Nɔŋba 33:4 - Ŋ̀âla Kɔlɔ Maa Waai

⁴ Maa tãi tí ƃé Ize-ŋai dí kɛ̀ dílônii-sinaai maa-ŋuŋ-ŋai saa loôi la nyii-ŋai Yâwɛɛ è dípàai. Bere sii ŋí ƃé Yâwɛɛ è díɣâla-ŋai maa-mɛni ŋá tee la.

Nɔŋba 33:4 ပူးပေါင်းရင်းမြစ်များ

Wule-woo-ŋa 105:36

È Ize lɔii su-ƃelai kélee dílônii-sinaai maa-ŋuŋ-ŋai kélee pàa.

Ɛsedɔ 12:12

“Ŋa pâi tɛɛ̂i Ize lɔii su gwaa kélee a gbínii tí, ŋá nàa ƃelai dílônii sinaai maa-ŋuŋ-ŋai kélee páa. Ŋa pâi Ize lɔii su taa-tulɛ-ŋai dílônii maa-ŋuŋ-ŋai nyii-ŋai díkaa a dísîrɛi paâi máŋ. Ŋâla-ŋai kélee díkaa Ize lɔii sui, ŋa pâi dímɛnii ŋá têei. Ńyãa ƃa Yâwɛɛ.

Ɛsedɔ 18:11

Ŋa nâa gɔ́lɔŋ a gɛɛ Yâwɛɛ kɛ̂tɛi é tɛ́ɛ ŋ̀âla-ŋai kélee ǹûai da kɛ̀ vɛlii dîa. Kpɛ́ni fêi, a ǹûai kula Ize-ŋai yée mu, nyii-ŋai dí díŋɛi nàɣiŋ dímɛi.”

Azaya 19:1

Ŋ̀orɛ̂-wooi ká ŋí bîlaŋɔɔi Ize lɔii mai. Yâwɛɛ a pâi Ize lɔii su. Gáa ŋ̀ele-kɔlɔŋ su vãai su gɛ́ pà a maa félaa. Ize-ƃelai díkpɛtɛ ɣâla-ŋai kélee da pâi toôi gɔ́ɔ mu díkɛ kpɛ̃liŋ. Ǹyaŋ Ize-ƃelai líi a pâi toôi pôlu a ŋ̀ánaa.

Zɛfɛnâya 2:11

Yâwɛɛ a pâi mɛni-kpɔ̂lu lâai ŋɔkpɔara-ƃelai dîa. Tɔ̃yâ ma, a pâi díɣâla-ŋai kélee su karâi ŋ̀éniɛi su. Ǹɔii-ŋûŋ tɛi-tɛi kélee a pâi pɛlɛ̂i gɔ́ɔ mu, dí vɛli díkpɔɔi lɔii-ŋai su tɛi-tɛi.

Nɔŋba 3:13

Kpɛni fêi, dílônii-sinaa maa-ŋuŋ-ŋa kélee díkaa a ḿbɔɔ. Ŋelei ŋá Ize-lonii-sinaa maa-ŋuŋ-ŋai kélee pàa la Ize lɔii sui, ŋá Eezuɛ lonii-sinaa maa-ŋuŋ-ŋai da dítaa-tulɛ-ŋai dílônii maa-ŋuŋ-ŋai sìɣe a ḿbɔɔ. Díkaa a ḿbɔɔ. Ńyãa ƃa Yâwɛɛ.”