Nɔŋba 31:54 - Ŋ̀âla Kɔlɔ Maa Waai

⁵⁴ Nya ƃe Mose da zâla láa-soŋ-nuui Ilieza dí gôoi sìɣe gɔ-kuluƃa-ŋai mɛi-ƃelai yêei nyii-ŋai kɛ̀ núu wála tɔnɔ (1,000) mɛi da nyii-ŋai kɛ̀ núu ŋuŋ tɔnɔ (100) mɛi, dí pá a dîa Yâwɛɛ Ŋɔsua kɔlɔ seɣe pɛrɛ maa waai mu a gɛɛ dí kɛ́ naa a kili-too-ŋa-sãa Yâwɛɛ mɛni ma.

Nɔŋba 31:54 ပူးပေါင်းရင်းမြစ်များ

Ɛzura 7:5

Buki è kɛ̀ a Aƃisua ǹóŋ, Aƃisua kɛ́ ƃò a Fineɣa ǹóŋ. Fineɣa è kɛ̀ a Ilieza ǹóŋ, nyíi kɛ̀ a Eelɔŋ ǹóŋ-surɔŋ.

Wule-woo-ŋa 115:1

Yâwɛɛ, laa maa tɛ̂ fé kúmɛni ma, fɛ̂ɛ nɔ́ yá tɔnɔ kpéŋ. M̀ɛni ma, fɛ̂ɛ kú ífolo-laai mɛni ƃó, íwɔlɔ-wɔlɔ wɛli kɛ-maai, da íteniŋ ƃô-laai.

Wule-woo-ŋa 145:7

Da pâi lônoi é pîlaŋ ítûa-pere lɛ́lɛɛi ma, dí wule tóo é pîlaŋ íteniŋ ƃô-laai ma.

Wule-woo-ŋa 18:49

M̀ɛni ma, Yâwɛɛ, ŋa pâi ílaa maa tɛ̂i ǹɔii ŋuŋ-ŋai su. Ŋa pâi laa maa tɛ̂ wule-ŋa toôi a ílaa.

Ɛsedɔ 28:12

Gɔni feerɛi ŋí sɔlɔ ɛfɔi kâraŋ ŋá-ɣɛli-ŋai dîa a gɛɛ dí kɛ́ a kili-too-ŋa kɔni-ŋa Eezuɛ ǹônii mɛni ma. Berei-sii ŋí ƃé dílaa a pâi kɛ̂i la Eelɔŋ kâraŋ ŋá ŋɛ́i-tuɛ a gɛɛ díkili é kɛ́ ŋá.

Ɛsedɔ 30:16

Zɛŋ-kaoi ŋí sóŋ Eezuɛ-ŋai yêei í gɔlɛ ŋásua-kɔlɔ seɣe pɛrɛ maa waai mu tii kɛ́ mɛni ma. Nyíŋi a pâi Eezuɛ-ŋai maa mɛni lɛɛ̂i ŋ́gili ŋá, ǹyaŋ nyíŋi a pâi kɛ̂i a kúfulu-laai maa fela-fei”

Zɛkɛrâya 6:14

Gâloŋ-ƃɔrɔi a pâi kɛ̂i Yâwɛɛ ŋɔpɛ́rɛi mu a kili-too-ŋa Ɛdai, Toƃiya, Zidaya da Zɛfɛnâya ǹóŋ Zosaya dímɛni ma.”

Nɔŋba 16:40

Nyíŋi è kɛ̀ a kili-too-ŋa Eezuɛ-ŋai mɛni ma a gɛɛ diai kélee dífe a Eelɔŋ ŋɔsuui dai dífe pà ŋ̀âla-teƃelei ma kéreŋ-sɛŋ kúŋ nɛ̃ɛ kêrenii Yâwɛɛ mɛni ma. À kɛ̀ tí m̀aa-nuui su a pâi karâi yɛ̂ɛ Koa da ŋɔnûai. Mɛni-ŋai ŋí kélee è kɛ̀ yɛ̂ɛ berei Yâwɛɛ è mò la Ilieza ma Mose sârai.

Lûu 22:19

Nya ƃe e kpólo sìɣe, tãi e sɛɣɛi-fei tɛ̀ɛ lai e zu ɣale, e dɛɛ dípɔ, ǹyɛɛi, “Ŋ́gbonôi ká ŋi [nyii a tɛɛ kámɛni mai. Ka nyiŋi kɛ́ ŋ́gili e lɛɛ káŋa.”

Zia-ƃelai Kɛ́-mɛni-ŋai 10:4

Kɔniliɔ kɛ́ɛ a Ŋ̀âla-taa kelai kaai, è yào, ǹyɛɛi, “Lé ƃe, Kúnuu-namui?” Ŋ̀âla-taa kelai ǹyɛɛ mài, “Íɣâlai a ífɛli-wooi mɛni da íkpɔŋ-maai kɛ́ pere maa mɛni. A gbɛtɛ a gɛ́ɛ é íwoo su too.

Zasua 4:7

Gɛ̀ ní, ka pâi m̀ôi dîa a gɛ́ɛ Zɔdiŋ Ya-leei su è tèe káperêi ká tɛ́ɛ naa lɔii kpâla ma a Yâwɛɛ Ŋɔkono-tee gãlai. Mɛni ma, gɔni-ŋai ŋí da pâi kɛ̂i a kili-too ŋ̀á sɛŋ Eezuɛ-ŋai mɛni ma wɔ́lɔ-wɔlɔ da wɔ́lɔ-wɔlɔ.”