Nɔŋba 32:29 - Ŋ̀âla Kɔlɔ Maa Waai

²⁹ “À kɛ̀ Gâa da Lubiŋ dísuui su-ƃelai, diai kélee díkpɛtɛɛ̂i gɔ́i mɛni ma Yâwɛɛ ŋɛ́i-tuɛi, ka dîa-ni ka ǹɔii sîɣe, gɛ̀ ní ka Gilia lɔii tɛ́ɛ dípɔ a dípɔɔ.

Nɔŋba 32:29 ပူးပေါင်းရင်းမြစ်များ

Nɔŋba 32:17

Gɛ̀ ní kwa pâi kɛ̂i a kúkpɛtɛɛ a gɛɛ kú lí gɔ́i ma Eezuɛ-ŋai túɛ é lɛ́ɛ la zu kú pá a dia ǹɔii ma nyii pâi kɛ̂i a dípɔɔi. Kúnûai diaŋ da pâi lɛɛ̂i ƃɛ́ daa-ŋai su nyii-ŋai kú siɣãŋ tɔɔ dîa kúnɛyâai da kúlônii mɛni mai.

Nɔŋba 32:28

Nya ƃe Mose è mɛ̀ni-ŋai ŋí ƃò zâla láa-soŋ-nuui Ilieza ma da Nuŋ ǹóŋ Zasua é pɛ́lɛ Eezuɛ-ŋai dísuui láa-tuɛ-ƃelai dîa ǹyɛɛi,

Nɔŋba 32:30

Kɛ́lɛ à kɛ̀ ka dîa-ni kà wàla ǹyái tíyeŋ a gɛɛ ka dîa-ni ká gɔ́i kɔ́, gɛ̀ ní da pâi díwɔ lɔii sɔlɔ ƃôi Keena lɔii su kásama.”

Zasua 12:6

Yâwɛɛ yée mu nuui Mose da Eezuɛ-ŋai dí gâloŋ feerɛi ŋí yée mɛi ɣâle. Mose è dílɔii ŋáa kɔ̀lɛ Lubiŋ, Gâa, da Manasɛ ŋɔsuui su-ƃelai kpéli dîa.

Zasua 13:11

Ǹɔii è Gilia lɔii sîɣe, Gɛsɔ-ŋai dílɔii, Maaka-ŋai dílɔii, Ɛmɔŋ Yeei ma lɔii kélee da Basãŋ-ŋai dílɔii é tóo Saleka lɔii ma.

Zasua 14:3

kpɛ́ni fêi, Mose è ǹúu su feerɛ da gburai díwɔ̂ lɔii tɛ̂ɛ dípɔ Zɔdiŋ Ya-leei pôlu vóloi kulâi-pere. Kɛ́lɛ vé ǹɔii da tɛ̀ɛ ní Liiva-ŋai pɔ́.

Zasua 18:7

Fé ǹɔii da tɛ̀ɛ ní Liiva-ŋai pɔ́, kpɛ́ni fêi, Yâwɛɛ ŋɔsâla láa soŋ tii ƃa díwɔ̂ pɔɔ-sɛŋ. Gâa, Lubiŋ da Manasɛ suui su-ƃelai gbéli-ŋai dí díwɔ̂i sɔlɔ ƃô Mose, Yâwɛɛ yée mu-nuui yêei Zɔdiŋ Ya-leei kɔlɛ vóloi kulâi-pere.”

Zasua 22:9

Nya ƃe Lubiŋ da Gâa dísuui su-ƃelai da Manasɛ ŋɔsuui su nuu kpului dɔnɔ dí li pôlu dípɔ-taai Gilia. Dí díƃarâa Eezuɛ-ŋai lɛ̀ɛ Silo taa-leei su Keena lɔii ma dí lí Gilia lɔii ma nyíi Mose è ǹaa tɛ̀ɛ dípɔ yɛ̂ɛ berei Yâwɛɛ è mò la dîa Mose sârai.

M̀ɛni-sâa Ƃó-ƃelai 10:3

Tola kɛ́ɛ a saai, Zaɛ è lɛ̀ɛ bɔ́ ŋá. Zaɛ è kùla Gilia lɔii kpiniŋ su. È gɛ̀ Eezuɛ lɔii mɛi a kóraŋ buu feerɛ káo feerɛ.

Samia Maa-ŋuŋ 18:17

Ɣele tɔnɔ da Sɔ̂ɔ è mò Deeƃé ma ǹyɛɛi, “À kɛ̀ ƃa kɛ̀ a ílii kpeliɛɛ, í Yâwɛɛ ŋɔkɔ́i kɔ́ mì, ŋa pâi ńoŋ nɛni kɛ́tɛi Mera tɛɛ̂i ípɔ a ínɛnî.” Kɛ́lɛ Sɔ̂ɔ è kɛ̀ gíli ŋá siâi ǹyɛɛi, “Ḿve ŋ̀wɛ̂lii a gɛ́ɛ ńyãa kpîŋ ŋá Deeƃé páa. M̀ɛni ma, ŋa pâi ǹɛɛ̂i naa Felesia-ŋai dí bàa.”