Nɔŋba 3:38 - Ŋ̀âla Kɔlɔ Maa Waai

³⁸ È kɛ̀ a sɛŋ a gɛɛ Mose da Eelɔŋ é pɛ́lɛ Eelɔŋ ǹônii-sinaai dîa dí díƃûui tɔ́ɔ Zua kɔlɔ seɣe pɛrɛ maa waai ŋɛ́i-tuɛ vóloi kulâi-pere. À kɛ̀ núu da kpɛ́ni kélee a lɛ̀ɣɛ naa, da pâi maa-nuui tí paâi.

Nɔŋba 3:38 ပူးပေါင်းရင်းမြစ်များ

Kɔlɔnikɔ Maa-ŋuŋ 23:32

Liiva-ŋai dítii ƃé kɛ̀ a gɛ́ɛ díkɛ zua-kɔlɔ-seɣe pɛrɛi da Ŋ̀âla-pɛrɛ Kɛ́tɛi mɛi kàa Yâwɛɛ ŋɛ́i-tuɛ. Díkɛ naa díkɛ̀ kpɔŋ mâa tɛɛ ŋ̀âla-fɛli mɛni-ŋai su díkaayɔɔ-ŋai kɛ̀ a Eelɔŋ ǹônii-sinaai yée mu.

Nɔŋba 1:51

Liiva-ŋai nɔ́ ƃa pɔ̂ri Ŋásua kɔlɔ seɣe pɛrɛ maa waai pîlanii dí gula. Núu da kpɛ́ni kélee à lɛ̀ɣɛ Ŋásua kɔlɔ seɣe pɛrɛ maa waai kɔlɛ, maa-nuui a pâi sâai.

Nɔŋba 1:53

Kɛ́lɛ Liiva-ŋai nɔ́ ƃa pɔ̂ri díƃûui tínanîi Zua kɔlɔ seɣe pɛrɛ maa waai ma, dí mɛi káa a gɛɛ núu da fé la pá la naa é ŋ́gɛ ńii é ŋwána Eezuɛ-ŋai dîa.”

Nɔŋba 2:3

“Diai pâi díwɔ̂ ƃuui tɔɔ̂i vóloi kulâi-perei dí kɛ́ Zudasi ŋɔƃenâi mu díkpulu ma. Zudasi ŋɔnûai túɛ-nuui ƃa Aminɛda ǹóŋ Nasuŋ.

Nɔŋba 3:10

Eelɔŋ lɛ́ da ǹônii a gɛɛ dí zâla-laa soŋ-tii kɛ́. Kɛ́lɛ núu da kpɛ́ni kélee à lɛ̀ɣɛ naa, maa-nuui a pâi saâi.”

Nɔŋba 3:23

È kɛ̀ a sɛŋ a gɛɛ Gɛsɔŋ ŋɔsuui su-ƃelai dí díƃûui tɔ́ɔ Zua kɔlɔ seɣe pɛrɛ maa waai pôlu pere, vóloi liî-pere.

Nɔŋba 3:29

È kɛ̀ a sɛŋ a gɛɛ Koa ŋɔsuui su-ƃelai dí díƃûui tɔ́ɔ Zua kɔlɔ seɣe pɛrɛ maa waai mɛi kɔlɛ nàa kwára-pere.

Nɔŋba 3:35

È kɛ̀ a sɛŋ a gɛɛ Melali ŋɔsuui su-ƃelai dí díƃûui tɔ̀ɔ Zua kɔlɔ seɣe pɛrɛ maa waai kɔlɛ mâ yá-ŋûa pere. Dítuɛ-nuui ƃé kɛ̀ a Abiai ǹóŋ Zuliɛ.

Nɔŋba 3:37

Dítii ƃé kɛ̀ máŋ a gɛɛ dí góraŋ-wuru kôyaa-ŋai mɛi káa, zee-sãai da ŋuru pɛlɛɛ-ŋai da zoŋ ɣɛli-ŋai kpulɔŋ mai dí gáa a gɛɛ Eezuɛ-ŋai dí Ɣâla fɛli a pere sîi sãa da bɛ́rɛi tɔɔ-sãa kélee.