Nɔŋba 32:7 - Ŋ̀âla Kɔlɔ Maa Waai

⁷ Lé mɛni ƃé ka ŋ̀wɛ̂lii ká Eezuɛ-ŋai líi tóo la pôlu a gɛɛ dí ǹyái tíyeŋ dí ǹɔii síɣe nyii Yâwɛɛ è dɛ̀ɛ dípɔi?

Nɔŋba 32:7 ပူးပေါင်းရင်းမြစ်များ

Nɔŋba 13:27

Dí mò Mose mà díyêei, “Kú lì ǹɔii su í kú tɛ̀ɛ naai. Gáa a sí-sɛŋ kpɛtɛ-lɔii lɛ́lɛɛ. Zu si-sãai da ká ŋí.

Nɔŋba 13:31

Kɛ́lɛ diai da Kelɛ-ni dí lìi, dí mò ǹûai dîa díyɛ̂ɛi, “Kúfa pɔ̂ri kɔ̂i ǹûai pɔ́. Kpɛni fêi, díwala-walai é tɛ́ɛ kûa.”

Nɔŋba 13:4

Maa-ƃelai láa ká ŋí. Zakɔ ǹóŋ Samua è kùla Lubiŋ ŋɔsuui su Ori ǹóŋ Safa é kúla Simiɔŋ ŋɔsuui su. Zefunɛ ǹóŋ Kelɛ é kúla Zudasi ŋɔsuui su. Zosɛ ǹóŋ Iga é kúla Isaka ŋɔsuui su. Nuŋ ǹóŋ Osia è kùla Ifiraŋ ŋɔsuui su. Lafu ǹóŋ Pati é kúla Bɛŋsima ŋɔsuui su. Sɔdi ǹóŋ Gadiɛ é kúla Zɛbulɔŋ ŋɔsuui su. Susi ǹóŋ Gadi é kúla Manasɛ ŋɔsuui su nyii kùla Zosɛ ŋɔsuui sui. Gemali ǹóŋ Amiɛɛ é kúla Daŋ ŋɔsuui su. Makɔɔ ǹóŋ Sɛtu è kùla Asɛ ŋɔsuui su. Vosi ǹóŋ Nabi é kúla Nɛfɛtɛli ŋɔsuui su. Mâki ǹóŋ Gɛuɛ é kúla Gâa ŋɔsuui su.

Nɔŋba 21:4

Dí kùla Ɔ̂ɔ yeei ma dí tɛ́ɛ Ǹyúo Kpɔ̂lui ma-pere a gɛɛ dí Idɔŋ lɔii maa láa. Ǹûai líi è tòo pôlu berei ma.

Nɔŋba 32:6

Kɛ́lɛ Mose è mò Gâa da Lubiŋ dísuui su-ƃelai dîa ǹyɛɛi, “Ka ŋ̀wɛ̂lii ka lɛ́ɛ ƃɛ́ kánûai kpéli-ŋai dí lí gɔ́i ma ǹyái pôlu?

Nɔŋba 32:9

Tãi dí sèri la Ɛsekɔ tiŋ-tiŋ sui dí ǹɔii káai, dí Eezuɛ-ŋai líi tòo pôlu a gɛɛ dífe lì ǹɔii su Yâwɛɛ è dɛ̀ɛ dípɔi.

Zia-ƃelai Kɛ́-mɛni-ŋai 21:13

Kɛ́lɛ Pɔ̂ɔ è kúwoo su too, ǹyɛɛi, “Lé ƃé kákaa wɔ̂lɔi kákɛ ńii solii? Ŋ́gbîŋ fé kpɛtɛ ní nɔ́ a gɛ́ɛ dí ŋíri, kɛ́lɛ, ŋ́gbîŋ kpɛtɛ̂ɛi a gɛ́ɛ máŋ ŋá sáa Zerusâlɛŋ Kúnuu-namui Zîsɛ láai mɛni ma.”

Dutɛrɔnome 1:28

Mí ƃé kwa pɔ̂ri liî naai? Kúkpɔɔi-ƃelai da gɛ́ kúlii a too pôlu, dí kɛ́ mò dîɛ ǹûai yée-laa-mu seɣɛɛi, díwala-walaa, dítaa lêe-ŋai kpaya-kpayai dímaa tínaŋɔɔ a siɣãŋ dɛ́ɛ ŋ̀ele-kɔ̂lɔŋ su. Anakiŋ-ŋai dílônii díkaa naa.’