Nɔŋba 34:3 - Ŋ̀âla Kɔlɔ Maa Waai

³ Ǹɔii kwára-pere koyaŋ ma a pâi siɣêi Ziŋ fɛ̃ɛ-kpalaŋ ma da Idɔŋ-ŋai dí lɔii koyaŋ ma pere, é síɣe Ǹyúo Saai kperai ŋá vóloi kulai-pere,

Nɔŋba 34:3 ပူးပေါင်းရင်းမြစ်များ

Zɛnɛse 14:3

Nya ƃe ǹûai ŋí kélee dí kòyaŋ Sidiŋ tiŋ-tiŋ su, nyii da dòli a Ǹyúo Saai.

Ɛsedɔ 23:31

Ŋa pâi kálɔii ŋɔkɔyaŋ-perei lɛ̂i é síɣe Ǹyúo Kpɔ̂lui ma é lí Felesia-ŋai dílɔii mâ pere. É kúla vɛ̃ɛ-kpâlaŋ mâ é seri Yufeletii Ya-leei mâ. Ŋa pâi wála-wala tɛɛ̂i kápɔ ǹɔii-namelai mɛi a gɛɛ ká díkpɛ dí kúla káŋɛi.

Izikiɛ 47:13

Ŋ̀wála-wâla kélee Yâwɛɛ è mò ǹyɛɛ, “Ǹɔii-ŋai dígɔyaŋ pere-ŋai ká ŋí nyii ya pɔ̂ri díŋa kɔlɛ̂i ma Eezuɛ nuu-suu púu-kao feerɛi loai. Ǹɔii ŋí gbua feerɛ tɛ́ɛ Zosɛ ŋɔsuui pɔ́.

Izikiɛ 47:8

È mò ḿâ ǹyɛɛ, “Ǹyái ŋí a ɣilînii gɛ́ tɛ̀ɛ vóloi kulâi pere gɛ́ yèŋ Zɔdiŋ Tiŋ-tiŋ-su pere gɛ́ lì Ǹyúo-saai su. Tãi a pâi serîi la Ǹyúo-saai mai, a pâi Ǹyúoi su kpolo yâi maa fáleni é kɛ́ a yá lɛ́lɛɛ.

Nɔŋba 13:21

Nya ƃe ǹûai dí ǹɔii su káa kɔ́ɔ pìlaŋ Ziŋ fɛ̃ɛ-kpalaŋ su-pere dí seri Libɔ, Ama-perei kɔlɛ ma.

Zasua 1:4

É síɣe vɛ̃ɛ-kpâlaŋ su é lí Lɛƃanɔŋ lɔii su é seri ŋɔ́nɔ ǹya-lêe kɛ́tɛi ma nyíi da dòli a Yufeletii Ya-leei, ǹɔii kélee gáa Ita lɔii su é seri Mɛditɛrenia Yuoi ma vóloi lîi-perei, a pâi kɛ̂i a kálɔii-kpîniŋ.

Zasua 3:16

ǹyai è kpèra ɣilînii. Ǹyai nyíi-ŋai kɛ̀ kulai Zɔdiŋ Ya-leei ŋûa-perei è tɔɔ yɛ̂ɛ pɛ́rɛ kâŋ ƃé kwaa kôyaa ma kɛ́ɛ yɛ̂ɛ Adaŋ daa-lêei nyíi gáa Zarɛtaŋ kɔlɛ mai. Ǹyaŋ nyíi kɛ́ yenîi Ǹyúo Saai ma perei, è kpèra Ɣilînii. È kɛ̀ tí, ǹûai dí tɛ̀ɛ Zɛleko kɔlɛ ma.