Nɔŋba 7:89 - Ŋ̀âla Kɔlɔ Maa Waai

⁸⁹ Tãi Mose è lɔ̀ la Zua kɔlɔ seɣe pɛrɛ maa waai mu a gɛɛ é lóno Yâwɛɛ pɔ́i, è Yâwɛɛ wóo mɛni é kúla gãla lá-tɛ-sɛŋ mɛi-pere ŋâla-taa koôŋ-sɛŋ pɔkɔɔŋ-ŋai loai gɛ́ lòno bɔ́.

Nɔŋba 7:89 ပူးပေါင်းရင်းမြစ်များ

Kâloŋ Maa-ŋuŋ 6:23

È Ɣâla-taa kooŋ-sãa pɔkɔɔŋ feerɛ kpɛ̀tɛ a wúlɔ-wuru loŋpoi zu-pere ŋ̀ɔ́i su. Dɔnɔ ŋɔmɛi kôyaa è kɛ̀ a núu kɔ́ɔ pîlanii puu káo lɔ́ɔlu.

Wule-woo-ŋa 80:1

Íwoli tɔ́ɔ kûa, óo yái ya Eezuɛ mɛi kâa yɛ̂ɛ ƃála mɛi káa-nuui, í Zosɛ ŋɔsuui téniŋ tɔ́ɔ yɛ̂ɛ ƃála mɛi káa-nuu. Íkaa seêni íkâloŋ see-sɛŋ ŋá ŋ̀âla-taa kooŋ-sãai kélee mɛi-pere.

Wule-woo-ŋa 99:1

Yâwɛɛ káa a kâloŋ. M̀ɛni ma, nûa, ka kpɛ̃lîŋ. Gáa ŋɔkâloŋ see-sɛŋ ŋá ŋ̀âla-taa kooŋ-sãai loai, gɛ́ ŋɔnûai mɛi kâa. Tɔɔ ǹɔii é kpɛ̃lîŋ.

Ɛsedɔ 40:34

Ŋ̀ele-kɔlɔŋ kolei è Bɛ́rɛi mɛi pɛ̀lɛ. Ǹyaŋ Yâwɛɛ ŋɔfólo-laai è bɛ́rɛi láa fɛ̀ɛ.

Ɛsedɔ 40:35

Pere fé kɛ́ ní naa a gɛɛ Mose é lɔ́ Bɛ́rɛi mu. Kpɛ́ni fêi, ŋ̀ele-kɔlɔŋ kolei è kɛ̀ nɔ́ Bɛ́rɛi ma da Yâwɛɛ ŋɔfólo-laai.

Levetekɔ 1:1

Yâwɛɛ kɛ́ɛ Ŋɔsua kɔlɔ seɣe pɛrɛi mui, è Mose tòli ǹyɛɛ mai,

Nɔŋba 1:1

Yâwɛɛ è lòno Mose pɔ́ Ɣâla Ŋɔsua kɔlɔ seɣe pɛrɛ maa waai mu Sana Yeei mâ vɛ̃ɛ-kpâlaŋ su. È kɛ̀ góraŋ veerɛi su ŋaloŋ veerɛi ŋɔɣele-kuui m̀aa-ŋuŋ díkulaa Ize lɔii su pôlu ma. È lòno bɔ́ ǹyɛɛi,

Nɔŋba 11:17

Ŋa pâi pâi ŋá lóno naa ípɔ. Mɔ̂leŋ gáa íkponôi ŋa pâi da pûi díkponôi a gɛɛ ǹûai maa mɛni é kɛ́ kâa ka dîa-ni, vé kɛ̀ nɔ́ yá tɔnɔ yâ.

Nɔŋba 12:8

Ŋa lôno bɔ́ a zu ponoɔ yɛ̂ɛ núu à kɛ̀ lônoi marâŋ nuu pɔ́. Fa lóno bɔ́ sáŋ su. A ńinîŋ kàa máŋ. Gɛ̀ ní lé mɛni ƃé káfe yao ní la ńyee mu-nuui Mose ma kákɛ lòno a nyɔmɔɔ é pîlaŋ mai?”

Nɔŋba 8:1

Nya ƃe Yâwɛɛ è mò Mose ma ǹyɛɛi,

Ibulu 4:16

Mɛni ma kwaa lɛ́ɣɛ mɛlɛ-sêe see-sɛŋ kɔlɛ a laa-la a gɛɛ kú maloŋ kâa sɔlɔ ƃó kú ƃɛlɛ-sêe káa kpɔŋ mâa mɛni ma tãi kwa kpɔŋ mâa wɛ̀li lai.

Pitɛ Maa-ŋuŋ 1:12

Ɣâla è ǹɛ dîa a gɛɛ dífe tíi kɛ́ ni díkpîŋ mì, kɛ́lɛ, dí tíi kɛ̀ kâa, mɛni-ŋai sarâi nyíi-ŋai diai Duŋ Lɛ́lɛɛi ƃo kâa M̀ɔlêŋ Maa Waai nyíi kula Ɣâla-taai zarâi. Dí mɛni-ŋai ƃò kâa, ŋ̀âla-taa kela-ŋai díkaa ŋ̀wɛ̂lii kpɔ́ a gbanaŋɔɔ a gɛɛ dí ŋ̀á káa.

Samia Maa-ŋuŋ 4:4

Dí worɛ̂ tɛ̀ɛ Silo a gɛ́ɛ dí pá a Ŋ̀wála-wâla kélee Ɣalai Yâwɛɛ Ŋɔkpanaŋ-woo kɛ́ɛ maa gãlai nyíi kɛ̀ ŋ̀âla-taa kooŋ-sɛŋ pɔkɔɔŋ-ŋai loai. Ǹyaŋ Ilai ǹônii-sinaa feerɛi, Ofini da Fineɣa dí kpɔŋ ḿâa tɛ̀ɛ a gɛɛ dí lí a gãlai.