Nɔŋba 32:19 - Ŋ̀âla Kɔlɔ Maa Waai

¹⁹ Kúfe pâi lɔii da kpɛ́ni kélee siɣêi kwa dîa-ni Zɔdiŋ Ya-leei pôlu-pere da naa túɛ-pere. Kpɛni fêi, kwa kúkpɔɔi lɔii sɔlɔ ƃô ƃɛ́ Zɔdiŋ Ya-leei m̀elâi ŋí ma-pere vóloi kulai-pere.”

Nɔŋba 32:19 ပူးပေါင်းရင်းမြစ်များ

Zɛnɛse 14:12

Dí Eberaŋ ǹêɣe lóŋ La nyii kɛ̀ máŋ Sodɔŋ da ǹyée-ŋa-sãai kélee sìɣe.

Kâloŋ Veerɛi 15:29

Tãi Pika è kɛ̀ la a kâloŋ Eezuɛ lɔii mɛi, Asiria kaloŋ Tigila Pileza è pà é kɔ́ pɛ́lɛ ma, é daa-ŋai ŋí síɣe, Izɔŋ, Ebɛɛ-bɛ-maaka, Zanoa, Kedɛ da Azɔ. È ǹɔii kpîniŋ-ŋai ŋí sìɣe máŋ, Gilia, Galalii da Nɛfɛtɛli. È Eezuɛ-ƃelai kùla gwaa-ŋai tí ma é lí a dia a kɔ-soŋ-ŋa.

Táre-woo-ŋa 20:21

Tɔɔ-laa nyii núu a zɔlɔ ƃô a maa féla, lûwa fé pâi kɛ̂i ma a gbɛɛ-ŋa.

Nɔŋba 34:15

Ǹúu-suu feerɛi ŋí da gburai dí díwɔ̂ lɔii sɔlɔ ƃò Zɔdiŋ Ya-leei pôlu vóloi kula-pere Zɛleko téniŋ ma.”

Zasua 13:8

Yâwɛɛ yée mu nuui Mose è nâa kpɛ̀ɛ a ǹúu sûu saaƃai ŋí díwɔ̂ lɔii tɛɛ̂i dípɔ. Dia ƃé kɛ̀ a Manasɛ ŋɔsuui gbéli, Lubiŋ da Gâa. Ǹɔii-ŋai ŋí dí kɛ̀ Zɔdiŋ Ya-leei pôlu vóloi kulâi-pere.