Nɔŋba 33:2 - Ŋ̀âla Kɔlɔ Maa Waai

² Mose è gwaa-ŋai ma láa pɔ̃yɛ tɛi-tɛi ƃɛ́i dí díƃûu-ŋai pù naai yɛ̂ɛ berei Yâwɛɛ è mò la mai.

Nɔŋba 33:2 ပူးပေါင်းရင်းမြစ်များ

Ɛsedɔ 17:14

Nya ƃe Yâwɛɛ è mò Mose mà ǹyɛɛi, “M̀ɛnii ŋí pɔ̃yɛ kɔlɔ ma a gɛɛ é lɛ́ɛ kákili ŋá í m̀ó Zasua ma a gɛɛ ŋa pâi Amɛlɛka-ŋai dísuui kélee su karâi ŋ̀éniɛi su.”

Nɔŋba 10:13

Dí dísiai maa-ŋuŋ kùla yɛ̂ɛ berei Yâwɛɛ è mò la Mose mai.

Nɔŋba 10:6

Da dúru-woo su-kpuâai ŋí mɛ̀ni a veerɛ ɣelei, fɛ̂ɛ dí m̀ûu-ŋai kolôŋ nyii-ŋai díkaa nàa kwára-perei. Bere ƃé fɛ̂ɛ m̀ûu-ŋai kolôŋ turu-wooi é kɛ́ la a gbua-kpuaa.

Nɔŋba 33:1

Eezuɛ-ŋai díƃûu-ŋai láa ká ŋí é síɣe tãi ma dí kùla la Ize lɔii su. Mose da Eelɔŋ ƃé kɛ̀ dítuɛ.

Nɔŋba 33:3

Dí kùla Ize lɔii su a góraŋ ŋɔɣáloŋ maa-ŋuŋ ŋɔfólo puu káo lɔ́ɔlu ɣele nyii kɛ̀ a dɛɛ-mɛi-kuui pôlu ma ɣelei. Yâwɛɛ ŋɔkpɔŋ-maai su Eezuɛ-ŋai dí kùla Laŋse-taa-leei su Ize-ŋai kélee ŋɛ́i.

Dutɛrɔnome 1:2

É síɣe Sana Yeei ma é tɛ́ɛ Sɛ̂ɛ yeei ma pere gɛ́ lì Kedɛ Bania káa a fólo puu káo tɔnɔɔ sia kɛ̂i.

Dutɛrɔnome 10:11

È mò ḿâ ǹyɛɛi, ‘Lí, íkɛ ǹûai túɛ é lɛ́ɛ la zu dí seri ǹɔii su ŋá ŋ́gono tèe la dínâŋ-ni yêei.’