Osia 1:6 - Ŋ̀âla Kɔlɔ Maa Waai

⁶ Gomɛ è ŋɔ́nɔ koo sîɣe é lóŋ-nɛni maa sɔlɔ ƃó. Yâwɛɛ è mò Osia ma ǹyɛɛi, “Ǹáa sée a Loluama, kpɛ́ni fêi, fé pâi ŋɔ́nɔ Eezuɛ ŋɔpɛ́rɛi malôŋ kâai a gɛɛ ŋá dí su-mɛni lɛɛ.

Osia 1:6 ပူးပေါင်းရင်းမြစ်များ

Kâloŋ Veerɛi 17:20

Gɛ́ɛ tíi, Yâwɛɛ è bôlu fè ǹúui kélee ma kɛ̀ Eezuɛ lɔii sui, è fàa ma díkpɔara-ƃelai dí díyee mɛi ɣále dí díkula-maa kɛ́.

Kâloŋ Veerɛi 17:6

Dí naa yée-mɛi ɣâle a Gâloŋ Osia ŋɔkâloŋ-laa koraŋ ǹɔ́ɔlu mɛi náaŋ. Asiria kaloŋ è Eezuɛ-ŋai sòŋ a kɔ-soŋ-ŋa é lí a dia Asiria lɔii su. È da-ni kɛ̀ dí sée Ala taai su a ŋɔwála-wâla-laai. È gbéli-ŋai kɛ̀ dí sée Abo Ya-leei kɔlɛ Gozaŋ lɔii kpiniŋ su. È gɛ̀ ǹûai kpéli-ŋai dí sée daa-ŋai su ƃɛ́i Midia-ŋai dí kɛ̀ naai.

Azaya 27:11

Ǹaa wuru-ŋai kélee da kpála, díkɛ ɣàle-ɣale. Nɛyâai da lî naa dí kɔi síɣe. Ɣâla nyíi ǹûai ŋí kpɛ̀tɛi, dífe kpáaŋ ní m̀ɛni m̀a. M̀ɛni ma, Ɣâla fé pâi wɔ́lɔ dímalôŋ kâai.

Osia 1:8

Tãi Gomɛ è ǹóŋ nɛnii Loluama tɛ̀ la gbìŋ ŋái, Gomɛ è ŋɔ́nɔ koo sîɣe é lóŋ-surɔŋ maa sɔlɔ ƃó.

Osia 2:23

Ŋa pâi ŋánûai seêi kɛ̂i ma ǹɔii su dí ƃûu ƃó naa. Ŋa pâi Loluama malôŋ kâai, ŋá m̀ó Loaŋmi ma, ká káa a ŋánûa, gɛ̀ ní da pâi m̀ôi dîyɛɛ íkaa a Kúɣâla.”

Osia 2:4

Fé pâi ǹônii malôŋ kâai, kpɛ́ni fêi, díkaa a wulu-wulu kɛ́ nɛnî lônii.

Emɔ 7:8

Nya ƃe è ḿarê kɛ̀ ǹyɛɛi, “Emɔ, lé ƃé ƃa gâai?” Nya ƃe ŋá mò mà, ńyɛɛi, “Sɛŋ-kɔ̂ɔŋ-sɛŋ.” Nya ƃe è mò ḿâ ǹyɛɛi, “Gáa, ŋa sɛŋ-kɔɔŋ-sɛŋ lâai Eezuɛ-ŋai sáma nyii-ŋai díkaa a ŋánûai. Fé pâi ŋɔ́nɔ dísu-mɛni lɛɛ̂i.

Emɔ 9:8

Ŋ̀wala-wala kélee Yâwɛɛ è mò, ǹyɛɛ, ka gáa, Ŋ̀wala-kélee Ɣâla ŋɛ́i káa zɔnyɔ̂ŋ lɔii-ŋuŋ Eezuɛ mɛi, ǹyaŋ ŋa pâi zu karâi ǹɔii su. É máŋ kɛ́ tí, fé pâi Zeeka ŋɔnûai kélee su karâi.

Pitɛ Maa-ŋuŋ 2:10

Tãi da káfe kɛ́ ní a nûa, kɛ́lɛ, ká nâa kɛ́ a Ɣâla ŋɔnûa. Tãi da káfe niî kɛ̀ maloŋ-kaa sɔlɔ ƃo ni. Kɛ́lɛ, ká nâa maloŋ-kaa sɔlɔ ƃó.