Nɔŋba 3:7 - Ŋ̀âla Kɔlɔ Maa Waai

⁷ Dí Zua-kɔlɔ seɣe pɛrɛ maa waai mu tii kélee kɛ́, dí tíi kɛ́ zâla láa-soŋ-ƃelai dîɛ da ǹûai kélee.

Nɔŋba 3:7 ပူးပေါင်းရင်းမြစ်များ

Kɔlɔnikɔ Maa-ŋuŋ 26:20

Díƃarâai kɛ̀ a Liiva-ŋai dí ta-ni díkɛ̀ Ŋ̀âla-pɛrɛ Kɛ́tɛi ŋɔsɛŋ-káoi da ŋɔsãai lâai kɛ́ pɛrɛi mɛi ƃɛ́i da kâa Ɣâla ŋɔsama-sãai lâai kɛ̀ naai.

Kɔlɔnikɔ Maa-ŋuŋ 26:22

Ladaŋ ǹônii-sinaa feerɛi Zɛtaŋ da Zooɛ ƃé kɛ̀ Yâwɛɛ ŋɔsɛŋ-káoi da ŋɔsãai lâai kɛ́-pɛrɛi mɛi.

Kɔlɔnikɔ Maa-ŋuŋ 26:26

Silomi da ŋɔkáayɔɔ-ŋai ƃé kɛ̀ zãai mɛi Gâloŋ Deeƃé da ǹúu suu-ŋai láa túɛ-ƃelai, ǹúu-kpulu-ŋai láa túɛ-ƃelai da ŋɔkuluƃa-ŋai láa túɛ-ƃelai dí wɔ́lɔ dɛ̀ɛ Ɣâla pɔ́i.

Levetekɔ 8:35

Ka lɛɛ Yâwɛɛ ŋɔpɛ́rɛi lá a fólo lɔ́ɔlu mɛi feerɛ da kpíni lɔ́ɔlu mɛi feerɛ, ka kɛ́ mɛnii kɛ̀ nyìi Yâwɛɛ è mòi. A wàla kɛ́ tí, ka pâi sâai. Bere ƃe Yâwɛɛ è mò la ḿâ.”

Nɔŋba 1:50

Kɛ́lɛ Liiva-ŋai kɛ́ Ŋásua kɔlɔ seɣe pɛrɛ maa waai mɛi da maa-sãa kélee. Dia nɔ́ ƃa pɔ̂ri liî a maa sãa kélee. Ƃɛ́i kélee da lî naai dí bîlaŋ, dí díƃûui tɔ́ɔ dí dínaŋ ma. Dia nɔ́ ƃa pɔ̂ri tíi kɛ̂i mu.

Nɔŋba 1:53

Kɛ́lɛ Liiva-ŋai nɔ́ ƃa pɔ̂ri díƃûui tínanîi Zua kɔlɔ seɣe pɛrɛ maa waai ma, dí mɛi káa a gɛɛ núu da fé la pá la naa é ŋ́gɛ ńii é ŋwána Eezuɛ-ŋai dîa.”

Nɔŋba 3:32

Liiva-ŋai dítuɛ-nuui ƃé kɛ̀ a Zâla-laa soŋ-nuui kɛ́tɛi Eelɔŋ ǹóŋ Ilieza. È kɛ̀ Zua kɔlɔ seɣe pɛrɛ maa waai mu-tii kɛ́-ƃelai kélee mɛi kâai.

Nɔŋba 3:8

Dí Zua-kɔlɔ seɣe pɛrɛ maa waai maa-sãai kélee mɛi káa dí mu-tii kélee kɛ́ Eezuɛ-ŋai mɛni ma.

Nɔŋba 31:30

Zɛŋ kélee Eezuɛ-ŋai dí zɔlɔ ƃòi í buu lɔ́ɔlu kélee dɔnɔ-tɔnɔ kúla zu. Núu-kpune, niŋa-ŋa wɛlɛ-sôo, ƃála-ŋa da ƃoli-ŋa, í dítɛɛ Liiva-ŋai pɔ́ nyii-ŋai tíi kɛ̂i Yâwɛɛ ŋɔsua kɔlɔ seɣe pɛrɛ maa waai mui.”

Nɔŋba 8:11

Gɛ̀ ní Eelɔŋ a pɔ̂ri Liiva-ŋai tɛɛ̂i ḿbɔ yɛ̂ɛ soŋ-nyee-ŋa sama-sɛŋ nyii kula Eezuɛ-ŋai yêei a gɛɛ dí tíi kɛ́ mî.

Nɔŋba 8:15

Tãi ƃa Liiva-ŋai maa wàa lai í dítɛɛ ḿbɔ yɛ̂ɛ soŋ-nyee-ŋa sama-sɛŋ, gɛ̀ ní da pɔ̂ri nâa tíi kɛ̂i Zua-kɔlɔ pere maa waai mu.