Nɔŋba 9:15 - Ŋ̀âla Kɔlɔ Maa Waai

¹⁵ Ŋ̀elei dí Zua kɔlɔ seɣe pɛrɛ maa waai tɔ̀ɔ lai, ŋ̀ele-kɔlɔŋ kolei è mɛ̀i pɛ̀lɛ. É síɣe ɣele-wulii ma é tóo ɣele-wala ma. Ŋ̀ele-kɔlɔŋ kolei è pɛ̀lɛ Zua kɔlɔ seɣe pɛrɛ maa waai mɛi yɛ̂ɛ ŋɔŋ-leŋ.

Nɔŋba 9:15 ပူးပေါင်းရင်းမြစ်များ

Niɛmaya 9:12

Í tɔ̀ɔ ǹûai túɛ ɣele kɔ̂lɔŋ kole kɛ́tɛ su a ɣele ƃɔ́ɔ, í tɔ́ɔ dítuɛ ŋɔŋ lêŋ kɛ́tɛ su a kpíni.

Niɛmaya 9:19

Kɛ́lɛ ífe íyee kula ní dímu vɛ̃ɛ-kpâlaŋ su, kpɛ́ni fêi, í maloŋ-kaai su kɛ̂tɛi. Ífe ŋ̀ele kɔ̂lɔŋ kolei kula ní dímɛi a ɣele-ƃɔɔ, kpaa máŋ í ŋ̀ɔŋ lêŋ líiŋ dîa a gɛɛ dí pɔara berei ma.

Wule-woo-ŋa 105:39

È gɛ̀ ɣele-kɔlɔŋ kole kɛ́ ƃò ŋɔnûai mɛi, ŋɔŋ kɛ́ ƃò dítuɛ pere a kpíni a gɛɛ é kwaa ponoɔɔ tɛ́ɛ dípɔ.

Wule-woo-ŋa 78:14

È gɛ̀ ɣele-kɔlɔŋ kole kɛ́ ƃò dítuɛ gɛ́ díteniŋ tɔ̀ɔ, ǹyaŋ ŋɔŋ lêŋ è kɛ̀ nɔ́ dítuɛ-pere a kpíni kélee.

Ɛsedɔ 13:21

Yâwɛɛ è tɔ̀ɔ dítuɛ a ɣele-ƃɔɔ ɣele-kɔlɔŋ kole su a gɛɛ é berei lɛ́ dîa. É tɔ́ɔ dítuɛ ŋɔŋ-leŋ su a gbínii a gɛɛ é kwaa ponoɔɔ tɛ́ɛ dípɔ. È gɛ̀ tí a gɛɛ díkɛ sía a ɣele-bɔɔ da kpini.

Ɛsedɔ 13:22

Ŋele-kɔlɔŋ kolei è kɛ̀ ŋ̀ele-ƃɔɔi mɛ̂ni ma. Ŋɔŋ-leŋ kɛ́ gbínii mɛ̂ni ma. Dífe kula ní ǹûai túɛ.

Ɛsedɔ 14:24

È kɛ̀ a ɣele-wala pɛpɛ Yâwɛɛ é ŋ̀ɛ́i pìlaŋ ǹɔii ma ŋ̀ele-kɔlɔŋ kolei su da ŋɔŋ-leŋ é Ize kɔ́ kɔ́-ƃelai káa é díkɛ wúlee.

Ɛsedɔ 40:2

“Bɛ́rɛi tɔɔ a ŋáloŋ maa-ŋuŋ ŋɔfóloi maa-ŋuŋ.

Ɛsedɔ 40:34

Ŋ̀ele-kɔlɔŋ kolei è Bɛ́rɛi mɛi pɛ̀lɛ. Ǹyaŋ Yâwɛɛ ŋɔfólo-laai è bɛ́rɛi láa fɛ̀ɛ.

Ɛsedɔ 40:35

Pere fé kɛ́ ní naa a gɛɛ Mose é lɔ́ Bɛ́rɛi mu. Kpɛ́ni fêi, ŋ̀ele-kɔlɔŋ kolei è kɛ̀ nɔ́ Bɛ́rɛi ma da Yâwɛɛ ŋɔfólo-laai.

Ɛsedɔ 40:38

Ziai kélee Eezuɛ-ŋai dí kɛ́ gɛ̂i, Yâwɛɛ è kɛ̀ nɔ́ ŋ̀ele-kɔlɔŋ kolei su Bɛ́rɛi mɛi a ŋ̀ele-ƃɔɔ kélee, ŋɔŋ kɛ́ ƃò ŋ̀ele-kɔlɔŋ kolei su a gbínii kélee.

Azaya 4:5

À kɛ̀ tí, Yâwɛɛ a pâi Zãiyɔŋ Yeei da ǹûai kélee díkaa naai dí mɛi pɛlɛ̂i a ɣele-kɔ̂lɔŋ kole a fólo ŋá. É gɛ́ ŋɔŋ leŋ da luru kɛ́ ƃò naa dí mɛi a gbínii. Ɣâla ŋɔfólo-laai a pâi kɛ̂i ḿɛi gɛ́ daa-lêei gwaa kélee maa kɔ̃ɔ.

Nɔŋba 10:34

Yâwɛɛ ŋɔɣele-kɔlɔŋ kolei è kɛ̀ dímɛi a ɣele-ƃɔɔ tãi da kâa kùla la díƃûui sui.

Nɔŋba 14:14

gɛ̀ ní Ize-ŋai da pâi môi ǹɔii ŋí su-ƃelai dîa. Ǹûai ŋí da mɛni a gɛɛ íkaa kúsama, ǹyaŋ kwa kaa-ni kwa kúkîe-ni kàa í kɛ́ ƃò ɣele-kɔlɔŋ kole su kúmɛi. Ƃa tɔ̂ɔ kútuɛ ɣele-kɔlɔŋ kole su a ɣele ƃɔ́ɔ, íkɛ tɔ̀ɔ kútuɛ ŋɔŋ-leŋ su a kpíni.

Nɔŋba 17:7

Nya ƃe Mose è zia-wûru-ŋai ŋí pù Zua kɔlɔ seɣe pɛrɛ maa waai mu Yâwɛɛ ŋɛ́i-tuɛ.

Kɔleŋtiɛŋ Maa-ŋuŋ 10:1

Ŋánûa, ŋa ŋ̀wɛ̂lii ka gɔ́lɔŋ a gɛ́ɛ kúnâŋ-ni kélee dí kɛ̀ ŋele-kɔlɔŋ kolei mu, díkelee dí tɛ́ɛ ǹyúo-loŋ loai.

Dutɛrɔnome 1:33

nyii tɔ̀ɔ kátuɛ é kwaa ma tɛ̀ɛ kápɔ ká káƃûu-ŋai pú naa, é kwaa ponoɔɔ kɛ́ kátuɛ a kpíni ɣele-kɔ̂lɔŋ kole kɛ́ ƃò kátuɛ a ɣele ƃɔɔi.