Nɔŋba 6:26 - Ŋ̀âla Kɔlɔ Maa Waai

²⁶ Yâwɛɛ é ŋ̀ɛ́i mu siɣe kâa é lii-see tɛɛ kápɔ.

Nɔŋba 6:26 ပူးပေါင်းရင်းမြစ်များ

Wule-woo-ŋa 29:11

Yâwɛɛ a gɛ̀ ŋɔnûai kponôi é kpanaŋ. A lûwa làa dîa lii-see kɛ́ ƃò díyêei.

Wule-woo-ŋa 37:37

Deniŋ ƃô-ƃelai da diai díkaa lii-see su, dímaa kpɛ́ɛ. Ƃa pâi gâai a gɛɛ dísuui su kɛ̂tɛi.

Wule-woo-ŋa 4:6

Núu da-ŋa da kɛ̂ Ɣâla fɛlîi dîyɛɛi, “Óo Yâwɛɛ, ǹɛɛ naa kú mɛni lɛ́lɛɛ sɔlɔ ƃó. Í kúmalôŋ káa.”

Wule-woo-ŋa 42:5

Ŋa malôŋ see ƃôi lé mɛ̂ni ma? Ńii a kɔ́ kɔ̂i lé mɛ̂ni ma? Ŋa pâi ŋ́gili tɔɔ̂i Ɣâla ma, ŋá ǹáa ma tɛ́ ŋɔ́nɔ. Ǹyaa ƃa ŋ́uŋ ma ƃó-nuui da Ŋáɣâlai.

Wule-woo-ŋa 44:3

Ínûai dífe ǹɔii su-ƃelai yée mɛi ɣále ní a díƃoa-sɔkpɔ-ŋai, kpaa máŋ díkpîŋ wala-wala-laai. Kɛ́lɛ yá ƃé gɛ̀ a íwala-wala-laai da íkɛ naa-laai. Íkɛ naai maa laa laai è ǹɛ a gɛɛ í díwɛlini.

Wule-woo-ŋa 89:15

Lûwa káa diai dîa da laa maa tɛ̂ wule-ŋa too yâ díkɛ ífɛ̀lii.

Azaya 26:12

Óo Yâwɛɛ, lûwa láa kúkɛ mɛni kélee dîa díƃûu ƃó. M̀ɛni lɛ́lɛɛ-ŋai kélee kwa zɔlɔ ƃôi da kûla ísɔŋ lɛ̂lɛ tuai su.

Azaya 26:3

Yâwɛɛ, yâ lii-see tɛ̀ɛ diai pɔ́ dí lâai a yá, díkili tɔɔ yâi.

Azaya 57:19

Ŋa lii-sêe tɛ̀ɛ núu kélee pɔ́, diai díkaa kwaa kôyaa mai, da diai dílɛɣɛ̂ɛi a ńyãai. Ŋa pâi ŋánûai ƃâloi. Ńyãa Yâwɛɛ ƃé m̀o tí.

Maka 5:5

ǹyaŋ a pâi pâi a lii-sêe. Tãi Asiria-ŋai da pâi pâi la a gɛɛ dí kúlɔii síɣe, dí kú maa kɔ̃ɔ kwaa-ŋai ma siɣei, kwa pâi núu láa túɛ-ƃela lɔ́ɔlu mɛi feerɛ siɣêi da kɔ́-kaloŋ lɔ́ɔlu mɛi saaƃa dí tɔɔ kútuɛ kú kɔ́ dípɔ.

Lûu 2:14

“Laa-maa-tɛ é tɛ́ Ɣâla pɔ ɣelêi-pere póŋ-póŋ. Lii-see é kɛ́ ǹûai sama ǹɔii ma diai ǹíi lâai dímɛni mai!”

Zɔ̂ŋ 14:27

“Ŋa lii-sêe lɛ̀ɛ káyêei; ŋa ŋálii-sêei tɛ̀ɛ kápɔ; ve yɛ̂ɛ berei ǹɔii a dɛ̀ɛ lai a gɛɛ ŋa dɛ̀ɛ ti kápɔ. Kálii fe kɔ-kɔ, kpaa máŋ ká ǹɛɛ naa é yao.

Zɔ̂ŋ 16:33

Ŋa nyiŋi ƃó kâa a gɛɛ lii-sêe é kɛ́ káyêei ŋ́gbonôi. Ka pâi mɛni-soli kâai ǹɔii su; kɛ́lɛ, ka kálii kpéle, kpɛ́ni fêi, ńyee a tɛɛ ǹɔii ma.”

Zɔ̂ŋ 20:21

Zîsɛ è ŋɔ́nɔ mò dîa, ǹyɛɛi, “Lii-see é kɛ́ káyêei. Berei Ńâŋ-nuu è ńdɛ̀ɛ lai, bere nɔ ƃe ŋa kátɛɛ̂i la.”

Zɔ̂ŋ 20:26

Ɣele-kuu lɔ́ɔlu mɛi saaƃa è tɛ̀ɛ, ŋɔpôlu-ƃelai dí kɛ̀ bɛ́rɛi mu ŋɔ́nɔ. Tama ǹyaŋ è kɛ̀ dísama. Gbôŋ lá è kɛ̀ a dɛ́ɛ, kɛ́lɛ, Zîsɛ è pà é tɔ́ɔ dísama é m̀o dîa, ǹyɛɛi, “Lii-see é kɛ́ káyêei.”

Zia-ƃelai Kɛ́-mɛni-ŋai 10:36

Ŋ̀orɛ̂-wooi è dɛ̀ɛ Eezuɛ-ŋai pɔ́ naai, ƃa lii-sêe maa mɛni ƃóɔɔ Zîsɛ Kôrai sarâi, nyíi gáa a Duŋ Lɛ́lɛɛi. Ǹyaa ƃé gáa a núu kélee ǹâmu.

Zia-ƃelai Kɛ́-mɛni-ŋai 2:28

Ya ŋ̀éniɛi ŋɔperei lɛ́ ḿâ. Íkɛ-naai a pâi ńaa fɛ̂ɛi a lii-nɛ̃ɛ.’

Lomaŋ 15:13

Gili-kɛ-zu Ɣalai é kálaa fɛ́ɛ a líi-nɛ̃ɛ da lii-sêe laa-la su, a gɛ́ɛ kili-kɛ-zu támaa é kɛ́ káyêei M̀ɔlêŋ Maa Waai ŋɔwála-walai sârai.

Lomaŋ 15:33

Nii-see Ɣalai é kɛ́ kákelee kákɔlɛ. É kɛ́ ti.

Lomaŋ 5:1

M̀ɛni ma, tãi nɔ́ Ɣâla a kútoli la a tɔ̃yâ-ƃela laa-la sârai, kwa kúkɛ lii-sêe su kwa Ɣâla-ni Kúnuu-namui Zîsɛ Kôrai sârai.

Ifisiɛŋ 6:23

Lii-see é kɛ́ ŋánûai dîa da laa-la wɛli-kɛ-maa é kúla Kúnâŋ Ɣâla yêei da Kúnuu-namui Zîsɛ Kôrai.

Felepiɛŋ 4:7

Ŋ̀âla-lii-sêei, nyíi dɛɛ̂i táre kélee mai, a pâi kálii mɛi kâai, da kákili, Kúnuu-namui Zîsɛ Kôrai sarâi.

Tɛsɛlôniɛŋ Veerɛi 3:16

Kúnuu-namui nyíi lii-sêe káa ǹyêei ǹyaa kpîŋ é lii-sêe tɛɛ kápɔ a tãi kélee pere sii kélee su. Kúnuu-namui é kɛ́ kákelee kákɔlɛ.