9 - Ŋ̀âla Kɔlɔ Maa Waai

⁹ Nya ƃe Yâwɛɛ è mò Osia ma ǹyɛɛi, “Ǹáa sée a Loaŋmi, kpɛ́ni fêi Eezuɛ-ŋai dífe a ŋánûa, ńyaŋ fé a Díɣâla.”

Osia 1:9 ပူးပေါင်းရင်းမြစ်များ

Zɛlemaya 15:1

Nya ƃe Yâwɛɛ è mò ḿâ ǹyɛɛi, “Eêi kɛ̀ Mose da Samia dîi kɛ̀ tɔɔ̂ni ŋ́ɛi túɛ, dí kɛ́ ǹûai ŋí maa kpêra-fei kɛ̀, ḿvêi ŋ́gili-ŋa sìa é pîlaŋ ǹûai ŋí dîa. Dí kúla ŋ́ɛi. Ǹɛɛ náa dí lí.

Zɛlemaya 20:3

Bôlu ma ɣelei, Pasiɔ kɛ́ɛ a ŋ́gula ǹyɔlɛi-ŋai, ŋá mò mà ńyɛɛi, “Yâwɛɛ fé ílaa sèe ní a Pasiɔ. Ǹáai a zèe yâi ƃa, ‘Yao Kɛ́tɛ Káa Kwaa Kélee Ma.’

Osia 1:10

É máŋ kɛ́ tí, Eezuɛ-ƃelai da pâi kɛ̂i yɛ̂ɛ Yúo ma ŋãya nyii núu fa pɔ̂ri gɔɔ̂nii, kpaa máŋ é ǹónoi. Ƃɛ́i dí mò naa dîa, “Káfe a ŋánûai,” da pâi dí tôlii naa a “Gɛɣele-ma Ɣalai ǹônii.”

Osia 1:8

Tãi Gomɛ è ǹóŋ nɛnii Loluama tɛ̀ la gbìŋ ŋái, Gomɛ è ŋɔ́nɔ koo sîɣe é lóŋ-surɔŋ maa sɔlɔ ƃó.

Osia 2:23

Ŋa pâi ŋánûai seêi kɛ̂i ma ǹɔii su dí ƃûu ƃó naa. Ŋa pâi Loluama malôŋ kâai, ŋá m̀ó Loaŋmi ma, ká káa a ŋánûa, gɛ̀ ní da pâi m̀ôi dîyɛɛ íkaa a Kúɣâla.”