Nɔŋba 6:27 - Ŋ̀âla Kɔlɔ Maa Waai

²⁷ “Bere ƃé fɛ̂ɛ dí ńaa see la Eezuɛ-ŋai dîa, ńyaŋ ŋa pâi lûwa lâai dîa.”

Nɔŋba 6:27 ပူးပေါင်းရင်းမြစ်များ

Zɛnɛse 32:26

Nalôŋ ǹyɛɛ, “Tɔɔ ŋá lí, kpɛ́ni fêi, ɣele a ƃɔ́.” Kɛ́lɛ Zeeka è mò ma ǹyɛɛi, “Fé pâi ílɛɛ̂i naa í lí, fɛ̂ɛ í lûwa tòo ḿâ.”

Zɛnɛse 32:29

Nya ƃe Zeeka è marê kɛ̀ ǹyɛɛ mai, “Kpera yɛ̂ ílaa lɛ́ mâ.” Kɛ́lɛ è mò ǹyɛɛi, “Ƃa ńaa mare-kɛɛ kɛ̂i lé mɛni ma?” Nya ƃe è lûwa tòo ma nàa.

Samia Veerɛi 7:23

Lɔii-ŋuŋ da fé naa é kɛ́ yɛ̂ɛ Eezuɛ nyíi í zu-ƃela kùla luɛ-laa su í díkɛ a ínûai. Í mɛni kpaya-kpaya támaa kɛ̀ dîɛ. Í díŋuŋ ma ƃò lɔii-ŋuŋ támaa yêei da díɣâla-ŋai.

Kɔlɔnikɔ Maa-ŋuŋ 4:10

Zabɛsi ŋí è wɔ̀lɔ Eezuɛ Ɣalai ma a ɣele tɔnɔ da ǹyɛɛi, “Óo ye lûwa láa ḿâ í ŋálɔii-kpiniŋ su kɛ́tɛ. Ǹɛɛ naa íyee é kɛ́ ḿɛi í ŋ́gula mɛni kpɔ̂lu su a gɛ́ɛ ḿve sɛŋ sôli maa sɔlɔ ƃô.” Nya ƃe Ɣâla è ǹyée sèe ŋɔfɛli-wooi mu.

Kɔlɔnikɔ Veerɛi 7:14

À kɛ̀ ŋánûai nyii-ŋai ńaai seɣeɛɛi diai da dí maa yêŋ dí ɣâla fɛli, dí ŋ́gɔri dí tínaŋ dí dípôlu tɔɔ dí ŋwana lɔɔ tua-ŋai dîa, gɛ̀ ní ŋa pâi lɛɛ̂i Ɣâla-taa ŋá díwoo mɛ́ni ŋá dísɔnyɔ̂ŋ su mɛni lɛɛ, ŋá dílɔii ƃálo.

Wule-woo-ŋa 5:12

Yâwɛɛ, yá ƃa lûwa làa dɔ̃yâ-ƃelai dîa. Ya ƃa dímalôŋ kàa í dímaa kɔ̃ɔ.

Wule-woo-ŋa 67:7

Ɣâla a lûwa láa kûa. Tɔɔ núu kélee é ƃaa kɛ́-maa tɛɛ bɔ́.

Ɛsedɔ 6:3

Ŋá pà Eberaɣɛ̃ɛ pɔ́, Aise da Zeeka yɛ̂ɛ Wála-wala Kélee Ɣala. Kɛ́lɛ fé ŋ́gbîŋ lɛ́ ní dîa a ǹáai nyii gáa a Yâwɛɛ.

Azaya 43:7

Díkaa a ŋánûa. Ŋá díkpɛ̀tɛ a gɛ́ɛ díkɛ laa maa tɛ̂ tɛ̀ɛ ḿbɔ.”

Zɛlemaya 14:9

Lé mɛni ƃé íkaa la yɛ̂ɛ núu ƃé mɛni a kulâi lai, yɛ̂ɛ kɔ-kuluƃa ƃé pɔri fé mì a gɛɛ é kpɔŋ núu mai? Tɔ̃yâ ma, Yâwɛɛ, íkaa kú kɔlɛ ma. Kúkaa a ínûa. Ífe ípôlu tɔ̀ɔ kûa.’ ”

Nɔŋba 23:20

Ɣâla a ŋ́gɛ a gɛɛ ŋa ŋɔlûwai tóo, Mɛni mà fa pɔ̂ri ŋɔlûwa-wooi maa fálenîi.

Maafîu 28:19

Mɛni ma, ka lí ká ǹɔii kélee su-ƃela kɛ́ a m̀bôlu-ƃela, ká díbatâi kɛ́, Ǹâŋ láai sú, da Ǹóŋ láai sú da M̀ɔlêŋ Maa Waai láai sú.

Ifisiɛŋ 1:3

Lûwa é kɛ́ Ɣâla ma nyíi gáa a Kúnuu-namui Zîsɛ Kôrai Ǹâŋ, nyíi a lûwa láa kûa Kôrai kponôi a Ŋ̀âla-lûwai kélee kùla Ɣâla-taai.

Dutɛrɔnome 28:10

À kɛ̀ tí, gɛ̀ ní ŋ̀éniɛi su-ƃelai kélee da pâi gɔ̂lɔnii a gɛɛ ŋɔnûa ƃa káa, ǹyaŋ da pâi yaôi kâa.