Nɔŋba 33:3 - Ŋ̀âla Kɔlɔ Maa Waai

³ Dí kùla Ize lɔii su a góraŋ ŋɔɣáloŋ maa-ŋuŋ ŋɔfólo puu káo lɔ́ɔlu ɣele nyii kɛ̀ a dɛɛ-mɛi-kuui pôlu ma ɣelei. Yâwɛɛ ŋɔkpɔŋ-maai su Eezuɛ-ŋai dí kùla Laŋse-taa-leei su Ize-ŋai kélee ŋɛ́i.

Nɔŋba 33:3 ပူးပေါင်းရင်းမြစ်များ

Zɛnɛse 47:11

Nya ƃe Zosɛ è ǹâŋ da ŋɔnûai tɛ̀ɛ Ize lɔii gwaa lɛ́lɛɛ ma. Nàa ƃé kɛ̀ a Laŋse taa-leei ŋɔlɔii-kpîniŋ su ƃɛ́i è lɔii tɛ̂ɛ naa dípɔ, yɛ̂ɛ berei gâloŋ è mò la mai.

Wule-woo-ŋa 105:38

Díkɛɛ kulâi naai, Ize-ŋai dí kɛ̀ a dílii nɛ̃ɛ, kpɛ́ni fêi, dí kɛ̀ yaôi dîa.

Ɛsedɔ 1:11

Mɛni ma dí díkɛ̀ a luɛ-ŋa. Dí nûa pú dímɛi a gɛɛ dí Pitɔŋ da Laŋse tɔɔ mì, nyii-ŋai kɛ̀ a daa-lee-ŋai ƃɛ́i è mii-sãai ŋá tɛ̀ naa gîe mai.

Ɛsedɔ 12:2

“Ŋáloŋ ŋí a pâi kɛ̂i a góraŋ kɔ́ɔ-pîlanii ɣaloŋ kámɛni ma. A pâi kɛ̂i a ŋáloŋ maa-ŋuŋ kámɛni ma góraŋ su.

Ɛsedɔ 12:37

Nya ƃe Eezuɛ-ŋai dí kùla Laŋse dí lí Sukɔ. Núu kɛ́ɛ yɛ̂ɛ núu wála ŋuŋ lɔ́ɔlu mɛi da (600,000) ƃé kɛ̀ siâi díkɔɔ ŋá é kúla nɛyâai da nîa-pɛlɛɛi pôlu.

Ɛsedɔ 13:4

Kákaa kulâi Ize lɔii su sâa ká lí Abi-ɣaloŋ ŋí su.

Ɛsedɔ 14:8

Yâwɛɛ è gâloŋ líi su kpànaŋ gɛ́ Eezuɛ-ŋai kpɛ́. Kɛ́lɛ Eezuɛ-ŋai dí kɛ̀ liî Yâwɛɛ ŋɔwála-wala-laai su.

Azaya 52:12

Káfe pâi kulâi naa a kîrɛ lônii ma, kpaa máŋ ká kɔ́ a gɛ́ɛ ká pú. Káɣâlai Yâwɛɛ a pâi tɔɔ̂i kátuɛ. Eezuɛ Ŋɔɣâlai ǹyaa kpîŋ a pâi kámɛi kâai.

Maka 2:13

Yâwɛɛ a pâi berei kulâi a dîa é díkula luɛ-laa su. A pâi ziɣãŋ wôloi díperei dí tɛ́ɛ. Yâwɛɛ ǹyaa kpîŋ ƃé pâi kɛ̂i a díkâloŋ, gɛ́ ƃò dítuɛ.

Nɔŋba 33:2

Mose è gwaa-ŋai ma láa pɔ̃yɛ tɛi-tɛi ƃɛ́i dí díƃûu-ŋai pù naai yɛ̂ɛ berei Yâwɛɛ è mò la mai.