23 Nya ƃe Yâwɛɛ è mò Mose ma ǹyɛɛi,
Nàa pôlu ma, Liiva-ŋai dí lì Zua kɔlɔ seɣe pɛrɛ maa waai mu a gɛɛ dí dítii-ŋai kɛ́ naa Eelɔŋ da ǹônii-sinaai yée mu. Eezuɛ-ŋai dí mɛnii kélee kɛ̀ Liiva-ŋai dîɛ yɛ̂ɛ berei Yâwɛɛ è mò la Mose mai.
“Liiva-ŋai dítii kɛ́-pere ká ŋí. Liiva-nuu kélee nyii ŋɔpɔlɔ-pɔlɔ laa káa é síɣe kóraŋ buu feerɛ káo lɔ́ɔlu ma é lí tuɛ-pere, fɛ̂ɛ é tíi kɛ́ Ŋásua kɔlɔ seɣe pɛrɛ maa waai mu.
