Nɔŋba 9:8 - Ŋ̀âla Kɔlɔ Maa Waai

⁸ Mose è mò dîa ǹyɛɛi, “Ka ḿaa kpɛ́ŋ ŋa mɛnii mɛ́ni Yâwɛɛ a pâi môi ḿâ é pîlaŋ la kâai.”

Nɔŋba 9:8 ပူးပေါင်းရင်းမြစ်များ

Kɔlɔnikɔ Veerɛi 20:17

Káfe pâi kɔ̂i gɔ́i ŋí su. Katɔɔ kátɔɔ̂i a gbanaŋɔɔ ká gáa berei Yâwɛɛ a pâi káŋuŋ ma ƃôi la káai a Zuda da Zerusâlɛŋ-ƃelai. Káfe yào, kálii fé tòo pôlu. Ka tínaa lí ká tɔɔ díperei. Yâwɛɛ a pâi kɛ̂i ká pôlu.’ ”

Wule-woo-ŋa 25:14

Diai da Yâwɛɛ wóo mɛnii, dia ƃa ŋɔwɛli kɛ́-maa-ƃelai. A tɔ̂ɔ ŋɔkpanaŋ-wooi pôlu díyêei.

Wule-woo-ŋa 85:8

Ŋ́oli tɔɔ̂i Ɣâla Yâwɛɛ ma. A lii-see maa kono tee kɛ̂i kúyêei, à kɛ̀ kwa kúlii pène, kwa pâi zɔlɔ ƃôi.

Ɛsedɔ 14:13

Nya ƃe Mose è mò dîa ǹyɛɛi, “Káfe yào. Ka tɔ́ɔ tɔ̂ŋ ká Yâwɛɛ ŋɔƃálo-laai káa a pâi dɛɛ̂i kápɔ sâai. Kpɛ́ni fêi, Ize-ŋai ŋí ka díkâai sâai, káfe pâi ŋɔ́nɔ wɔ́lɔ díkâai.

Ɛsedɔ 18:15

Nya ƃe Mose è m̀ɔ̂lɔ wóo su tòo ǹyɛɛi, “Kpɛ́ni fêi, ǹûai da pâi ḿbɔ a gɛɛ dí m̀ɛnii kɔ́lɔŋ Ɣâla a ŋ̀wɛ̂lii.

Izikiɛ 2:7

M̀ɛni ma, ŋá worɛ̂-wooi ƃó dîa a nɛ̃ɛ ma dí díwoli tɔ́ɔ kpaa máŋ dífe díwoli tɔɔ ni yâ, kpɛ́ni fêi díkaa a tɔɔ mâ ƃela.

Izikiɛ 3:17

È mò ḿâ ǹyɛɛi, “Núu-kpune ǹóŋ, ŋa ísiɣe a gɛɛ íkɛ a sɛŋ mɛi káa-nuu Eezuɛ-ŋai mɛi. Tãi kélee yâ ńa-woo mɛ̀ni lai a gɛɛ í m̀aa lia-woo ƃó ḿî dîa a gbanaŋɔɔ.

Levetekɔ 24:12

Dí dòo ŋɛi-gao kpɔnɔ ŋá m̀ûui su dí maa kpɛ̂ŋ kɛ́ dí gáa m̀ɛnii Yâwɛɛ a pâi m̀ôi dîa a gɛɛ dí gɛ́ lai.

Nɔŋba 15:34

Dí bù ŋɛ́i-gao kpɔnɔ ŋá, kpɛ́ni fêi, dífe niî kɛ̀ mɛnii kpɛtɛ ní da pɔ̂ri gɛ̂i lai.

Nɔŋba 27:5

Nya ƃe Mose è dímɛnii pù Yâwɛɛ ŋɛ́i.

Nɔŋba 9:7

“Kúmaa fé waa ní, kpɛ́ni fêi, kú lɛ̀ɣɛ saa ma. Kɛ́lɛ lé mɛni ƃé da kúkulâi la kúƃarâai sáma a gɛɛ kwa dîa-ni kúfe kúsama-sɛŋ tɛɛ Yâwɛɛ pɔ́ a dɛɛ-tãi?”

Nɔŋba 9:9

Nya ƃe Yâwɛɛ è mò Mose mà ǹyɛɛi,

Zɔ̂ŋ 17:8

Kpɛ́ni fêi, ŋa ŋ̀óo-ŋai tɛ́ɛ dípɔ nyii í dɛ̀ɛ ḿbɔi, ǹyaŋ da díyee see dímu, da gɔ́lɔŋ a tɔ̃yâ a gɛɛ ŋá kùla íyeêi. Da ŋɔ́nɔ láa la a gɛɛ yá ƃe ńdɛ̀ɛ.

Zɔ̂ŋ 7:17

núu da kélee à ŋ̀wɛli e Ɣâla ǹîa mɛni kɛ́, ǹyaŋ a pâi gɔ́lɔnîi, à kɛ̀ ŋámɛni-lɛɛi a kulâi Ɣâla yêei, kpaa à kɛ̀ ŋ́gaa lônoi a ḿgbɔɔ̂i-wala-wala.

Zia-ƃelai Kɛ́-mɛni-ŋai 20:27

Fé niî kpera ní Ɣâla ŋɔnîa-mɛnii kélee lɛ̂i kâa.

Kɔleŋtiɛŋ Maa-ŋuŋ 11:23

Kpɛ́ni fêi, zɛŋ ŋa dɛ̀ɛ kápɔi, ŋa zɔlɔ ƃô máŋ Kúnuu-namui yêei, a gɛ́ɛ Kúnuu-namui Zîsɛ gbínii dí gɔ̀lɛ lai, è kpólo sìɣe,

Kɔleŋtiɛŋ Maa-ŋuŋ 4:4

Kpɛ́ni fêi, fé mɛni da kélee kɔlɔŋ é pîlaŋ ŋ́gbîŋ ma. Kɛ́lɛ, zu-kulai fa a gɛ́ɛ ḿaa waâi, kɛ́lɛ, ǹúui a ḿaa-mɛni ŋa tèei, ǹyaa ƃa Kúnuu-namui.