Nɔŋba 5:27 - Ŋ̀âla Kɔlɔ Maa Waai

²⁷ Nɛnîi a ǹyái kpèle, à kɛ̀ a wulu-wulu kɛ́ ŋɔsurɔ̂ŋ yêei, gɛ̀ ní ǹyái a pâi lɔ̂i gbonôi é goi sóli é gbono fɛ́ɛ-fɛɛ é gɛ́ goo kɛ́ kàra. Gɛ̀ ní nɛnîi a pâi kɛ̂i a ŋɛi-kɛ-maa ŋɔnûai sáma wulu-wulu kɛ́ mɛni ma.

Nɔŋba 5:27 ပူးပေါင်းရင်းမြစ်များ

Wule-woo-ŋa 109:18

A naɣaŋ lâa tòo gɔŋ ma yɛ̂ɛ yokpo, tɔɔ gbɔ́ɔi naɣaŋ é maa sêɣe yɔɔ yɛ̂ɛ yá, é yéŋ gâoi yɛ̂ɛ wúlɔ.

Ikilisiati 7:26

Ŋá mɛni tɔ̂nɔ kàa ŋwanâai é tɛ́ɛ saa ma. Nya ƃa surɔ̂ŋ wɛli-nɛni. Surɔ̂ŋ wɛli-nɛnii ŋɔwɛli kɛ́-maai káa yɛ̂ɛ ƃáre. Núu a tòo ŋ̀á a kpîniŋ la yɛ̂ɛ deɣaŋ. Kɛ́lɛ diai da Ɣâla wóo mɛnii, dífe pâi kɔ́i a ŋɔƃárei. Zɔnyɔ̂ŋ-ƃelai nɔ́ ƃé pâi kɔ̂i la.

Azaya 65:15

Diai ŋá dísìɣe zui, da pâi kálaa kɛ̂i a naɣaŋ-sɛŋ. Ńyãai ŋ́gaa a Ŋ̀wála-wâla kélee Yâwɛɛi ŋa pâi ká paâi. Kɛ́lɛ, ŋa pâi láa nina seêi diai da ŋ́oo mɛnii dîa.

Zɛlemaya 24:9

Ŋa pâi mɛni kpɔ̂lu lâai dîa a gɛɛ ŋ̀éniɛi su-ƃelai da dí kâa, dí yao kpɔ́ a ŋánaa. Nûa da pâi ɣɛ́lɛ-maa kulâi díkponôi, dí kɛ́ wóo nyɔ́mɔɔ-ŋa ƃò dîa, dí kɛ́ dílaa kɛ̀ a kpalo-sɛŋ ƃɛ́i kélee ŋa pâi dítaa-tâai naai.

Zɛlemaya 29:18

Ŋa pâi díkpɛ̂i a ƃóa-sɔ̂kpɔ, puru, da kɔlɔ-fela nyɔ́mɔɔ. Ŋa pâi gɛ̂i ŋ̀éniɛi su lɔii-ŋuŋ-ŋai da dí kâa, díla é kpála dîa. Nûa da pâi dísĩ̂a miî a dia, díkɛ ƃò a yao maa-sɛŋ, dí dílaa kɛ́ ƃô a ǹaɣaŋ-laa-sɛŋ.

Zɛlemaya 29:22

Ǹúu feerɛi ŋí mɛni a pâi gɛ̂i gɔ-sôŋ-ŋai kùla Zudai dí kɛ́ dífòo dîyɛɛi, ‘Tɔɔ Yâwɛɛ é tûa a yá yɛ̂ɛ berei è tùa la a Zɛdikaya da Eɣa, nyíi-ŋai Babelɔŋ kaloŋ è wɔ́lɔ díkèreŋ a ŋɔŋ.

Zɛlemaya 42:18

“Eezuɛ Ŋɔɣâlai Yâwɛɛ ǹyɛɛ, ‘Berei nɔ́ ŋá ńii ŋwàna la Zerusâlɛŋ ma a ŋ̀ánaai, bere nɔ́ ƃé ŋa pâi ńii ŋwânai la diai dîa pâi liî Izei. Ka pâi mɛni mĩli mĩliɛɛ-ŋa kâai nyii pâi nûa láa kpâlai dîai. Nûa da pâi kákɛ̂i a ɣɛlɛ-maa sɛŋ, dí kálaa síɣe a kpalo-sɛŋ. Káfe ŋɔ́nɔ pâi gwaai ŋí ma kâai kpɔ́ a dɔnɔ kpîŋ.’ ”

Zɛlemaya 44:12

É máŋ kɛ́ yɛ̂ɛ diai da lɛɛ dí kɛ́ ŋ̀wɛli a gɛɛ dí lí dí sée Izei, ŋa pâi lɛɛ̂i dípôlu ŋá dísu kara. É máŋ kɛ́ a ǹûa kpaya-kpayai kpaa máŋ bɛlɛɛ-pɛlɛɛi, díkelee da pâi saâi Ize lɔii su a puru, kpaa máŋ dílɛɛ kɔ́ su. Da pâi kɛ̂i a ɣɛ́lɛ maa sɛŋ. Nûa lá a pâi kpâlai dîa, díkɛ ɣɛ́lɛ-maa kûla díkponôi, dí kɛ̀ dífoo a dílaa.

Zɛkɛrâya 8:13

Óo Zuda da Eezuɛ-ƃelai! Yɛ̂ɛ berei dí kálaa sìɣe a foo-wôo ǹɔii-ŋûŋ-ŋai sámai, ŋa pâi káƃâloi ká kɛ́ a lûwa ǹûai mɛni ma. Káfe yào, kɛ́lɛ káyee su é kpanaŋ.”

Nɔŋba 5:20

Kɛ́lɛ à kɛ̀ ƃa wulu-wulu kɛ́,

Nɔŋba 5:28

Kɛ́lɛ à kɛ̀ vé wulu-wulu kɛ́ ní maa waâi, gɛ̀ ní mɛni fé ma. A pɔ̂ri lóŋ maa sɔlɔ ƃôi.

Lomaŋ 6:21

Kɛ́lɛ, lé lɛ́lɛɛ ƃe ká zɔlɔ ƃò nyíi-ŋai su maa ŋumɛ̂i káa kâai!? Ǹyaŋ nyiti-ŋai kpɛɛ ŋá nɔ́ ƃa saa.

Kɔleŋtiɛŋ Veerɛi 2:16

Kúkaa a wuru-ya kúŋ nɛ̃ɛ é síɣe saa ma é tóo saa ma ǹúui da-ni mɛni ma. Kúkaa a wuru-ya kúŋ-nɛ̃ɛ é síɣe fulu-laa ma é tóo fulu-laa ma ǹúui kpeli-ŋai mɛni ma. Gbɛ̂ɛ ƃe gbɛtɛɛ̂i mɛni-ŋai ŋí mɛni mai?

Dutɛrɔnome 28:37

Ǹɔii-ŋuŋ ka pâi liî zui, zu-ƃela da kákàa, a pâi kɛ̂i a gúlaa a dia. Ka pâi kɛ̂i nɔ́ yɛ̂ɛ pêle kɛ́-sãa díŋɛi. Da pâi ɣɛlɛ-maa támaa kulâi kákponôi.

Pitɛ Veerɛi 2:10

é téla kɛ́ kpɔ́ a diai da díwoli tɔ̀ɔ tua-pere-nyɔŋ maa-sɛŋ-wɛliɛ ma nyíi a núu kàrai, da diai da díŋɛi nàɣîŋ ǹúu-tuɛ-ƃelai mɛi. Dílii-kpeleɛɛ, díŋuŋ su kpanaŋɔɔ, dífa yao a lóno nyɔ́mɔɔ-kɛɛ é pîlaŋ la Ɣâla ŋɔfólo-laai ma,