Nɔŋba 4:34 - Ŋ̀âla Kɔlɔ Maa Waai

^34-48 Nya ƃe Mose, Eelɔŋ da Eezuɛ-ŋai túɛ-ƃelai dí Koa ŋɔsuui su ƃelai lòno da Gɛsɔŋ-ŋai é pɛ́lɛ Melali-ŋai dîa, yɛ̂ɛ berei Yâwɛɛ è mò la Mose mai. Dí dílônii-sinaai kélee lòno yɛ̂ɛ berei dísuui káa la da dínâŋ-ni dípɛrɛ-ŋai, nyii-ŋai díkoraŋ káa é síɣe kóraŋ buu saaƃa ma é tóo buu lɔ́ɔlu ma, nyii-ŋai da pɔ̂ri tíi kɛ̂i Zua kɔlɔ seɣe pɛrɛ maa waai mui. Dísuu-ŋai dílaa ká ŋí da dínɔŋba-ŋai. Koa-ŋai díkɛ̀ a wála feerɛ pôlu ŋuŋ lɔ́ɔlu mɛi feerɛ pôlu buu lɔ́ɔlu (2,750). Gɛsɔŋ-ŋai díkɛ̀ a wála feerɛ pôlu ŋuŋ lɔ́ɔlu mɛi-da pôlu buu saaƃa (2,630). Melali-ŋai díkɛ̀ a wála saaƃa, ŋuŋ feerɛ (3,200). Gélee púɔɔ gîe ma è kɛ̀ a wála lɔ́ɔlu mɛi saaƃa, pôlu ŋuŋ lɔ́ɔlu pôlu buu lɔ́ɔlu mɛi saaƃa (8,580).

Nɔŋba 4:34 ပူးပေါင်းရင်းမြစ်များ

Kɔlɔnikɔ Maa-ŋuŋ 23:24

Liiva ŋɔnúu-suui su-ƃelai ká ŋí kɛ̀ yɛ̂ɛ berei díkoli-ŋai díkaa-laa-ŋai díkɛ̀ lai. Dí díkelee dílòno dílaa ma é siɣe kóraŋ buu feerɛ-ƃela dîa é tɛ́ ǹaa mɛi pere. Dí dílɛ̀ a gɛ́ɛ díkɛ a Yâwɛɛ ŋɔpɛ́rɛi lá tii kɛ́-ƃela da-ŋa.

Nɔŋba 1:4

Ka núu tɛi-tɛi kúla dísuu tɛi-tɛi kélee su, nyii-ŋai díkaa dínâŋ-ni dípɛrɛi-ŋai mɛi a gɛɛ dí kpɔŋ kâa.

Nɔŋba 3:27

Koa ŋɔsuui su ƃé Amaraŋ, Iza, Iburɔŋ da Uziɛ dísuui è kùla naa.

Nɔŋba 4:33

Melali ŋɔsuu-ŋai dítii ká ŋí Zua kɔlɔ seɣe pɛrɛ maa waai mu. Fɛ̂ɛ dí díi-ŋai ŋí kɛ́ Eelɔŋ nyii gáa a zâla láa-soŋ-nuu kɛ́tɛi ǹóŋ Itama yée mu.”