Nɔŋba 5:7 - Ŋ̀âla Kɔlɔ Maa Waai

⁷ Fɛ̂ɛ maa-nuui é ŋɔsɔnyɔ̂ŋ ƃó, é maa-fela kɛ́ ǹúui yêei è zɔnyɔ̂ŋ kɛ̀ lai. É tela zɛŋ tí ŋɔfela-fei ŋáa kɔ́lɛ gîei lɔ́ɔlu, é gbua tɔnɔ too ma.

Nɔŋba 5:7 ပူးပေါင်းရင်းမြစ်များ

Wule-woo-ŋa 32:5

M̀ɛni ma, ŋá ŋásɔnyɔ̂ŋ kélee ƃò yâ. M̀ɛni nyɔ́mɔɔ-ŋai ŋa gɛ̀i, fé da lòo ní yâ. Ŋá gbɛ̀tɛ a gɛɛ ŋá gélee ƃó yâ, ǹyaŋ í ńzu-mɛni lɛ̀ɛ.

Táre-woo-ŋa 28:13

Ǹúui a ŋɔsɔnyɔ̂ŋ mɛi pɛ̂lɛi, va mɛni lɛ́lɛɛ sɔlɔ ƃô, kɛ́lɛ ǹúui a ŋɔsɔnyɔ̂ŋ ƃò, gɛ́ bôlu tɔ̀ɔ mài, Ɣâla a m̀alôŋ kàa.

Levetekɔ 26:40

“Kɛ́lɛ kálônii da pâi dísɔnyɔ̂ŋ-ŋai ƃôi da dínâŋ-ni díwɔ̂-ŋai nyii-ŋai ŋ́oo pìli dí tɔ́ɔ ḿâ,

Levetekɔ 26:41

dí gɛ́ ŋá ḿbôlu fé dîɛ ŋá dítɛɛ lɔii ŋuŋ da kpɛni-ŋa su díkpɔara-ƃelai pɔ́i. Gbɛɛ ŋái, kálônii da dílii maa fàleŋ da díyee sèe m̀ɛni kula maai mu dí zɔlɔ ƃò dísɔnyɔ̂ŋ mɛni mai mu,

Levetekɔ 5:15

À kɛ̀ núu da a Yâwɛɛ ŋɔtɔ̂ŋ-ŋai da kàra dɛ̂i pere nyaŋ vé sama-sɛŋ maa waa tɛɛ ní nyii maa nɛ̃ɛi é dɛɛi, fɛ̂ɛ maa ǹúui é pá a ƃála-sirɛ kpaa máŋ ƃoli-sirɛ nyii pɔ́ɔ fé mai. Daa-tulɛi ŋí ƃâa tée Ŋ̀âla-pɛrɛ Kɛ́tɛi ŋɔtɔ̂ŋ lá-wooi ma.

Levetekɔ 5:16

Fɛ̂ɛ é zɛŋ fela-fei kɛ́ nyii vé dɛ̀ɛ ní zâla láa soŋ nuui pɔ́i. É tela zɔ̃ɔ gbua buu feerɛ láa m̀a. Gɛ̀ ní zâla láa soŋ nuui a pâi nuui ŋɔsɔnyɔ̂ŋ waa m̀a salai kulâi a ƃála. A kɛ̀ tí, ŋɔsɔnyɔ̂ŋ su mɛni a pâi lɛɛ̂i.

Levetekɔ 5:5

À kɛ̀ núu da a zɔnyɔ̂ŋ-ŋai ŋí da kɛ̀ maa nuui é fáa ŋɔsɔnyɔ̂ŋ ma,

Levetekɔ 7:7

Dɔ̂ŋ-ŋai ŋí káa zɔnyɔ̂ŋ salai mɛni ma da mɛni kpa kúlaa maa sala. Zâla sãai ŋí kélee káa a zâla láa soŋ nuui pɔ́ɔ nyii a zâlai kula ǹûai mɛni mai.

Nɔŋba 5:8

Kɛ́lɛ à kɛ̀ ǹúui dí zɔnyɔ̂ŋ kɛ̀ lai a sàa, kpaa máŋ ŋɔnúu da fé ma é zɔ́lɔ ƃó, fɛ̂ɛ dí zɔnyɔ̂ŋ tí maa fela-fei tɛ́ɛ ḿbɔ zâla láa soŋ-nuui mɛni ma. Nàa pôlu ma fɛ̂ɛ é ŋɔ́nɔ ƃála-sirɛ tɛ̀ɛ zâla láa soŋ-nuui pɔ́ ŋɔsɔnyɔ̂ŋ su-mɛni lɛɛ maa-sala kula mɛni ma.

Lûu 19:8

Nya ƃe Zakîɛ e mu siɣe e m̀ó Kúnuu-namui ma, ǹyɛɛi, “Gáa, Kúnuu-namui, ŋa pâi ŋ́gɔ̃liŋ gbûra tɛɛ̂i gôlo-ƃelai pɔ; à kɛ̀ ŋà sɛŋ da kula núu ma a wôya-pere, ŋa pâi bɔɔ-too tɛɛ̂i pôlu náaŋ.”

Zasua 7:19

Nya ƃe Zasua è mò Eekãŋ ma ǹyɛɛi, “Ńoŋ, ƃaa kɛ́-maa tɛ́ɛ Eezuɛ Ŋɔɣâlai Yâwɛɛ pɔ́ í dɔ̃yâi ƃó ŋ̀ɛ́i. M̀ó ma mɛnii ƃâa gɛ́i. Ífe ǹoo ma.”