Nɔŋba 3:13 - Ŋ̀âla Kɔlɔ Maa Waai

¹³ Kpɛni fêi, dílônii-sinaa maa-ŋuŋ-ŋa kélee díkaa a ḿbɔɔ. Ŋelei ŋá Ize-lonii-sinaa maa-ŋuŋ-ŋai kélee pàa la Ize lɔii sui, ŋá Eezuɛ lonii-sinaa maa-ŋuŋ-ŋai da dítaa-tulɛ-ŋai dílônii maa-ŋuŋ-ŋai sìɣe a ḿbɔɔ. Díkaa a ḿbɔɔ. Ńyãa ƃa Yâwɛɛ.”

Nɔŋba 3:13 ပူးပေါင်းရင်းမြစ်များ

Niɛmaya 10:36

Kwa pâi pâi a kúlônii-sinaai maa-ŋuŋ-ŋai da kútaa tûlɛ-ŋai dílônii maa-ŋuŋ-ŋai zâla láa soŋ-ƃelai pɔ́ tíi kɛ̂i Kúɣâlai ŋɔpɛ́rɛi mu, yɛ̂ɛ berei bɔ̃yɛɛ̂i ŋɔ́nɔ la Mose ŋɔtɔ̂ŋ sui.

Ɛsedɔ 13:12

ka kálônii-sinaai maa-ŋuŋ-ŋai tɛ́ɛ Yâwɛɛ pɔ́. Kátaa tulɛ-ŋai dílônii-sirɛi maa-ŋuŋ-ŋai díkaa a Yâwɛɛ pɔ́ɔ.

Ɛsedɔ 13:15

Tãi Gâloŋ fé fáa ní la mà a ŋɔlii-kpanaŋ a gɛɛ é kúlɛɛ naa kú líi, Yâwɛɛ è Ize lɔii su-ƃelai dílônii-sinaai maa-ŋuŋ-ŋai kélee pàa. È núu-kpune ǹônii-sinaai maa-ŋuŋ-ŋai pàa da daa-tulɛ-ŋai dílônii-sirɛi maa-ŋuŋ-ŋai. Mɛni ma kúkaa kúlônii-sinaai maa-ŋuŋ-ŋai kulâi a sâla Yâwɛɛ mà. Kɛ́lɛ fɛ̂ɛ kú kúlônii-sinaai maa-ŋuŋ-ŋai ŋuŋ ma ƃó.

Ɛsedɔ 13:2

“Eezuɛ-ŋai dílônii-sinaai maa-ŋuŋ-ŋai kélee tɛ́ɛ ḿbɔ. Eezuɛ-ŋai dílônii-sinaai maa-ŋuŋ-ŋai da dítaa-tulɛ-ŋai dílônii maa-ŋuŋ-ŋai nyii-ŋai díkaa a dísîrɛi díkaa a ḿbɔɔ.”

Ɛsedɔ 22:29

“Pá a í mii-sãa sama-sɛŋ, kpele-sɛŋ sama-sɛŋ, da ɔle-wulɔ sama-sɛŋ, a tãi gáa a sɛŋ í dítɛɛ lai. “Íloŋ-surɔ̂ŋ maa-ŋuŋ tɛ́ɛ ḿbɔ.

Ɛsedɔ 34:19

“Núu-loŋ kélee da sua-loŋ kélee maa-ŋuŋ káa a ḿbɔɔ. Niŋa, ƃála da taa-tulɛ-sii kélee díloŋ-sîrɛi maa-ŋuŋ-ŋai kélee.

Izikiɛ 44:30

Ká kási-sãai m̀á m̀aa-ŋuŋ da zâla-sii nyii kélee ka gulai káa a zâla láa-soŋ-ƃelai pɔɔ. Gáa a sɛŋ ká kákpolo-ŋai m̀aa ŋuŋ tɛ́ɛ zâla láa-soŋ-ƃelai pɔ́. Ka gɛ̀ tí, lûwa a pâi kɛ̂i kápɛrɛi ma.

Levetekɔ 27:26

“Vɛnɛ-sɛŋ lonii maa-ŋuŋ-ŋai kélee káa a Yâwɛɛ pɔ́ɔ. M̀ɛni ma, núu da fé da tɛ̂ɛ bɔ́ a kili-kula sama-sɛŋ. A nɛ̃ɛ ma é kɛ́ a niŋa-loŋ, ƃála-loŋ kpaa máŋ ƃoli-loŋ gáa a Yâwɛɛ pɔ́ɔ.

Nɔŋba 18:15

“Núu-kpune da taa-tulɛ dílônii maa-ŋuŋ-ŋai kélee nyii-ŋai da dítɛ̀ɛ ḿbɔi, díkaa a ípɔɔ. Kɛ́lɛ fɛ̂ɛ í íyee sée núu-kpune ǹônii maa-ŋuŋ-ŋai díŋuŋ-ma-ƃo fela-fei mu. Íyee sée daa-tulɛ lônii maa-ŋuŋ-ŋai díŋuŋ-ma ƃó fela-fei mu nyii-ŋai dímaa fé waa nii.

Nɔŋba 18:6

Ka gáa, Liiva-ŋai nyii-ŋai díkaa a kákaayɔɔ-ŋai, ńyãa ƃé díkùla Eezuɛ-ŋai sáma. Díkaa a sama-sɛŋ kámɛni ma. Ŋa dílɛ a gɛɛ dí tíi kɛ́ ḿɛni ma Zua kɔlɔ seɣe pɛrɛ maa waai mu.

Nɔŋba 3:41

Kɛ́lɛ ŋa Liiva-ŋai síɣe dípɔɔ ŋá a ḿbɔɔ. Ŋa Liiva-ŋai dítaa-tulɛ-ŋai síɣe máŋ a ḿbɔɔ Eezuɛ-ŋai dítaa-tulɛ-ŋai dílônii maa-ŋuŋ-ŋai pɔ́ɔ ŋá.

Nɔŋba 33:4

Maa tãi tí ƃé Ize-ŋai dí kɛ̀ dílônii-sinaai maa-ŋuŋ-ŋai saa loôi la nyii-ŋai Yâwɛɛ è dípàai. Bere sii ŋí ƃé Yâwɛɛ è díɣâla-ŋai maa-mɛni ŋá tee la.

Lûu 2:23

(yɛ̂ɛ berei bɔ̃yɛɛ̂i la Kúnuu-namui ŋɔtɔ̂ŋ sui, ǹyɛɛi, “Lóŋ-surɔŋ vulɔ-fulɔi kélee a koo-ƃɔlɔŋ lá ƃôi da pâi dólîi a maa waa Kúnuu-namui mi”)

Ibulu 12:23

Ka seri bɔɔ-sɛŋ sɔlɔ ƃó-ƃelai maa-kpɔŋ mâ, nyíi-ŋai dílaa káa Ɣâla-taai, da mɛni-ŋa-tee nuui nyíi gáa a núu kélee Ŋɔɣâlai, da maa-waa-ƃelai dímɔlêŋ nyíi-ŋai dí maa-waa-laai láa fɛ́ɛi Ɣâla-taai.