Nɔŋba 6:20 - Ŋ̀âla Kɔlɔ Maa Waai

²⁰ Nàa pôlu ma, zâla láa soŋ-nuui é dítɛɛ Yâwɛɛ pɔ́ a soŋ nyee-ŋa sala. Díkaa a sama-sãa maa waa-ŋa zâla láa soŋ-nuui mɛni ma é pɛ́lɛ m̀ála sii-la ma da ŋ̀wɛrɛ. Nyíŋi pôlu ma, Nazarɛ-nuui a pɔ̂ri ŋwãai kpelêi.

Nɔŋba 6:20 ပူးပေါင်းရင်းမြစ်များ

Ikilisiati 9:7

Kɛ́ ílaa miî a lii-nɛ̃ɛ pere, íkɛ íŋwã̂ai kpêle a koi-nɛ̃ɛ, kpɛ́ni fêi, m̀ɛnii ŋí ƃé a Ɣâla líi làa.

Azaya 25:6

Ŋ̀wála-wâla kélee Yâwɛɛ a pâi kúu kɛ́tɛ kɛ̂i Zãiyɔŋ Yeei ma. A pâi gúui ŋí kɛ̂i ŋ̀éniɛi su-ƃelai kélee mɛni ma. Mii-sãa lɛ́lɛɛ-ŋa da ŋwã̂ai kpanaŋ lɛ́lɛɛ-ŋa támaa da pâi kɛ́i gúui ŋí su.

Azaya 35:10

Da pâi tɛ̂i Zerusâlɛŋ a lii-nɛ̃ɛ su-kɛ́tɛ. Da pâi kɛ̂i wule-ŋa toôi, díkɛ lâɣi a lii-nɛ̃ɛ pere. Da pâi kɛ̂i lii-nɛ̃ɛ kulâi wɔ́lɔ-wɔlɔ da wɔlɔ-wɔlɔ. Maloŋ tôo-maa da lii-too pôlu fé ŋɔ́nɔ pâi wɔ́lɔ kɛ̂i dîa.

Levetekɔ 10:15

Da pâi pâi a zuai ŋ̀wɛ́rɛ da geŋe-la a tãi da kɛ̂ zua wûlɔi tɛɛ̂i la a mii-sɛŋ sama-sɛŋ Yâwɛɛ pɔ́i. Zuai m̀ɛ́i-ŋai ŋí káa a íwɔ̂ ka ínîa-pɛlɛɛi wɔlɔ-wɔlɔ da wɔlɔ-wɔlɔ, yɛ̂ɛ berei Yâwɛɛ è mò lai.”

Levetekɔ 23:11

Ǹyaa ƃé pâi ǹáa serîi ḿâ a gɛɛ ŋá ńyee sée kámu. A pâi ǹáa serîi ḿâ a Vii-tɔɔ-ɣelei pôlu ma ɣelei.

Levetekɔ 7:30

É pá a kéreŋ sâla-sɛŋ Yâwɛɛ pɔ́ a gbɔɔ̂i yee. Maa sala sɛŋ é kɛ́ a daa-tûlɛi ŋ̀úlɔ da geŋe-la nyii gáa a ŋɔsama-sɛŋ gbîŋ-kpiŋ.

Levetekɔ 7:31

Ǹyaŋ zâla láa soŋ nuui a pâi zua wulɔi kérenîi ŋ̀âla-teƃelei ŋá. Zua keŋe-la káa a Eelɔŋ pɔ́ɔ da ǹônii.

Levetekɔ 7:32

Daa-tulɛi láa mii-yee mɛi wɛrɛi tɛ́ɛ máŋ a ísâla sɛŋ gbîŋ-kpîŋ,

Levetekɔ 7:34

Zâla suai keŋe-la káa a zama-sɛŋ gbîŋ, ŋ̀wɛrɛ kɛ̀ ƃò a Eezuɛ-ŋai díwɔ tɛɛ-sɛŋ nyii Yâwɛɛ a gúla Eezuɛ-ŋai yêei a dɛɛ zâla láa soŋ-ƃelai pɔ́i. Zâla sɛŋ m̀ɛi-ŋai ŋí ƃe fɛ̂ɛ Eezuɛ-ŋai dí dɛ́ɛ zâla láa soŋ-ƃelai pɔ́ a tãi kélee.

Levetekɔ 9:21

Kɛ́lɛ è zua keŋe-la-ŋai da dílaa mii yee mɛi wɛrɛ-ŋai tɛ̀ɛ a dísama sâai gbîŋ-kpîŋ Yâwɛɛ pɔ́ a zâla láa soŋ-ƃelai díwɔ mii, yɛ̂ɛ berei Mose è mò lai.

Zɛkɛrâya 10:7

Ǹyaŋ Ifiraŋ a pâi kɛ̀i yɛ̂ɛ kɔ́-kuluƃa wála-wâla, ǹyaŋ dílii a pâi nɛ̃ɛ̂i yɛ̂ɛ berei núu líi a nɛ̃̂ɛ la ŋwã̂ai mai. Mɛnii ŋí a pâi lɛɛ̂i dílônii kíli ŋá, ǹyaŋ dílii a pâi nɛ̃ɛ̂i Yâwɛɛ ŋɔkpɔŋ-mâai mɛni ma.

Zɛkɛrâya 9:15

Ŋ̀wála-wâla kélee Yâwɛɛ a pâi dímaa kɔ̃ɔ̂i, ǹyaŋ da pâi díkpɔara-ƃelai paâi. Ǹyaŋ da pâi ǹûai ŋãa kpelêi yɛ̂ɛ ŋwã̂ai, dílaa é fɛ́ɛ yɛ̂ɛ kawúlu, dímaa é yɔɔ yɛ̂ɛ berei ŋ̀âla-teƃelei zônoŋ su-ŋai díkaa lai.

Zɛkɛrâya 9:17

Tɔ̃yâ ma a pâi kɛ̂i a mɛni lɛ́lɛɛ! Zí-sɛŋ-ŋai da pâi ǹyaŋkpa-ŋai kɛ̂i dí ƃɔlɔ, ǹyaŋ ŋwã̂ai nina é ǹɛyâa-nɛyãai kɛ́ dí ƃɔlɔ.

Nɔŋba 18:18

Díluu káa a ípɔɔ yɛ̂ɛ berei nii-see-salai maa suai geŋe-la káa la a ípɔɔ da ǹáa mii-yee mɛi wɛrɛi.

Nɔŋba 5:25

À kɛ̀ tí zâla láa soŋ-nuui é dólo-sâla-sɛŋ kúla nɛnîi yêei é ǹɛ́ Yâwɛɛ ma é pá la ŋ̀âla-teƃelei ma.

Nɔŋba 6:21

“Nazarɛ-nuui a góno tèe ŋɔtɔ̂ŋ-ŋai ká ŋí. Ŋɔsama-sɛŋ a dɛ̀ɛ Yâwɛɛ pɔ́i é kɛ́ nɔ́ yɛ̂ɛ berei dɔ̂ŋ a mò lai é kúla nyii-ŋai pôlu a pɔ̂ri gɛ̂i. Kɛ́lɛ à kɛ̀ Nazarɛ-nuu a sama-sɛŋ da kpɛ́ni maa-kono-tee kɛ̀ é kúla nyii-ŋai pôlu díkaa dɔ̂ŋ lá-woo mai, fɛ̂ɛ é díŋa-see kɛ́ yɛ̂ɛ berei è mò lai.”

Maafîu 26:29

Kɛ́lɛ, ŋá m̀ó kâa, é síɣe tãi ŋí ma fé pâi gbɔmɔ-ƃa-yai ŋí da kpelêi é lɛ́ɛ la zu ŋ̀elei tí é seri kwaa kâa-ni kwa pâi kúkpelêi la gîe ma a nina Ńâŋ ŋɔkâloŋ-laai sui.”

Mâki 14:25

Tɔ̃yâ ma, ŋá m̀ó kâa, fé pâi ŋɔ́nɔ gbɔmɔ-ƃa yai ŋí da kpelêi, é lɛ́ɛ la zu ŋ̀elei tí é seri, ŋ̀elei ŋa pâi gbelêi la a nína, Ɣâla ŋɔkâloŋ-laai sui.”

Zɔ̂ŋ 19:30

Tãi Zîsɛ è ŋwã̂ai-kponai sɔlɔ ƃò la, è mò, ǹyɛɛi, “Aâ kpɛɛ”. È ŋ̀uŋ ma pìlaŋ é sáa.