Nɔŋba 30:7 - Ŋ̀âla Kɔlɔ Maa Waai

⁷ ǹyaŋ ŋɔsurɔ̂ŋ fé da ƃó ní a ŋ̀élei è mɛ̀ni lai, fɛ̂ɛ nɛnîi é mɛni kélee ŋa-see kɛ́ è vòo lai kpaa máŋ è góno tèe lai.

Nɔŋba 30:7 ပူးပေါင်းရင်းမြစ်များ

Zɛnɛse 3:16

È mò nɛnîi ma ǹyɛɛ, “Ŋa pâi ímɛni-solii su kɛ̀tɛi lóŋ káa-mɛni su. Ƃa pâi nîa-pɛlɛɛ maa sɔlɔ ƃôi mɛni-soli su. É máŋ kɛ́ tí, ímaa mɛni kélee a pâi kɛ̂i ísurɔ̂ŋ ma, ǹyaŋ a pâi kɛ̂i ímɛi.”

Zɛlemaya 44:19

Ǹɛyâai dí m̀ɛnii ŋí da pɛ̀lɛ m̀a dîyɛɛi, “Tãi kwa Ŋ̀âla-taa Kâloŋ-nɛni pɔkɔɔŋ kpɛ̀tɛ la yɛ̂ɛ kpóloi, kúsâla kúla ma, kúkpele-sɛŋ sala sɛŋ pú mai, Kúsinâai dí fàa m̀ɛni ŋí ma.”

Nɔŋba 30:6

“À kɛ̀ nɛnî ta nyii dífe nîi maa mɛni ƃó níi, è vòo kpaa máŋ é góno tée nɔ́ a nâgbɔ kɛ́lɛ vé ziɣe ní ǹíi su,

Nɔŋba 30:8

Kɛ́lɛ ŋ̀elei nɛnîi ŋɔsurɔ̂ŋ à mɛnii tí mɛ̀ni lai, à mò a gɛɛ vé fáa ní ma, gɛ̀ ní vé a sɛŋ a gɛɛ nɛnîi é ŋɔfóo-wooi kpaa máŋ ŋɔkono-teei nyii è gɛ̀ a nâgbɔi kɛ́lɛ vé ziɣe ní ǹíi sui é ŋ̀á-see kɛ́. Ǹyaŋ Yâwɛɛ a pâi zu-mɛni lɛɛ̂i.

Lomaŋ 7:2

Mɛni ma ǹɛnii nyíi a surɔ̂ŋ kulai, dɔ̂ŋ ŋɔwála-walai káa mɛi ŋɔsurɔ̂ŋ mɛni ma tãi nɔ́ ŋɔsurɔ̂ŋ káa la ɣele mai; kɛ́lɛ, à kɛ̀ ŋɔsurɔ̂ŋ à sàa, gɛ̀ ní dɔ̂ŋ ŋɔwála-walai fe ŋɔ́nɔ mɛi ŋɔsurɔ̂ŋ mɛni ma.

Samia Maa-ŋuŋ 1:11

È góno tèe ǹyɛɛi, “Óo Yâwɛɛ, Ŋ̀wála-wâla kélee Ɣalai, à kɛ̀ yà pâi ŋámɛni sôlii kâai, ŋ́gili é lɛ́ɛ íŋa, í lóŋ surɔŋ tɛ̀ɛ ḿbɔ, ŋa pâi dɛɛ̂i ípɔ pôlu. Ŋuŋ ƃó kɔli da kélee fé pâi lɔ̂i ŋ̀ûa ŋɔfúlu-laai su.”

Samia Maa-ŋuŋ 1:23

Ŋɔsurɔ̂ŋ ǹyɛɛ m̀ai, “M̀ɛnii kɛ́ í lâai-la ǹɛ̂lɛɛi. Maa-kpɛŋ kɛ́ ǹolôŋ lá é kúla ŋíni ma. Yâwɛɛ é gɛ́ é gɛ́ í íkono-tee ŋ̀aa-see kɛ́ ǹyêei.” Aana è lɛ̀ɛ naa é lɛ́ɛ la zu ǹolôŋ lá é kúla ŋíni ma.