Osia 1:2 - Ŋ̀âla Kɔlɔ Maa Waai

² Yâwɛɛ è lòno Osia pɔ́i a maa-ŋuŋ. È mò ma ǹyɛɛi, “Lí íwulu-wulu-kɛ nɛni kula a ínɛnî ka ǹyaa ká nîa-pɛlɛɛ maa sɔlɔ ƃó. Ǹîa-pɛlɛɛi da pâi kɛ̂i nɔ́ yɛ̂ɛ dílee. Bere nɔ́ ƃé ŋánûai Eezuɛ-ŋai dí káa la kpɛ́ni fêi, dí káa ɣâla da kpɛ́ni-ŋa fɛlîi yɛ̂ɛ berei núu a wulu-wulu kɛ̀ lai. Da díyee kúla ḿû.”

Osia 1:2 ပူးပေါင်းရင်းမြစ်များ

Kɔlɔnikɔ Veerɛi 21:13

Kɛ́lɛ ya tûa nɔ́ yɛ̂ɛ Eezuɛ kaloŋ-ŋai ǹyaŋ yâ gɛ́ Zuda da Zerusâlɛŋ-ƃelai da tûa yɛ̂ɛ Eɣa ŋɔnûai. Yâ ílêɣe-ni paa da ínâŋ ŋɔkáayɔɔ-ŋai. Ǹûai ŋí tûa-pere è kɛ̀ a ǹɛ́lɛɛ é tɛ́ɛ yâ.

Wule-woo-ŋa 106:39

Dífe kɛ́ ní a díteniŋ ƃôɔɔ Ɣâla mɛni ma. Dí díkpîŋ maa lîƃi a tua pere nyɔ̂ŋ.

Wule-woo-ŋa 73:27

Diai dífe kpáaŋ ní ímaa mɛ̂ni mai, da pâi saa tí-ti ƃôi. Diai dífe teniŋ ƃô níi, ya pâi dísu karâi.

Zɛlemaya 2:13

Kpɛ́ni fêi ŋánûai da sɔnyɔ̂ŋ-sii feerɛ kɛ́: da dípôlu tɔ̀ɔ ḿa, ńyãai ŋ́gaa a vúlu-laa ya-loŋ, da díkpɔɔi-kpɔɔi ya loa tée, nyíi yá fa sêe zui.”

Zɛlemaya 2:20

Ŋ̀wála-wâla kélee Yâwɛɛi è mò ǹyɛɛi, “Tãi su kôyaa yée mu, ká káyee kùla ŋá wála-wala laai mu, ká tɔ́ɔ kákpîŋ yee ma. Ká mò kâai, ‘Ḿve pâi vɛliî,’ kɛ́lɛ tãi ká kɛ̂ ká ɣâla da kpɛ́ni-ŋai fɛliî lai, ka kɛ̂ lɔ-pɔ̂rɔŋ kɛ̂i ǹyée-ŋai ma da ŋ̀úru-ŋai mu, káɣâla mɛni kɛ́ɛ maa-pere su.

Zɛlemaya 2:23

Ka pɔ̂ri kɛ̂i léŋ kâa káfe niî kámaa tĩa kara ní, káfe niî ŋ̀âla-pɔkɔɔŋ Bêe fɛli nii? Ka berei káa kátûai la dìŋ-tiŋ su, ka m̀ɛni-ŋai káa kákaa gɛ̂i. Kákaa nɔ́ yɛ̂ɛ soo-fáleŋ ƃé a kpɔyɛ, gɛ́ kîrɛ sìɣe, gɛ́ tɛ̀, gɛ́ yeŋ.

Zɛlemaya 3:9

Ŋɔwulu-wulu kɛ́ɛi fé kɛ́ ní ŋ̀ɛ́i a sɛŋ-da. M̀ɛni ma è ǹɔii maa tĩ̂a kàra a gɛɛ sɛŋ kɛ́ɛ yɛ̂ɛ kɔni-ŋa da wúru-ŋa fɛli.

Izikiɛ 6:9

Ǹyaŋ diai da pâi liî a dîa kɔ́-soŋ pere sui da pâi díkili-ŋa siai é pîlaŋ ḿâ ǹɔii-ti su ƃɛɛ̂i da pâi kɛ̂i naai. Da pâi gɔlɔni berei ŋá ǹíi ŋwana la dîa é pîlaŋ berei mâ dí dípôlu-tɔɔ la mai a dílii da díŋɛi nyii gɛ̀ ɣâla-pɔkɔɔŋ fɛli mɛ̂ni kɛ́ too díkoi. À kɛ̀ tí, díƃɛlɛ a pâi kpɛɛ̂i díkpîŋ koi ŋwana-lɔ̂ɔ dí gɛi mɛ̂ni ma.

Osia 2:7

A pâi kîrɛ siɣêi ŋɔwɛ́li-ŋai pôlu, kɛ́lɛ vé pâi dísonîi. A pâi díkɔ̂rii, kɛ́lɛ vé pâi díkâai. A pâi m̀ôi ǹyɛɛ, ‘Ŋa pâi liî pôlu ŋásurɔ̂ŋ maa-ŋuŋ pɔ́, kpɛ́ni fêi, ŋá kɛ̀ mɛni lɛ́lɛɛ sɔlɔ ƃôi é tɛ́ɛ tãi ŋí ma.’

Osia 3:1

Yâwɛɛ è mò ḿâ ǹyɛɛi, “Lí í ŋɔ́nɔ ínɛnîi wɛ́li kɛ́ nyii gáa a wulu-wulu kɛ́ nɛnii. Ŋ̀wɛ́li yɛ̂ɛ berei ŋá Eezuɛ-ƃelai wɛ́li-ni lai. Berei máŋ da tínaŋ la díkpɔɔi kpɛtɛ ɣâla-ŋai pɔ́ pere dí kɛ́ kpólo nɛ̃ɛ-ŋa mìi nyii da dɛ̀ɛ díɣâla-ŋai tí pɔi.”

Osia 5:3

Ŋa Eezuɛ kɔ́lɔŋ, va pɔ̂ri ǹoôi ḿâ. Óo Eezuɛ, ƃa wulu-wulu kɛ́, ímaa fé waa ní ḿvɛli mɛni ma.”

Mâki 1:1

Duŋ Lɛ́lɛɛi bîlaŋɔɔi Ɣâla Ǹóŋ Zîsɛ Kôrai mai, gɔ́ɔ pîlanii ká ŋí.

Dutɛrɔnome 31:16

È mò Mose mà ǹyɛɛi, “Yaâ pá liî ínûa pɔlɔ-ŋai pɔ́. Ǹûai ŋí da pâi tínanîi ɣâla da kpɛ́ni-ŋai pɔ́ naa pere. Dia ƃa ŋ̀âla-ŋai nyii-ŋai díkaa ǹɔii su da liî naai. Da pâi díyee kulâi ḿû da gbanaŋ-wooi ŋá gɛ̀ díyêei.

Pitɛ Veerɛi 2:14

Wulu-wulu kɛ́-nɛyaa maa-mɛni káa díkili ŋá a ŋ̀ánaa, sɔnyɔ̂ŋ-kɛɛ fa dílii làa. Diai dílii-pene la nɛɛ̂i, da dílii pène. Sɛŋ-maa lii-teɛɛ maa-tare káa dîɛ a ǹɛ́lɛɛ. Náɣâŋ káa dîa!

M̀ɛni-lɛɛi 17:5

Kili-ŋa-tɛi-laa è kɛ̀ a bɔ̃yɛɛ dôŋ lá. Nyíi zu-kulâi ƃa, “Babelɔŋ kɛ́tɛi, nyíi gáa a ŋwulu-wulu-nɛyaai da ǹɔii su ŋwana-lɔ̂ɔi díleei.”