Nɔŋba 4:6 - Ŋ̀âla Kɔlɔ Maa Waai

⁶ Nàa pôlu ma dí ƃoli-kɔlɔ pɛlɛ mɛi, dí seɣe buluŋ-kɛɛ pɛ́lɛ bôlu dí ziɣe-wuru kôyaa-ŋai lɔ́ zu.

Nɔŋba 4:6 ပူးပေါင်းရင်းမြစ်များ

Ɛsedɔ 25:10

Gbanaŋ-woo-kɛɛ maa gãlai kpɛ̀tɛ a kpitili-ƃela nyii ŋɔkôyaa é kɛ́ a kɔ́ɔ-ƃɔlɔni náaŋ, ŋɔŋa-kɛtɛ kɛ́ ƃò a kɔ́ɔ-ƃɔlɔnii feerɛ, ŋɔmɛi kôyaa kɛ́ ƃò a kɔ́ɔ-ƃɔlɔnii feerɛi

Ɛsedɔ 35:19

zâla láa soŋ-ƃelai maa ɣîri seɣe lɛ́lɛɛ-ŋai gáa dítii kɛ́-mɛni ma Gwaa Maa Waai mai. Eelɔŋ nyii gáa a zâla láa soŋ-nuui kɛ́tɛi ŋɔseɣe maa waa-ŋai é pɛ́lɛ ǹônii díseɣe maa-waa-ŋai díkaa díɣâla-tii kɛ́-mɛni mai dîa.”

Ɛsedɔ 39:1

Dí seɣe lɛ́lɛɛ-ŋai kpɛ̀tɛ a yee buluŋ kɛ́ɛ, yee kpɔ̂lu m̀u-tɛiɣɛɛ da ƃála-leɣa kpɔ̂lu zâla láa soŋ-ƃelai mɛni ma nyii-ŋai dí doo dîa dítii kɛ́-mɛni ma Gwaa Maa Waai ma. Dí Eelɔŋ ŋɔsâla láa soŋ-seɣe-ŋai kpɛ̀tɛ yɛ̂ɛ berei Yâwɛɛ è nɛ̀ la Mose mai.

Ɛsedɔ 39:41

Dí pà a zâla láa soŋ tii kɛ́-seɣe maa waa-ŋai nyii-ŋai díkaa Eelɔŋ mɛni ma da ǹônii-sinaai. Dí pà a dia dítii kɛ́-mɛni ma Gwaa Maa Waai ma.

Nɔŋba 4:14

Nàa pôlu ma fɛ̂ɛ dí ŋ̀âla-teƃelei maa-tii kɛ́-sãai kélee pú zeɣei ŋí mɛi. Dia ƃa ŋɔŋ-pu-pane-ŋa, sua ƃɔ́-kɔli-ŋa, sɔƃele-ŋa da sɛŋ-folo-ŋa, dí mɛ̀i pɛ́lɛ a ƃoli-kɔlɔ dí ŋiri ziɣe wuru-ŋai dîa.

Nɔŋba 4:25

Fɛ̂ɛ dí lí a Zua kɔlɔ seɣe pɛrɛ maa waai mu-seɣe-ƃelai da Zua kɔlɔ seɣe pɛrɛ maa waai é pɛ́lɛ mɛi pɛlɛ sãai dîa da mála-kɔlɔi nyii gáa mɛi-perei, da Zua kɔlɔ seɣe pɛrɛ maa waai láƃelei-seɣei,

Dutɛrɔnome 31:9

Mose è dɔ̂ŋ pɔ̃yɛ é dɛ̀ɛ zâla láa-soŋ-ƃelai da ǹúu-pɔlɔ-ŋai pɔ́. Zâla láa-soŋ-ƃelai ƃé kɛ̀ a Liiva lonii nyii-ŋai kɛ̀ liî a Yâwɛɛ ŋɔkpanaŋ-woo kɛ́ɛ maa gãlai.