Osia 1:4 - Ŋ̀âla Kɔlɔ Maa Waai

⁴ Nya ƃe Yâwɛɛ è mò Osia ma ǹyɛɛi, “Ǹáa sée a Zariɛɛ, kpɛ́ni fêi, nàa kuro a kɛ̀ tí, ŋa pâi tɔ̂ŋ pûi Zewu ŋɔpɛ́rɛi ma ǹûai paa-mɛni ma Zariɛɛ tiŋ-tiŋ su. Ŋa pâi Eezuɛ lɔii su kara-kârai.

Osia 1:4 ပူးပေါင်းရင်းမြစ်များ

Kâloŋ Veerɛi 10:1

Eɣa ǹônii sinaa buu lɔ́ɔlu mɛi feerɛ dí kɛ̀ Sameria. Nya ƃe Zewu è kɔlɔ pɔ̃yɛ é dɛɛ Sameria ǹûai láa-tuɛ-ƃela kpaya-kpayai pɔ́ naa da daa-lêei tí mɛi-ƃela kpaya-kpayai da diai ǹîa-pɛlɛɛi tí dí kɛ̀ díyêei ŋaa-kɔ̂ŋ sui é pɛ́lɛ diai kélee dîa kɛ̀ a dí tɔɔ Eɣa pôlui. È bɔ̃yɛ gɔlɔi su ǹyɛɛi,

Kâloŋ Veerɛi 10:17

Tãi Zewu è sèri la Sameria, è Eɣa ŋɔsuui-su-ƃelai kélee pàa nyii-ŋai lɛ̀ɛ ɣele mai. Mɛnii ŋí kélee è kɛ̀ nɔ́ yɛ̂ɛ berei Yâwɛɛ è wɔ́lɔ mò la ŋɔlóno-kɛ-nuui Ilaiza sârai.

Kâloŋ Veerɛi 15:29

Tãi Pika è kɛ̀ la a kâloŋ Eezuɛ lɔii mɛi, Asiria kaloŋ Tigila Pileza è pà é kɔ́ pɛ́lɛ ma, é daa-ŋai ŋí síɣe, Izɔŋ, Ebɛɛ-bɛ-maaka, Zanoa, Kedɛ da Azɔ. È ǹɔii kpîniŋ-ŋai ŋí sìɣe máŋ, Gilia, Galalii da Nɛfɛtɛli. È Eezuɛ-ƃelai kùla gwaa-ŋai tí ma é lí a dia a kɔ-soŋ-ŋa.

Kâloŋ Veerɛi 15:8

Tãi Zuda kaloŋ Azaria è kɛ̀ la ŋɔkâloŋ-laai su a kóraŋ lɔ́ɔlui, dí Zɛkɛraya kɛ̀ a kâloŋ Eezuɛ. Zɛkɛraya ŋí ǹâŋ láa ƃɛ́ kɛ̀ a Zɛroboaŋ. È kɛ̀ a kâloŋ Eezuɛ lɔii mɛi a ɣáloŋ lɔ́ɔlu mɛi da. Zeɛ́ɛ è kɛ̀ Sameria.

Azaya 7:14

M̀ɛni ma, Ǹuu-namui ǹyaa kpîŋ a pâi ŋɛi-kɛ-maa sîi da kɛ̂i káŋɛi. Nɛnî-kpela tɔnɔ da a pâi koo siɣêi é lóŋ-surɔ̂ŋ maa sɔlɔ ƃó. Da pâi ǹáa seêi a Imayuwɛ.

Azaya 8:3

Nyíŋi pôlu ma, ŋánɛnîi è koo sîɣe é lóŋ-surɔ̂ŋ maa sɔlɔ ƃó. Nya ƃe Yâwɛɛ è mò ḿâ ǹyɛɛi, “Ǹáa sée a Makɔɔ-sala-siba.

Azaya 9:6

Daâ lóŋ maa sɔlɔ ƃó kûɛ! Daâ lóŋ-surɔ̂ŋ tɛ̀ɛ kúpɔ! Ǹyaa ƃé pâi kɛ̂i a kúkâloŋ. Kwa pâi kɛ̂i ma, “Ǹia-woo ƃó-nuu Kɛ́tɛi, Ŋ̀wála-wâla kélee Ɣalai, Ŋ̀wɔ́lɔ-wɔlɔ da Wɔ́lɔ-wɔlɔ Naŋ. Ǹii-sêe Tɛɛ Kâloŋ.”

Zɛlemaya 20:3

Bôlu ma ɣelei, Pasiɔ kɛ́ɛ a ŋ́gula ǹyɔlɛi-ŋai, ŋá mò mà ńyɛɛi, “Yâwɛɛ fé ílaa sèe ní a Pasiɔ. Ǹáai a zèe yâi ƃa, ‘Yao Kɛ́tɛ Káa Kwaa Kélee Ma.’

Zɛlemaya 23:2

M̀ɛnii ŋí ƃé Yâwɛɛ nyíi gáa a Eezuɛ Ŋɔɣâlai è mò é pîlaŋ ǹúu-mɛi-ƃelai dîa nyíi gáa a sɛŋ dí ŋɔnûai mɛi káai ǹyɛɛi, “Káfe ŋánûai mɛi kâai. Ka díkpɛ, ka dítaa-taa. M̀ɛni ma, ŋa pâi kákula ma kɛ̂i m̀ɛni nyɔ́mɔɔ sii ŋí mɛ̂ni ma.

Zɛlemaya 3:8

Tãi ŋá ǹaa kàa lai, ŋá ŋ̀ulu-wulu kɛ́ Eezuɛi lɛ̂ɛ ŋá táa-laa kɔlɔ tɛɛ bɔ́, ŋá dɛɛ pôlu, kpɛ́ni fêi, è wulu-wulu kɛ̀. Kɛ́lɛ ŋɔkáayɔɔi Zuda nyíi vé teniŋ ƃô-nii, vé yao ní a gɛɛ ŋa pâi gula maa kɛ̂i. Ǹyaa máŋ è bôlu tɔ̀ɔ ḿâ, gɛ́ wulu-wulu kɛ̀, é pɛ́lɛ ɣâla da kpɛ́ni-ŋa fɛlîi.

Izikiɛ 23:10

Dí m̀aa kpôloŋ é lɛ́ɛ a gaŋ. Dí ǹônii-sinaai da ǹɛyâai sòŋ ǹyêei. Dí bàa a ƃóa-sɔ̂kpɔ. Ǹɛyâai kɛ̀ kwaa kélee mai díkɛ̀ lônoi é pîlaŋ m̀ɛnii kɛ́ lai mà.

Izikiɛ 23:31

Ítûa nɔ́ yɛ̂ɛ ílîa-nɛnîi. M̀ɛni ma ŋa pâi íkula maa kɛ̂i yɛ̂ɛ berei ŋá gula maa kɛ̂ lai.”

Osia 1:6

Gomɛ è ŋɔ́nɔ koo sîɣe é lóŋ-nɛni maa sɔlɔ ƃó. Yâwɛɛ è mò Osia ma ǹyɛɛi, “Ǹáa sée a Loluama, kpɛ́ni fêi, fé pâi ŋɔ́nɔ Eezuɛ ŋɔpɛ́rɛi malôŋ kâai a gɛɛ ŋá dí su-mɛni lɛɛ.

Osia 1:9

Nya ƃe Yâwɛɛ è mò Osia ma ǹyɛɛi, “Ǹáa sée a Loaŋmi, kpɛ́ni fêi Eezuɛ-ŋai dífe a ŋánûa, ńyaŋ fé a Díɣâla.”

Osia 2:13

Ǹyaŋ ŋa pâi tɔ̂ŋ kpɛ̂i m̀a gúui mɛni ma a gɛ̀ Bêe m̀â dîa gɛ́ m̀aa-ɣiri a m̀aa ɣîri-sãa lɛ́lɛɛ-ŋa, gɛ́ lì ŋɔwɛ́li-ŋai pɔ́ naa, gɛ́ nìa ḿɛni mai.”

Osia 2:22

Ǹɔii a pâi mii-sãa, gbɔmɔ-ƃa kpɔlɔi da ŋ̀úlɔ wuru-ŋai kɛ̂i dí kpɛtɛ dí ƃá, dí Zariɛɛ líi láa.

Osia 9:17

Ŋáɣâlai a pâi díkpɛ̂i, kpɛ́ni fêi, dífe niî díwoli tɔɔ ní ŋ̀óo ma. Da pâi kɛ̂i a pilaŋ gɔ́ɔ ma-ƃela ǹɔii-ŋûŋ-ŋai su.

Emɔ 9:8

Ŋ̀wala-wala kélee Yâwɛɛ è mò, ǹyɛɛ, ka gáa, Ŋ̀wala-kélee Ɣâla ŋɛ́i káa zɔnyɔ̂ŋ lɔii-ŋuŋ Eezuɛ mɛi, ǹyaŋ ŋa pâi zu karâi ǹɔii su. É máŋ kɛ́ tí, fé pâi Zeeka ŋɔnûai kélee su karâi.

Maafîu 1:21

Ǹyaŋ a pâi lóŋ-surɔŋ maa sɔlɔ ƃôi, nyii ya pâi ǹáa seêi a Zîsɛ, kpɛ́ni fêi, a pâi ŋɔnûai ƃâloi dísɔnyɔ̂ŋ yêei.”

Lûu 1:13

Kɛ́lɛ, Ŋ̀âla-taa-kelai e mò ma, ǹyɛɛi, “Zɛkɛraya, ífe yao. Kpɛ́ni fêi, Íɣâla-fɛli-wooi a mɛni. Ínɛnîi Ilesebɛɛ a pâi lóŋ-surɔŋ maa sɔlɔ ƃôi yɛ̂. Ya pâi ǹáa tólîi a Zɔ̂ŋ.

Lûu 1:31

Gáa, ya pâi koo siɣêi, í lóŋ-surɔŋ maa sɔlɔ ƃó, ya pâi ǹáa tólîi a Zîsɛ.

Lûu 1:63

E kɔlɔ-laa mare-kɛɛ kɛ̀ dí dɛɛ bɔ, e bɔ̃̀yɛ, ǹyɛɛ, “Ǹáa ƃa Zɔ̂ŋ.” Díkelee dípɛlɛ e pù.

Zɔ̂ŋ 1:42

E pà la Zîsɛ pɔ. Zîsɛ e gàa e m̀o ma, “Ya ƃa Samaŋ, Zɔ̂ŋ ǹóŋ? Da pâi kɛ̂i yâ Sîfa” (zu-kulai ƃa Kɔni).

Zasua 19:18

Daa-ŋai kɛ̀ naai ƃa: Zariɛɛ, Sesulo, Sunɛŋ,