Nɔŋba 8:7 - Ŋ̀âla Kɔlɔ Maa Waai

⁷ Berei ƃa pɔ̂ri dímaa waâi lai ǹyaa ká ŋí. Zɔnyɔ̂ŋ su-mɛni-lɛɛ-yai kpɛ́mɛŋ dîa, dí díkɔlɔ-leɣa pú, dí díseɣe-ŋai wáa, dí díkpîŋ maa waa.

Nɔŋba 8:7 ပူးပေါင်းရင်းမြစ်များ

Zɛnɛse 35:2

Nya ƃe Zeeka è mò ŋɔpɛ́rɛi mu-ƃelai dîa da diai kélee kɛ̀ gɔlɛ ǹyɛɛi, “Ka ŋɔ̃ya-ɣala-ŋai píli ká kákpîŋ maa wáa, ká káseɣe-ŋai maa fáleŋ.

Wule-woo-ŋa 51:2

Ŋá ŋwana-lɔ̂ɔ-tuai wáa mî ḿâ, ímaa wáa í ŋ́gula mî ŋásɔnyɔ̂ŋ su.

Wule-woo-ŋa 51:7

Ŋásɔnyɔ̂ŋ wáa ḿâ, gɛ̀ ní ŋa pâi kɛ̂i a ḿaa waa. Ŋ́waa ḿî, gɛ̀ ní ŋa pâi kɛ̂i fôloi yɛ̂ɛ yee-fũa.

Ɛsedɔ 19:10

Yâwɛɛ è mó Mose ma ǹyɛɛi, “Lí ǹûai pɔ́ naa í kpɔ́ŋ dîa dí díkpîŋ kpɛ̀tɛ sâa da tínaa ḿvɛli mɛni ma. Dí díseɣe-ŋai wáa.

Azaya 52:15

Ǹɔii-ŋuŋ-ŋai su-ƃelai lá è kpàla dîa a m̀aa mɛ̂ni, kâloŋ-ŋa lá é kɛ́ nɔ́ kpɔ́ a kili ŋa pû-pere. Da pâi kwaa kâai dí m̀ɛni-ŋai ŋá káa nyíi-ŋai dífe kɛ́ ní a gɔ́lɔŋɔɔi.”

Zɛlemaya 4:14

Zerusâlɛŋ, ye ŋ̀wana lɔ̂ɔ tuai kúla í liî su a gɛɛ í ƃalo-laa sɔlɔ ƃó. Í ŋwana lɔ̂ɔ kili-ŋa-siâi a pâi gɛ̂i í liî su a tãi ɣɛɛlu?

Izikiɛ 36:25

Ŋa pâi yá lɛ́lɛɛ kpɛ́mɛnîi kâa. À kɛ̀ tí, gɛ̀ ní ka pâi kɛ̂i a ká maa-waa. Gɛ̀ ní, ŋa pâi ńyee seêi ká mu. Ŋa pâi ká maa waâi ŋa ká kúla m̀ɛni nyɔ́mɔɔ-ŋai su nyii-ŋai gɛ̀ ká maa fé waa nii. Ŋa pâi ká maa waâi ŋa ká kúla ŋ̀âla da kpɛ́ni-ŋai fɛli mɛ̂ni-ŋai su.

Levetekɔ 15:27

Núui a lɛɣɛ zãai ŋí da mai, maa nuui fé pâi kɛ̂i a maa waa. Fɛ̂ɛ maa nuui é ŋɔseɣei wáa é gbîŋ waa, ǹyaŋ vé pâi kɛ̂i a maa waa é lɛ́ɛ la zu ɣele-wûlii é kɛ́.

Levetekɔ 15:6

Nuui kélee a sêe sɛŋ da mɛi nyii ǹúui ǹyái a kulâi mai è sèe mɛi, fɛ̂ɛ maa nuui é gbîŋ waa da ŋɔseɣei, ǹyaŋ vé pâi kɛ̂i a maa waa é lɛ́ɛ la zu ɣele-wulii é kɛ́.

Levetekɔ 16:28

Ǹúui pâi díkerenii fɛ̂ɛ é ŋɔseɣe-ŋai waa é gbîŋ waa é lɛ́ɛ pâi pâi pôlu m̀ûui su.

Levetekɔ 8:6

Mose è pà a Eelɔŋ da ǹônii gbɔŋ ŋɛ́i-tuɛ é gɛ́ dí díwaa.

Nɔŋba 19:13

Ǹúui kélee a ǹyée pɛ̀lɛ poma ma, kɛ́lɛ va gbîŋ wàa a Yâwɛɛ Ŋɔsua kɔlɔ seɣe pɛrɛ maa waai kàra, fɛ̂ɛ dí maa nuui kúla Eezuɛ-ŋai sáma. Maa fé waa ní-laai a lɛɛ ma é lɛ́ɛ la zu dí ŋwaa a zɔnyɔ̂ŋ-su-mɛni lɛɛ-yai.

Nɔŋba 31:20

Ka zeɣe-ŋai kélee wáa máŋ da zãai kélee gbɛtɛɛ̂i a sua-kɔ̂lɔ, ƃoli-lêɣa kpaa máŋ wúru a gɛɛ dí kɛ́ a dímaa waa Yâwɛɛ ŋ́ɛi.”

Nɔŋba 8:21

Nya ƃe Liiva-ŋai dí díkpîŋ maa waa sɔnyɔ̂ŋ yêei dí díseɣe-ŋai wáa. Eelɔŋ è dítɛ̀ɛ Yâwɛɛ pɔ́ a soŋ-nyee-ŋa sama-sɛŋ é sâla kula dísɔnyɔ̂ŋ su-mɛni lɛɛ mɛni ma.

Ibulu 9:10

Kɛ́lɛ, díkaa nɔ́ mii-sɛŋ mɛni ma, kpele-sɛŋ, da núu-waa-pere sii da kpɛni-ŋa, é pɛ́lɛ núu kpono ŋɔtɔ̂ŋ-ŋai dîa nyíi-ŋai da bù ǹûai dîa é lɛ́ɛ la zu mɛni maa-faleŋ tãi é seri.

Ibulu 9:13

À kɛ̀ ƃoli-ŋãa da niŋa-sirɛ-ŋãa da niŋa-loŋ kɛ́ɛ dí géreŋ dí ǹúu kpɛ́mɛŋ diai dîa dímaa fé waa nii, da pɔ̂ri díkponôi maa waai,

Zĩi 4:8

Ka lɛ̂ɣɛ a Ɣâla, a kɛ̀ tí a pâi lɛɣɛ̂i a káa. Sɔnyɔ̂ŋ-ƃela, ka káyee ŋáwaa. Ka kálii sú kpɛ̀tɛ káai kákili-ŋa-siai ŋáa kɔ́lɛ̂i.

Pitɛ Maa-ŋuŋ 3:21

Batâi, nyíi gáa nɔ́ yɛ̂ɛ m̀ɛnii ŋí, a nâa kámaa wáa, zu-kulâi fa kákponôi líƃi a kpɛ̂ɛ mà, kɛ́lɛ, gáa a kúliɛ Ɣâla pɔ́ a gɛɛ é kúkili-ŋa-siai maa waa Zîsɛ Kôrai ŋɔmu-siɣe saa-yeei sarâi,

M̀ɛni-lɛɛi 7:14

Ŋá mò mà, nyɛɛi, “Ńâŋ, í gɔlɔŋ.” Nya ƃe è mò mà, nyɛɛi, “Diai dí kùla mɛni-kpɔ̂lu kɛ́tɛi sui, dia ká ŋí. Da díyokpo-ŋai wáa da díkole M̀ála-loŋ ŋãai su.