Nɔŋba 32:3 - Ŋ̀âla Kɔlɔ Maa Waai

³ Dí mò dîa dîyɛɛi, “Ataro, Dibɔŋ, Zazɛ, Nimira, Ɛsibɔŋ, Ilealɛ, Sima, Nibo da Beɔŋ lɔii,

Nɔŋba 32:3 ပူးပေါင်းရင်းမြစ်များ

Niɛmaya 9:22

“É kúla nyíti pôlu, í gɛ̀ dí kâloŋ-ŋa yée mɛi ɣále, dí dílɔii ŋuŋ-ŋai síɣe. Dí Ɛsibɔŋ lɔii mɛi Kâloŋ Siɔŋ yée mɛi ɣâle da Basãŋ lɔii mɛi Kaloŋ Oŋ. Í gâloŋ-ŋai ŋí dílɔii kélee tɛ̀ɛ dípɔ.

Azaya 15:6

Niŋriŋ ya ɣɛli-pɛlɛ-pɛlɛɛi dí kpàla, gala-ŋai kélee dí fãya. Kala ŋûnu da fé lɛ̀ɛ ní naa.

Zɛlemaya 48:1

M̀ɛnii ŋí ƃé Ŋ̀wála-wâla kélee Yâwɛɛ è mò é pîlaŋ Môa ma ǹyɛɛi, “Kpalo ƃêlaai Nibo-ƃelai dîa, dítaai a wólo! Da Kiliataiŋ soŋ, da ŋɔtaa-lêe tɔɔi kpanaŋɔɔi wólo, da ŋɔnûai ŋumɛ.

Zɛlemaya 48:2

Ƃâa fé ŋɔ́nɔ Môa ma. Ɛsibɔŋ ŋɔkpɔara-ƃelai da naa siɣe da mɛni kpɛtɛɛ kɛ́ a gɛɛ dí Môa lɔii su-kara. Káai a ƃoo-ƃelai, ká-taai su a pâi kɛ̂i tɔ̀ŋ. Kɔkuluƃa-ŋai da pâi tɛ̂i naa.

Zɛlemaya 48:32

Ŋa pâi wɔ̂lɔi diai kùla Simai dímɛni ma, ŋá wɔ́lɔ a ŋ̀ánaa Zazɛ-ƃelai mɛ̂ni ma. Sima taa-leei, íkaa yɛ̂ɛ kpɔmɔ nyíi ŋ̀owo a lí Ǹyúo Saai pôlu pere a seri kpɔ́ Zazɛ. Kɛ́lɛ, ífolo lá ƃóɔɔ ƃai da íkpɔmɔ ƃai kélee kpɔ́ su a kara.

Zɛlemaya 48:34

“Ɛsibɔŋ da Ilealɛ-ƃelai da wɔ̂lɔi kpɔ́ a ŋ̀ánaa. Díwɔlɔ-wooi a seri kpɔ́ Zaɣa. Zoa-ƃelai da dílaɣi-wooi mɛnîi. Ǹûai díkaa Oronaiŋ da Igila Silisiya dí dílaɣi-wooi mɛ̂ni. M̀ɛnii ŋí kɛ́ɛi, Niŋriŋ ya-ɣɛli-ŋai da kpála.

Zɛlemaya 48:45

Gɔ-pû-ƃelai nyíi-ŋai pɔri mâa fé kɛ́ ní dîɛi, dí lì dí tɔ́ɔ Ɛsibɔŋ koo mu. Ɛsibɔŋ ŋí ƃé kɛ̀ a daa-lêei Siɔŋ è wɔ́lɔ kɛ̀ naa mɛi. Dífe pɔri ní kɛ̀ tɛ̂i daai su, kpɛ́ni fêi, ŋɔŋ è kɛ̀ daai ma. Ŋɔŋ è ǹɔii ŋɔkɔyɛŋ-perei kêreŋ da ǹyée tôŋ su nyíi Môa-ŋai kɛ̀ a kɔ́ mɛni wɛ́liɛɛi dí kɛ̀ a díseɛɛ naai.

Izikiɛ 25:9

Ŋa pâi ŋɔgɔyɛŋ pere-ŋai mâ láa ƃôi díkpɔara-ƃelai dîɛ. Díkpɔara-ƃelai da pâi dítaa-lêe lɛ́lɛɛ-ŋa kɛ́ɛ yɛ̂ɛ Bɛɛ-zɛsimɔ, Bêe-meoŋ da Kiliataiŋ sonîi díyêei.

Nɔŋba 21:28

Siɔŋ ŋɔkɔ́ kɔ́-ƃelai dí wɔ́lɔ kùla Ɛsibɔŋ taa-leei ŋí su dí lí yɛ̂ɛ ŋɔŋ, Dí Âa taai su kàra Môa lɔii su, Dí Ano Ya-leei ŋua-pere su kàra.

Nɔŋba 21:30

Ŋɔsuui su è pù é síɣe Ɛsibɔŋ é lí Dibɔŋ. É síɣe Nasiŋ é tóo Nofa nyii gáa Mɛdeba kɔlɛ mai.”

Nɔŋba 21:32

Nya ƃe Mose è mɛni maa-kpɛɛ-ƃela tɛ̀ɛ Zazɛ-taai su. Dí daai ŋí sìɣe da gɔlɛ ma taa-ŋai, dí Amɔra-ŋai kɛ̀ daa-ŋai tí sui kélee kpɛ́.

Nɔŋba 32:1

Lubiŋ da Gâa dísuui su-ƃelai, taa-tûlɛ támaa è kɛ̀ díyêei. Tãi dí Zazɛ da Gilia lɔii kàa la a lɔii lɛ́lɛɛ taa-tulɛ tɔɔ-mɛni mai,

Nɔŋba 32:2

dí lì Mose da zâla láa-soŋ-nuui Ilieza pɔ́ é pɛ́lɛ Eezuɛ-ŋai túɛ ƃelai kpéli-ŋai dîa.

Zasua 13:17

é tóo Ɛsibɔŋ da ǹaa taa-leei kélee kɛ̀ díŋ-tiŋ sui ma. Ǹɔii è lì Dibɔŋ, Bamo-bêe, Bɛbêe-miɔŋ,

Zasua 13:19

Kiliataiŋ, Sima, Zeresara Yeei ma tiŋ-tiŋ su,

Zasua 21:39

Ɛsibɔŋ da Zazɛ. Dí daa lêe-ŋai ŋí tɛ̀ɛ dípɔ da dítaa tûlɛ-ŋai láa mii kwaa ma.

M̀ɛni-sâa Ƃó-ƃelai 11:26

Eezuɛ-ŋai kɛ́ɛ da Ɛsibɔŋ, Aroɛ, ǹaa kɔlɛ ma taa-ŋai da Ano Ya-leei kɔlɛ ma taa lee-ŋai síɣei, dí see naa díkɛ ƃò naa a kɛ́ a kóraŋ ŋuŋ saaƃa (300). À kɛ̀ ǹɔii ŋí káa a ípɔɔ, lé ƃé kɛ̀ ífe niî ǹaa kula ní díyêei góraŋ su kôyaai tí yée mui?