Nɔŋba 34:2 - Ŋ̀âla Kɔlɔ Maa Waai

² “Mɛni-ŋai ŋí ƃó Eezuɛ-ŋai dîa. Tãi ka lì la Keena lɔii sui, ǹɔii nyii ŋa dɛɛ̂i kápɔ a kápɔɔi, goyaŋ ma-ŋai ka ŋí.

Nɔŋba 34:2 ပူးပေါင်းရင်းမြစ်များ

Zɛnɛse 10:19

Keena-ŋai dílɔii ŋɔsu-kɛtɛ è kùla Sidɔŋ nyii gáa Gera taa-leei ma perei, é seri Geza, Sodɔŋ, Gomora, Adama da Zeƃoliŋ, é seri Lasa.

Zɛnɛse 17:8

Ŋ̀ɔ̃ya lɔii ŋí íkaa mai, nyii gáa a Keena lɔii kéleei, ŋa pâi dɛ̂ɛi ípɔ, ŋá dɛ́ɛ ísuui pɔ́ nyii pâi lɛ̀ɛi ípôlui. A pâi kɛ̂i a kápɔɔ wɔlɔ-wɔlɔ da wɔlɔ-wɔlɔ. Ǹyaŋ ŋa pâi kɛ̂i a Díɣâla.”

Wule-woo-ŋa 105:11

È mò ǹyɛɛi, “Ŋa pâi Keena lɔii tɛɛ̂i kápɔ. A pâi kɛ̂i a kákpɔɔi pɔɔ.”

Ɛsedɔ 23:31

Ŋa pâi kálɔii ŋɔkɔyaŋ-perei lɛ̂i é síɣe Ǹyúo Kpɔ̂lui ma é lí Felesia-ŋai dílɔii mâ pere. É kúla vɛ̃ɛ-kpâlaŋ mâ é seri Yufeletii Ya-leei mâ. Ŋa pâi wála-wala tɛɛ̂i kápɔ ǹɔii-namelai mɛi a gɛɛ ká díkpɛ dí kúla káŋɛi.

Zɛlemaya 3:19

Yâwɛɛ ǹyaa kpîŋ è mò ǹyɛɛi, “Ŋá kɛ̀ ŋ̀wɛ̂lii a gɛɛ ŋá ká síɣe a ǹônii sinaa, ŋá lɔii lɛ́lɛɛ tɛ́ɛ ká pɔ́, nyíi pâi kɛ̂i a ká pɔ́ɔ nyíi pâi kɛ̂i a ǹɛ́lɛɛ é tɛ́ɛ ŋ̀éniɛi su lɔii kélee mai. Ŋá kɛ̀ ŋ̀wɛ̂lii a gɛɛ ká ńdoli a kánâŋ, a gɛɛ káfe ŋɔ́nɔ kùla ḿbôlu.

Izikiɛ 47:13

Ŋ̀wála-wâla kélee Yâwɛɛ è mò ǹyɛɛ, “Ǹɔii-ŋai dígɔyaŋ pere-ŋai ká ŋí nyii ya pɔ̂ri díŋa kɔlɛ̂i ma Eezuɛ nuu-suu púu-kao feerɛi loai. Ǹɔii ŋí gbua feerɛ tɛ́ɛ Zosɛ ŋɔsuui pɔ́.

Izikiɛ 47:14

Ŋá ŋ́gono tèe a gɛɛ ŋá ǹɔii ŋí tɛ́ɛ kánâŋ-ni pɔ́, kɛ́lɛ gáa nâa a ká pɔ́ɔ. M̀ɛni ma, ka ŋ̀áa kɔlɛ a bɔriɛɛ kákîe-ni loai.

Nɔŋba 34:1

Yâwɛɛ è mò Mose ma ǹyɛɛi,

Zia-ƃelai Kɛ́-mɛni-ŋai 17:26

A sîi-ŋa kélee kula koo-ƃɔlɔŋ tɔnɔ su a gɛ́ɛ dí kɛ́ ǹɔii gwaa kélee. A díɣeniɛi kɔyaŋ tèe. A dílɔii-ŋai loai lâa,

Zia-ƃelai Kɛ́-mɛni-ŋai 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Ifisiɛŋ 1:14

M̀ɔlêŋ Maa Waai ƃa nɛ̀ nàa tuɛ a gɛ́ɛ kwa pâi kúpɔɔ-sɛŋ sɔlɔ ƃôi Ɣâla yêei, kú lɛ́ɛ pâi zɔlɔ ƃôi. Mɛni ma kwa ǹáa maa tɛ̂ ŋɔfólo-laai mɛni ma.

Ifisiɛŋ 1:18

a gɛ́ɛ é kákili ŋá pono a gɛ́ɛ ka gɔ́lɔŋ zɛŋ gáa a gíli-kɛ-zui nyíi a kátoli mai da ŋɔfólo-laa pɔɔ-sɛŋ kɛ́tɛi nyíi gáa Ŋ̀âla-ƃelai kponôi,

Zasua 11:23

Nya ƃe Zasua è ǹɔii kélee sìɣe yɛ̂ɛ berei Yâwɛɛ è mò la Mose mai. È ŋ̀áa kɔ̀lɛ Eezuɛ-ŋai dîa yɛ̂ɛ berei dísîi káa lai. Nya ƃe Eezuɛ-ŋai dí nâa kɛ̀ lii-see su.

Zasua 13:1

Zasua è nâa kɛ̀ a bɔlɔɔ a ŋ̀ánaa. Nya ƃe Yâwɛɛ è mò mà ǹyɛɛi, “Yaâ nâa pɔlɔ a ŋ̀ánaa kɛ́lɛ lɔii támaa káa niî naa ziɣe mɛ̂ni ma.

Zasua 21:43

Berei ŋí ƃé Yâwɛɛ è Keena lɔii kélee tɛ̀ɛ la Eezuɛ-ŋai pɔ́ yɛ̂ɛ berei è góno tèe la dínâŋ-ni yêei. Dí nâa gwaai kélee sìɣe dí sée naa.