Í wúlɔ pú díŋûa yɛ̂ɛ berei í bù la dínâŋ ŋûa a gɛɛ dí sâla-laa soŋ-tii kɛ́ mî. Ŋ̀úlɔ púɔɔ díŋûa a pâi dísuui kɛ̂i a sâla laa soŋ-tii kɛ́-ƃela wɔlɔ-wɔlɔ da wɔlɔ-wɔlɔ.”
Gɛ̀ ní Mose é ŋ̀úlɔ maa-waai da sìɣe da zua ŋãai nyii kɛ̀ ŋála-teƃelei ŋái é gbɛ́mɛŋ Eelɔŋ da ǹônii dîa, é da kpɛ́mɛŋ díseɣe-ŋai dîa. Bere sîi ŋí su è dí maa wâa da díseɣe-ŋai Yâwɛɛ ŋɔtíi kɛ́ mɛni ma.
Kɛ́lɛ Nada da Abiu dí sàa Yâwɛɛ ŋɛ́i-tuɛ Sana Fɛ̃ɛ-kpalaŋ su tãi dí kéreŋ-sala kùla-ŋɔŋ tɛ̀ɛ la Yâwɛɛ pɔ́, nyii vé kɛ́ ní a maa waai. Mɛni ma Ilieza da Itama dí sâla-laa soŋ-tii kɛ̀ dínâŋ Eelɔŋ mu tãi è kɛ̀ la ɣele mai.
Tɔ̃yâ ma, dɔ̂ŋ a núu lɛ̀ ŋɔfii-kpɛɛi su a gɛɛ a kɛ̀ a sâla láa soŋ-nuu, kɛ́lɛ, Ɣâla ŋɔfóo-wooi nyíi pà dɔ̂ŋ pôlu mai, a Ɣâla Ǹóŋ lɛ̀ nyíi maa waai wɔlɔ-wɔlɔ da wɔlɔ-wɔlɔi.
