Nɔŋba 8:22 - Ŋ̀âla Kɔlɔ Maa Waai

²² Nàa pôlu ma, Liiva-ŋai dí lì Zua kɔlɔ seɣe pɛrɛ maa waai mu a gɛɛ dí dítii-ŋai kɛ́ naa Eelɔŋ da ǹônii-sinaai yée mu. Eezuɛ-ŋai dí mɛnii kélee kɛ̀ Liiva-ŋai dîɛ yɛ̂ɛ berei Yâwɛɛ è mò la Mose mai.

Nɔŋba 8:22 ပူးပေါင်းရင်းမြစ်များ

Kɔlɔnikɔ Veerɛi 30:27

Zâla-laa-soŋ ƃelai da Liiva-ŋai dí tɔɔ dí lûwa too ǹûai dîa. Ɣâla è dífɛli-wooi mɛ̂ni, kpɛ́ni fêi, è seri kpɔ́ Ɣâla-taa ŋɔmaa waa kwaai ma ƃɛ́i gáa naai.

Kɔlɔnikɔ Veerɛi 31:2

Ɛsekaya è zâla láa-soŋ-ƃelai da Liiva-ŋai ŋáa kɔlɛ a gbulu-ŋa yɛ̂ɛ berei dítii-kɛɛi è kɛ lai. Zala-laa-soŋ ƃelai da Liiva-ŋai díkɛ naa díkɛ kereŋ-sâla da laoi-laa sala kula. Díkɛ naa díkɛ tii kɛ. Díkɛ sɛɣɛ-fei tɛɛ. Díkɛ laa-ma-tɛ wule too Yâwɛɛ ŋɔpɛ́rɛi ŋɔsiɣãŋ-la

Ɛsedɔ 12:50

Eezuɛ-ŋai dí m̀ɛni-ŋai kélee kɛ̀ Yâwɛɛ è mò Mose da Eelɔŋ diai.

Nɔŋba 1:50

Kɛ́lɛ Liiva-ŋai kɛ́ Ŋásua kɔlɔ seɣe pɛrɛ maa waai mɛi da maa-sãa kélee. Dia nɔ́ ƃa pɔ̂ri liî a maa sãa kélee. Ƃɛ́i kélee da lî naai dí bîlaŋ, dí díƃûui tɔ́ɔ dí dínaŋ ma. Dia nɔ́ ƃa pɔ̂ri tíi kɛ̂i mu.

Nɔŋba 8:15

Tãi ƃa Liiva-ŋai maa wàa lai í dítɛɛ ḿbɔ yɛ̂ɛ soŋ-nyee-ŋa sama-sɛŋ, gɛ̀ ní da pɔ̂ri nâa tíi kɛ̂i Zua-kɔlɔ pere maa waai mu.

Nɔŋba 8:21

Nya ƃe Liiva-ŋai dí díkpîŋ maa waa sɔnyɔ̂ŋ yêei dí díseɣe-ŋai wáa. Eelɔŋ è dítɛ̀ɛ Yâwɛɛ pɔ́ a soŋ-nyee-ŋa sama-sɛŋ é sâla kula dísɔnyɔ̂ŋ su-mɛni lɛɛ mɛni ma.

Nɔŋba 8:23

Nya ƃe Yâwɛɛ è mò Mose ma ǹyɛɛi,