Nɔŋba 4:5 - Ŋ̀âla Kɔlɔ Maa Waai

⁵ “Dí lɛ́ɛ pâi kolônii fɛ̂ɛ Eelɔŋ da ǹônii-sinaai dí lɔ́ Zua kɔlɔ seɣe pɛrɛ maa waai mu dí Gwaa Maa Waai da Gwaa Maa Ŋɔkwaa Maa Waai loai seɣei síɣe dí bɛlɛ gbanaŋ-woo-kɛɛi maa-gãlai mɛi.

Nɔŋba 4:5 ပူးပေါင်းရင်းမြစ်များ

Kɔlɔnikɔ Maa-ŋuŋ 15:15

Nyíŋi pôlu ma, Liiva-ŋai dí lì a Ɣâla Ŋɔkpanaŋ-woo kɛ́ɛ maa Gãlai wúru ma díkâraŋ ŋá yɛ̂ɛ berei Yâwɛɛ è wɔ́lɔ mò la Mose ma a gɛ́ɛ dí gɛ́ lai.

Kɔlɔnikɔ Maa-ŋuŋ 23:26

M̀ɛni ma Liiva-ŋai dífa ŋɔ́nɔ zua-kɔlɔ-seɣe pɛrɛi siɣe kpaa máŋ mu sãa da siɣe dí lí la kpaa máŋ dí tíi tá kɛ́ m̀a.”

Kɔlɔnikɔ Veerɛi 3:14

È seɣe kpɛ̂tɛ a yee buluŋ-kɛɛ da gbɔluɔɔ é bala kpɔ́ nɛnɛ-fɛfɛ é bɔ̃yɛ too yɛ̂ɛ ŋâla-taa kooŋ-sãai. Dí zeɣei ŋí sɛ̀lɛŋ Ŋ̀âla-pɛrɛ Kɛ́tɛi mu.

Ɛsedɔ 36:35

È zeɣei kpɛ̀tɛ a yee buluŋ kɛ́ɛ, yee kpɔ̂lu m̀u tɛiɣɛɛ da ƃála-leɣa kpɔ̂lu. È Ɣâla-taa kooŋ-sãa pɔkɔɔŋ-ŋa kpɛ̀tɛ ma a ǹɛ́lɛɛ.

Ɛsedɔ 40:3

Gbanaŋ-woo kɛ́ɛ maa gãlai nyii gɔni-ƃela-ŋai díkaa zui, zee bɛ́rɛi mu í zeɣei sɛ̂lɛŋ berêi.

Ɛsedɔ 40:5

Géreŋ-sɛŋ kúŋ-nɛ̃ɛ kéreŋ-teƃelei sée gbanaŋ-woo kɛ́ɛ maa gãlai ŋɛ́i-tuɛ í bɛ́rɛi lá-seɣei sɛ̂lɛŋ ǹá.

Azaya 25:7

M̀ɛni-sôlii núu-kpune a tɛɛ̂i zu ŋ̀éniɛi sui, a pâi gɛ̂i gélee mɛni é kperâ gúui ŋí su.

Levetekɔ 16:2

È mò Mose ma ǹyɛɛi, “M̀ó ílîa Eelɔŋ ma a gɛɛ vé pà nɔ́ Gwaa Maa Waai ma nyii zeɣe belai káa sɛlɛnii naa ŋɛ́i tuɛ maloŋ kaa see-sɛŋ ŋɛ́i-tuɛ, nyii gáa see-ni gono-tee gâlai mɛi. Da pâi yenîi maloŋ kaa see-sɛŋ ŋí mai ŋ̀ele kɔlɔŋ kolei su. À gɛ̀ tí a pâi saâi.

Nɔŋba 10:14

Zudasi ŋɔƃûui su-ƃelai ƃé tɔ̀ɔ tuɛ da díƃenâi mu-ƃelai, nyii-ŋai dítuɛ-nuui è kɛ̀ a Aminɛda ǹóŋ Nasuŋ.

Nɔŋba 4:15

Eelɔŋ da ǹônii-sinaai da kpɛ̀ɛ a Zua kɔlɔ seɣe pɛrɛ maa waai maa kpíniŋɔɔ da maa-tii kɛ́-sãai kélee, dí nâa díkpîŋ kpɛtɛ dísiai mɛni ma. Koa ǹônii-sinaai ƃé gáa a sɛŋ dí lí a dia. Kɛ́lɛ maa fé nɛ̃ɛ ní dí lɛ́ɣɛ zãa maa waai dɔnɔ kpîŋ ma. Dà lɛ̀ɣɛ da ma, da pâi saâi. Koa ǹônii-sinaa díwɔ̂ tii ƃa dí Zua kɔlɔ seɣe pɛrɛ maa waai síɣe da maa sãai kélee dí lí a dia ƃɛ́i kélee da lî naai.

Nɔŋba 4:4

Koa ǹônii-sinaai dítii gáa Zua kɔlɔ seɣe pɛrɛ maa waai mui ǹyaa ƃa dí zãa maa waa-ŋai mɛi káa.

Nɔŋba 7:9

Kɛ́lɛ vé sɛŋ da kélee tɛɛ ní Koa ŋɔsuui pɔ́. Kpɛni fêi, dítii ƃé kɛ̀ a gɛɛ dí Zua kɔlɔ seɣe pɛrɛ maa waai mu-sãai síɣe díkâraŋ ŋá.

Maafîu 27:51

Nya ƃe Ŋ̀âla-pɛrɛ Kɛ́tɛi mu-seɣei sú è ƃèla a ḿela feerɛ é síɣe ŋ̀uŋ-tuɛ é yéŋ gwara. Ǹɔii è kpɛ̀liŋ. Gɔni-ŋai dí ƃela.

Dutɛrɔnome 31:9

Mose è dɔ̂ŋ pɔ̃yɛ é dɛ̀ɛ zâla láa-soŋ-ƃelai da ǹúu-pɔlɔ-ŋai pɔ́. Zâla láa-soŋ-ƃelai ƃé kɛ̀ a Liiva lonii nyii-ŋai kɛ̀ liî a Yâwɛɛ ŋɔkpanaŋ-woo kɛ́ɛ maa gãlai.

Ibulu 10:20

da bere ninai da vúlu-laa ninai nyíi è ǹáa ƃo kúmɛni ma zeɣei sarâi, zu-kulai ƃa ŋɔkponoi sarâi,

Ibulu 9:3

Loŋpoi-la-seɣei veerɛi pôlu loŋpoi su-pere ŋɔi káa naa da dòli a Gwaa Maa Waai Ŋɔkwaa Maa Waai.

Samia Maa-ŋuŋ 6:19

Ǹuu-namui Ɣâla è Bɛɛsimɛɛ sinaa buu-lɔ́ɔlu mɛi-feerɛ pàa, kpɛ́ni fêi, dí Ǹuu-namui Ŋɔkono-tee Gãlai su kàa. Malôŋ támaa è tòo Bɛɛsimɛɛ-ƃelai dîa, kpɛ́ni fêi, Ǹuu-namui è núu támaa pàa dísama.