Nɔŋba 3:6 - Ŋ̀âla Kɔlɔ Maa Waai

⁶ “Pá a Liiva ŋɔsuui su-ƃelai zâla láa-soŋ-nuui Eelɔŋ pɔ́ a gɛɛ dí tíi kɛ́ ḿî.

Nɔŋba 3:6 ပူးပေါင်းရင်းမြစ်များ

Kɔlɔnikɔ Maa-ŋuŋ 15:2

È mò ǹyɛɛ, “Núu da kpɛ́ni fé pâi liî a Ɣâla Ŋɔkpanaŋ-woo kɛ́ɛ maa Gãlai fɛ̂ɛ nɔ́ Liiva-ŋai, kpɛ́ni fêi, dia ƃé Yâwɛɛ è dísiɣe zu a gɛ́ɛ dí gɛ́ tí, díkɛ ŋɔ́nɔ tíi kɛ̀ mì a ɣele kélee.”

Kɔlɔnikɔ Maa-ŋuŋ 23:28

Kɛ́lɛ, díi-ŋai da pɔri gɛ̂i ƃé kɛ̀ dí kpɔŋ Eelɔŋ ǹônii-sinaai dîa díkɛ tíi kɛ̀ Yâwɛɛ ŋɔpɛ́rɛi mu. Da pɔri kɛ̂i tíi kɛ̂i bɛ́rɛi láƃelei díkɛ loŋpo-ŋai mu kɔ̀ɔ. È kɛ̀ dîa a kpa a gɛ́ɛ zãai nyíi kélee da tíi kɛ̀ lai é kɛ́ a m̀aa-waa Ɣâla ŋɔpɛ́rɛi mɛ̂ni ma.

Kɔlɔnikɔ Maa-ŋuŋ 23:32

Liiva-ŋai dítii ƃé kɛ̀ a gɛ́ɛ díkɛ zua-kɔlɔ-seɣe pɛrɛi da Ŋ̀âla-pɛrɛ Kɛ́tɛi mɛi kàa Yâwɛɛ ŋɛ́i-tuɛ. Díkɛ naa díkɛ̀ kpɔŋ mâa tɛɛ ŋ̀âla-fɛli mɛni-ŋai su díkaayɔɔ-ŋai kɛ̀ a Eelɔŋ ǹônii-sinaai yée mu.

Kɔlɔnikɔ Maa-ŋuŋ 6:33

Zinâai ŋí ƃe da kâa kɛ̀ ŋ̀ule-ŋai tôoi da dílônii. Ǹûai kùla Koa ŋɔsuui su kolii sui ƃé kɛ̀ a: Zooɛ ǹóŋ Emaŋ. Ǹyaa ƃé kɛ̀ ŋ̀ule too nuu-kpului maa-ŋuŋ láa tuɛ. Ŋɔkáa-laa ɣɛlii pîlaŋɔɔi Zeeka ŋ̀ɔi ma bere sîi ŋí su: Diai gáa-laai ŋí sui ƃa ǹyaa Emaŋ, Zooɛ, Samia

Kɔlɔnikɔ Veerɛi 29:11

Ńônii, káfe m̀ɛnii ŋí siɣe a vii-kpɛɛ. Kpɛni fêi Yâwɛɛ a ká siɣe a gɛ́ɛ kátɔɔ ŋ̀ɛ́i tuɛ, kátii kɛ mi, ka kɛ́ ǹûai téniŋ tɔ̂ɔ a tãi da kɛ́ ḿvɛlîi lai. Kákɛ kéreŋ sɛŋ kuŋ-nɛ̃ɛ ŋa kèreŋ mi.”

Ɛzura 6:18

Dí zâla láa soŋ-ƃelai da Liiva-ŋai dítii kɛ́ kwaa-ŋai ma lɛ̀ dîa Zerusâlɛŋ taa-leei su yɛ̂ɛ berei bɔ̃yɛɛ̂i la Mose ŋɔtɔ̂ŋ kɔlɔi sui.

Malakai 2:4

À kɛ̀ tí ka pâi gɔ́lɔnîi a gɛɛ ŋá m̀ɛnii ŋí ƃò kâa a gɛɛ m̀ɛnii ŋá gbɛ̀tɛ zâla láa soŋ-ƃelai yêei da Liiva ŋɔkáayɔɔ-ŋai vé pâi karâi.

Nɔŋba 18:21

“Zama-sãai kélee Eezuɛ-ŋai dí dɛ̀ɛ ḿbɔi, ŋa buu-ɣelei tɛ̀ɛ Liiva-ŋai pɔ́ a díkɔ̃liŋ dii-ŋai mɛni ma da gɛ̀ mî Zua kɔlɔ seɣe pɛrɛ maa waai mui.

Nɔŋba 2:17

“Nàa pôlu ma Liiva-ŋai dí Zua-kɔlɔ seɣe pɛrɛ maa waai síɣe dí tɔ́ɔ la nuu kpulu-ŋai loai díkɛ lì. Ǹúu-kpului kélee é tɔ́ɔ ŋɔƃenâi mu tɛi-tɛi yɛ̂ɛ berei díƃûu-ŋai tɔɔ̂i káa lai.

Nɔŋba 2:33

Kɛ́lɛ dífe Liiva-ŋai lóno ní Eezuɛ-ŋai sáma, yɛ̂ɛ berei Yâwɛɛ è mò la Mose mai.

Nɔŋba 3:5

Nya ƃe Yâwɛɛ è mò Mose mà ǹyɛɛi,

Dutɛrɔnome 10:8

Maa tãi tí ƃé Yâwɛɛ è Liiva-ŋai sìɣe la a gɛɛ dí kɛ́ sìa a gbana-woo-kɛɛ maa gãlai, dí kɛ́ tíi kɛ̀ mì, dí kɛ́ lûwa làa nûa dîa ǹyaa Yâwɛɛ ǹáai su. Ǹyaŋ bere ƃé gáa la sâa.